சீனப் பொருள்களின் ஆதிக்கம் குறித்து கவலைப்படத் தேவையில்லை: மத்திய அமைச்சர் கல்ராஜ் மிஸ்ரா

**ayyasamy ram** · **ayyasamy ram** Fri Sep 18, 2015 5:59 am

இந்தியச் சந்தைகளில் சீனப் பொருள்களின் ஆதிக்கம்
குறித்து கவலைப்படத் தேவையில்லை என்று மத்திய
சிறு, குறு, நடுத்தர (எம்.எஸ்.எம்.இ.) நிறுவனங்கள் துறை
அமைச்சர் கல்ராஜ் மிஸ்ரா கூறினார்.

சென்னை, கிண்டி எம்.எஸ்.எம்.இ. மேம்பாட்டு நிறுவன
வளாகத்தில் எம்.எஸ்.எம்.இ. - சாம்சங் தொழில்நுட்பப்
பள்ளி தொடக்க விழா வியாழக்கிழமை நடைபெற்றது.
அதைத் திறந்துவைத்த மத்திய அமைச்சர்
கல்ராஜ் மிஸ்ரா நிருபர்களிடம் கூறியது:

இந்தியச் சந்தைகளில் சீனப் பொருள்கள் ஆதிக்கம்
தொடர்பாக கவலை கொள்ளவோ, அதை கவனத்தில்
எடுத்துக்கொள்ளவோ தேவையில்லை.
ஏனெனில், உள்நாட்டு உற்பத்தியை உயர்த்துவதற்கான
தீவிர முயற்சிகளை மத்திய அரசு மேற்கொண்டு வருகிறது.

வேளாண் உற்பத்திக்கு அடுத்தபடியாக, அதிக
உற்பத்தியைக் கொண்டுள்ள துறையாக சிறு, குறு, நடுத்தர
நிறுவனங்கள் துறை உள்ளது. இந்த நிறுவனங்கள் மூலம்
சீனப் பொருள்களால் ஏற்படும் சவால் விரைவில் முறியடிக்கப்
படும்.

தமிழக அரசு சார்பில் அண்மையில் நடத்தப்பட்ட சர்வதேச
முதலீட்டாளர்கள் மாநாடு மிகப் பெரிய அளவில் முதலீடுகளை
ஈர்த்துள்ளது. சிறு, குறு, நடுத்தர நிறுவனங்களின் வளர்ச்சியிலும்
தமிழகம் அதிக கவனம் செலுத்தி வருகிறது.

இந்திய அளவில் ஒப்பிடும்போது தமிழகத்தில்தான் அதிக
அளவில் எம்.எஸ்.எம்.இ. நிறுவனங்கள் உள்ளன. எனவே, சிறு, குறு,
நடுத்தர நிறுவனங்கள் மேம்பாட்டில் தமிழகம் முன்னோடி
மாநிலமாகத் திகழ்கிறது என்றார்.
-
50 இடங்களில் எம்.எஸ்.எம்.இ. டிஜிட்டல் அகாதெமி
-
திறன் மிக்க மனித ஆற்றலை உருவாக்கும் வகையில் நாடு
முழுவதும் 50 இடங்களில் "எம்.எஸ்.எம்.இ.-சாம்சங் டிஜிட்டல்
அகாதெமி' விரைவில் தொடங்கப்பட உள்ளதாக மத்திய அமைச்சர்
கல்ராஜ் மிஸ்ரா கூறினார்.
-
தினமணி

சீனப் பொருள்களின் ஆதிக்கம் குறித்து கவலைப்படத் தேவையில்லை: மத்திய அமைச்சர் கல்ராஜ் மிஸ்ரா

சீனப் பொருள்களின் ஆதிக்கம் குறித்து கவலைப்படத் தேவையில்லை: மத்திய அமைச்சர் கல்ராஜ் மிஸ்ரா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக