தீக்காயம்

சசி · சசி Tue Sep 15, 2015 3:53 pm

பெண்ணே
இதயத்தில் ஏற்பட்ட
காயத்தை போக்கி கொள்ள
இன்னுயிருக்கு தீ வைத்து கொண்டாய்!!

காலமோ நேரமோ
உன்னை மீண்டும் காயப்படுத்தி
பார்க்கிறது!!

உள்ளத்தில் ஆறாத வடுவையும்
உடலெங்கும் ஆறிய வடுவையும்
மீண்டும் சுமக்கிறாய்!!

உன் மனம் மண்ணெண்ணையை நாடினால்
மாறாத வடு உனக்குத்தான் ¡!

பெண்ணே
அவசரப்படாதே
ஆழ்ந்த சிந்தனையினாலும்
அறிவினாலும் அன்பாலும்
அனைத்தையும் மாற்றி விடலாம்!!

மனம் தளர்ந்து விட்டால்
மாறாத வடு உனக்குத்தான்!!

**M.Jagadeesan** · **M.Jagadeesan** Tue Sep 15, 2015 4:52 pm

கவிதையின் கருத்தும் , எழுதிய விதமும் அருமை !

மண்ணெண்ணெய் நாடினால் மாறா வடுவுண்டாம்
புண்ணை உடல்சுமக்கும் கேடுண்டாம் - கண்மணியே !
மண்ணுலகில் மானுடனாய் தோற்றம் ஒருமுறைதான்
எண்ணாதே தற்கொலைக்கு நீ !

சசி · சசி Tue Sep 15, 2015 6:14 pm

மிகவும் நன்றி ஐயா

**T.N.Balasubramanian** · **T.N.Balasubramanian** Tue Sep 15, 2015 7:13 pm

நன்றாக இருக்கிறது சசி .அருமை

ரமணியன்

சசி · சசி Tue Sep 15, 2015 8:34 pm

நன்றி.ஐயா, ரமணியன் ஐயா, ஜெகதீசன் ஐயா,கிருஷ்ணாம்மா, உங்களின் பின்னூட்டங்கள் தான் என்னை எழுத தூண்டுகிறது.

Sponsored content · Sponsored content

தீக்காயம்

தீக்காயம்

Re: தீக்காயம்

Re: தீக்காயம்

Re: தீக்காயம்

Re: தீக்காயம்

Re: தீக்காயம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக