பேசு மனமே பேசு

yes.ranganathan · yes.ranganathan Sun Aug 23, 2015 4:22 pm

நீ பேச வேண்டும் என்று
நானும்
நான் பேச வேண்டும் என்று
நீயும்
நாம் பார்க்கும் பொழுதெல்லாம்
நினைத்து இருத்தி
பேசாமலே போகிறோமே..
நம் உணர்வுகளின் கட்டுப்பாட்டில்
எதற்கடி நாம்
இருக்க வேண்டும்..
நம் கட்டுப்பாட்டில் அவை
இருந்திருந்தால்
பேசி பேசி இன்று
பேசவே எதுவுமில்லாமல்
வாழ்ந்திருப்போமே.
பேசி விலகியிருக்கலாம்
இல்லை விலகாமல் இருக்க
பேசியிருக்கலாம்..
இப்படி
விலகாமலும்
பேசாமலும்...
நசுக்கப்பட்டது
வார்த்தைகள் மட்டுமல்ல
நம் காதலும் கூடத்தான்

**T.N.Balasubramanian** · **T.N.Balasubramanian** Sun Aug 23, 2015 5:52 pm

yes .ranganathan .
சரியான பேச்சுதான் (கவிதை )
நன்றாக இருக்கிறது .

இன்னும் நீங்கள் உங்களை அறிமுகப்படுத்திக் கொள்ளவில்லையே !
அறிமுகப் பகுதிக்கு சென்று , உங்களை பற்றிய விவரங்களை கூறுங்களேன் .

ரமணியன்