விநாயகர் சதுர்த்தியை முன்னிட்டு 6 ஆயிரம் சிலைகளுடன் கண்காட்சி இன்று முதல் 27-ந்தேதி வரை நடக்கிறது

**ayyasamy ram** · **ayyasamy ram** Thu Sep 17, 2015 5:15 am

-
தாம்பரம்,

தாம்பரம் அருகேயுள்ள சிட்லபாக்கத்தில் விநாயகர் ச
துர்த்தியை முன்னிட்டு 6 ஆயிரம் விநாயகர் சிலைகளுடன்
கண்காட்சி நடைபெறுகிறது. இந்த கண்காட்சி இன்று
(வியாழக்கிழமை) தொடங்கி 27-ந்தேதி வரை நடக்கிறது.

அமைச்சர் தொடங்கி வைக்கிறார்

சென்னையை அடுத்த குரோம்பேட்டை ராதா நகர்
கிருஷ்ணமாச்சாரி தெருவை சேர்ந்தவர் சீனிவாசன்.
கட்டிட கலை நிபுணர். விநாயகரின் தீவிர பக்தரான இவர்
ஆண்டுதோறும் விநாயகர் சதுர்த்தியை முன்னிட்டு
விநாயகர் சிலைகளை கொண்ட கண்காட்சியை நடத்தி
வருகிறார்.

இந்த ஆண்டு தாம்பரம் அருகே சிட்லப்பாக்கம் காந்தி
தெருவில் உள்ள ஸ்ரீலட்சுமி ராம்கணேஷ் மகாலில் 9-வது
ஆண்டாக நடைபெறுகிறது. விநாயகர் சதுர்த்தி நாளான
இன்று(வியாழக்கிழமை) தொடங்கி வருகிற 27-ந்தேதி
வரை கண்காட்சி நடக்கிறது.
இந்தக் கண்காட்சியை தமிழக கால்நடை பராமரிப்பு துறை
அமைச்சர் டி.கே.எம்.சின்னையா தொடங்கி வைக்கிறார்.

பாகுபலி விநாயகர்

2 மாடிகளில் பல விதமான வகையில் விநாயகர் சிலைகள்
வைக்கப்பட்டுள்ளன. இதில் கண்ணாடி மாளிகையில்
சொர்க்கத்தில் சொர்க்கவாசல் விநாயகர், கண்ணாடி
பிம்பங்களில் பள்ளிகொண்டவிநாயகர், 8 அடி உயரத்தில்
பக்தர்களை கண்சிமிட்டி காதை ஆட்டி துதிக்கையால்
ஆசிர்வதிக்கும் விநாயகர் இருப்பது போன்றும்
வடிவமைக்கப்பட்டுள்ளது.

மேலும், டைனோசரில் வரும் விநாயகர், டிராகனில் வரும்
விநாயகர், சைக்கிள் ரிக்ஷா ஓட்டும் விநாயகர்,
சிவலிங்கத்தை தூக்கி செல்லும் பாகுபலி விநாயகர் உள்பட
6 ஆயிரம் விநாயகர் சிலைகள் தத்ரூபமாக அமைக்கப்பட்டுள்ளது.

அனுமதி இலவசம்

பல்வேறு உருவங்களில் உலகில் உள்ள விநாயகர் பற்றி
பொதுமக்கள் தெரிந்து கொள்ளவும் ஆயிரக்கணக்கான
பிள்ளையாரை ஒரே இடத்தில் பார்க்கவும் விநாயகர்
கண்காட்சியை தொடர்ந்து 9-வது வருடமாக நடத்தி வருகிறோம்.

கடந்த ஆண்டு கண்காட்சியை 11 நாட்களில் 2 லட்சம் பேர்
பார்த்து சென்றனர்.

இந்த ஆண்டு கண்காட்சி இன்று (வியாழக்கிழமை) முதல்
வருகிற 27-ந்தேதி வரை நடைபெறுகிறது. தினமும் காலை
9.30 மணியில் இருந்து மதியம் 1 மணி வரையிலும்,
மாலை 4 மணியில் இருந்து இரவு 8 மணி வரையிலும் கண்
காட்சியை பார்த்து செல்ல பொதுமக்களுக்கு இலவச அனுமதி
அளிக்கப்படும் என்று கண்காட்சி அமைப்பாளர் பொறியாளர்
சீனிவாசன் கூறினார்.
-
-----------------------------------------
தினத்தந்தி
-

**krishnaamma** · **krishnaamma** Thu Sep 17, 2015 11:30 am

4 நாள் முன்பே வைத்திருந்தால் நிறைய பிள்ளையார் சிலைகளை விற்று இருக்கலாம் புன்னகை

விநாயகர் சதுர்த்தியை முன்னிட்டு 6 ஆயிரம் சிலைகளுடன் கண்காட்சி இன்று முதல் 27-ந்தேதி வரை நடக்கிறது

விநாயகர் சதுர்த்தியை முன்னிட்டு 6 ஆயிரம் சிலைகளுடன் கண்காட்சி இன்று முதல் 27-ந்தேதி வரை நடக்கிறது

Re: விநாயகர் சதுர்த்தியை முன்னிட்டு 6 ஆயிரம் சிலைகளுடன் கண்காட்சி இன்று முதல் 27-ந்தேதி வரை நடக்கிறது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக