"டேபிள் மேனர்ஸ்' பற்றி தெரிந்துகொள்ளுங்கள்

நம்முடைய தென்னிந்திய முறைப்படியிலான விருந்துகளில் வாழை இலை போட்டு விதவிதமாகப் பரிமாறுவது போல மேலை நாடுகளின் வழக்கப்படி விருந்து கொடுக்கும் போது டேபிள் மீது தட்டுகள் வைத்து, தட்டின் இடது புறம் ஃபோர்க்கும், வலது புறம் கத்தியும், ஸ்பூனும் வைக்க வேண்டும். அருகில் ஒரு "நாப்கின்' வைக்கப்படும். வலது கையினால் பிரட் மற்றும் உணவு வகைகளை வெட்டி பின்பு ஃபோர்க்கினால் எடுத்து உண்ண வசதியாக இருக்குமெனத்தான் இந்த ஏற்பாடு. இடது கையினால் வெட்டுவது முடியாதல்லவா? தண்ணீரும் வலது பக்கம்தான்!

இது போன்ற விருந்துகளில் முதலில் "சூப்' ஒன்று பரிமாறப்படும். "சூப்'களில் பல விதங்கள் உண்டு என்றாலும் பலவித காய்கறிகள் சேர்த்து செய்த "வெஜிடெபிள்' சூப் பலரும் விரும்பும் ஒன்று. இந்த சூப் வகைகள் பசியை நன்கு தூண்டவல்லது. சூப் குடித்து 10 - 20 நிமிடங்கள் கழித்துதான் மற்ற ஐட்டங்கள் பரிமாறப்படும். நம் விருந்துகளில் முடிவில் பாயசம் போல, இந்த வகை விருந்துகளில் "டெஸர்ட்' ஐட்டங்கள் பரிமாறப்படும்.

விருந்து உண்டு முடியும் நேரம் இன்னமும் ஏதாவது உண்ண விரும்புகிறீர்களா? உண்டவரையே போதுமா என்பது நீங்கள் ஸ்பூன், ஃபோர்க் இவைகளை வைக்கும் முறையிலிருந்து தெரியும், முன்பே சொன்னது போல இவைகளைக் குறுக்காக வைத்தால் உண்டு முடித்தாகிவிட்டது; இனி எதுவும் பரிமாறத்தேவையில்லை என்பது பொருள். இப்படி இல்லாமல் நேராக வைத்தால் இன்னும் உண்ண விரும்புகிறார்கள் என்பது பொருள்.

இது போன்ற விருந்துகளில் முக்கிய விருந்தாளி அமர்ந்து உண்ண ஆரம்பித்த பின்னர்தான் விருந்தில் கலந்துகொள்ளும் மற்றவர்களும், விருந்து கொடுப்பவரும் உண்ணத் தொடங்குவர். விருந்தாளிகள் உண்ணும் முன்பு விருந்து தருபவரோ, அவரைச் சேர்ந்தவர்களோ உண்ணமாட்டார்கள். சிலர் விருந்துகளில் உணவு கொண்டுவந்து வைத்தவுடனேயே உண்ணத் தொடங்கிவிடுவார்கள். இது சரியான பழக்கம் கிடையாது. அதே போல விருந்தின் ஆரம்பத்தில் தரப்படும் "சூப்'பும் விருந்தின் தன்மைக்கு ஏற்ப அமையும்.

விருந்து "ஹெவி' என்றால் "சூப்' லைட்டாகவும் - விருந்தில் ஐட்டங்கள் குறைவாக இருந்தால் "பலவித காய்கறிகள்' சேர்த்த "வெஜிடெபிள்' சூப் போல சற்று ஹெவியாகத் தர ஓரளவு வயிறு இதிலேயே நிரம்பிவிடும். "சூப்' தந்த பின்பு சேலட் - சிலர் 'ஸ்டார்டர்ஸ்' என சூப்புடன் தருபவர்களும் உண்டு. சூப்புடன் தரப்படும் "பிரட் ஸ்டிக்ஸ்' போன்றவை தான் இவை. பெரிய பெரிய விருந்துகளில் - "காக்டெயில்' இடம் பெறும் பார்ட்டிகளில் தரப்படும் சின்னச் சின்ன ஸ்னேக்ஸ் வைப்பர்.

பொதுவாக "ட்ரிங்ஸ்' குடிக்கும்போது அவற்றை வெறும் வயிற்றில் குடிக்கக் கூடாது என்பதால் வறுத்த முந்திரி, பிரட் ஸ்டிக் போன்ற பல வித்தியாசமான ஸ்னேக்ஸ் வைக்கப்படும். "காக்டெய்ல்' வைப்பவர்கள்தான் இப்படி. சாதாரணமான விருந்தென்றால் "சூப்', "ப்ரெட்க்ரோட்டன்ஸ்' - அடுத்தது "சாலெட்'. அதிகபட்சம் பச்சைக்காய்கறிகளைக் கொண்டு தயார் செய்யப்படுவதுதான் "சாலட்'டுகள். உருளைக் கிழங்கு போன்றவையும் இதில் இடம் பெறும் சுண்டல்களும்தான் வேகவைத்துச் சேர்க்கப்படுகின்றன.

"சாலட்'கள் உண்ணும் பழக்கம் மிகவும் ஆரோக்கியமானதொரு நல்ல பழக்கம். உண்ணும் உணவில் 2/3 பாகம் இது போன்ற பச்சைக் காய்கறிகள் கொண்டு செய்யப்பட்ட "சாலட்'கள் என்னும்போது அதிலுள்ள வைட்டமின் சத்துகள் அனைத்தும் கிடைக்கப்பெறுவதால் உடல் ஆரோக்கியம் பெறும். இவற்றை உண்பதிலேயே பாதி வயிறும் நிரம்பிவிடும்.

பாதியில் விடுவிடாற்போல் உள்ளது.