அதிக கோடீஸ்வரர்களை கொண்ட நாடுகள் பட்டியலில் இந்தியாவுக்கு 11- வது இடம்

அதிக கோடீஸ்வரர்களை கொண்ட நாடுகள் பட்டியலில்
இந்தியாவுக்கு 11- வது இடம் கிடைத்துள்ளது.

இந்தியாவில் 1.98 லட்சம் கோடீஸ்வரர்கள் இருப்பதாக
ஆய்வறிக்கை ஒன்றில் தகவல் வெளியாகியுள்ளது.

இந்தியாவில் 2014-ஆம் ஆண்டு எடுக்கப்பட்ட புள்ளிவிவரக்
கணக்கின்படி சுமார் 1.98 லட்சம் கோடீஸ்வரர்கள் உள்ளனர்.
இந்த எண்ணிக்கை கடந்த 2013-ஆம் ஆண்டு 1.56 லட்சமாக
இருந்தது. உலக அளவில் அதிக கோடீஸ்வரர்களைக்
கொண்ட நாடுகளில் இந்தியா 11வது இடத்துக்கு
உயர்ந்துள்ளது.

இந்த பட்டியலில் முதலிடத்தை அமெரிக்கா பிடித்துள்ளது.
அந்நாட்டில் 43.51 லட்சம் கோடீஸ்வரர்கள் உள்ளனர்.
இரண்டாவது இடத்தில் ஜப்பானும் 3-வது இடத்தில் உள்ள
ஜெர்மனியும் 4-வது இடத்தில் உள்ள சீனாவும் உள்ளன.

மேலும், இந்தியா மற்றும் சீனாவில் வளர்ச்சி விகிதம்
அதிகரித்து வருவதால் இந்த 2 நாடுகளில் உள்ள
கோடீஸ்வரர்களின் எண்ணிக்கை அதிகரிக்கும்.

இந்த தகவலை உலக பொருளாதர வளம்-2015 என்ற
ஆய்வறிக்கையை கேப்ஜிமினி மற்றும் ஆர்பிசி வளம்
மேலாண்மை நிறுவனம் வெளியிட்டுள்ளது.

இந்தியாவில் பொருளாதாரச் சீர்திருத்தம் செய்வதில்
அக்கறை கொண்ட பிரதமர் கடந்த ஆண்டு
பதவியேற்றதைத் தொடர்ந்து இந்தியாவில் முதலீடு செய்ய
விரும்புபவர்களின் நம்பிக்கை அதிகரித்துள்ளது.

எனவே நாட்டில் பொருளாதார காரணிகள் சாதகமான
சூழ்நிலையில் இருப்பதே இந்தியாவில் செல்வ வளம்
நிறைந்தவர்களின் எண்ணிக்கை அதிகரிப்பதற்கு முக்கிய
காரணமாக கூறப்படுகிறது
-
------------------------------------------------
தினமணி