பெண் குழந்தை பிறந்தால் 111 மரங்கள் நடும் வினோத கிராமம்

by **ayyasamy ram** Mon Sep 14, 2015 3:11 pm

இந்தியாவில் பெண் சிசுக்கொலை பல நூற்றாண்டுகளாக
உள்ளது. வறுமை, வரதட்சணை கொடுமை,. திருமணமாகாத
பெண்களுக்கு குழந்தை பிறப்பு, மனதளர்ச்சி ஆகியவை
காரணமாக இத்தகைய பெண் சிசுக்கொலை நடைபெறுகிறது.

பெண்குழந்தைகள் தான் பிறக்க போகிறது என்று தெரிந்தால்
கருவை கலைத்து விடுகிற சூழ் நிலை உள்ளது.

இவ்வாறு உள்ள இந்தியாவில் ராஜஸ்தான் மாநிலம்
பிப்லண்ட்ரி கிராமத்தில் பெண் குழந்தைகள் பிறந்தால் அந்த
கிராமத்தினர் கொண்டாடுகின்றனர். அந்த பெண் குழந்தையின்
நினைவாக 111 மரங்கள் நடுகின்றனர்.

மேலும் அந்த கிராமத்தினர் வசூல் செய்து அந்த குழந்தையின்
பெயரில் ரூ 31 ஆயிரம் நிரந்தர வைப்புத்தொகையாக செலுத்தி
விடுகின்றனர் அந்து பெண் குழந்த பெரிய பெண்ணானதும்
அந்த எபெண்ணின் திருமணத்திற்கு பயன்படுகிறது.

இந்த மரங்கள் நடுவது பெண் குழந்தைகளுக்கு மரியாதையை
தருவது மட்டும் இன்றி சுற்று சூழலுக்கு பசுமையையும் தருகிறது.
என உள்ளூர் வாசி ஒருவர் கூறினார்.

அரசு ஆவணங்கள் படி ஓவ்வொரு ஆண்டும் சராசரியாக 60 பெண்
குழந்தைகள் பிறக்கிறது. 10 லட்சத்துக்கும் அதிகமான நடப்பட்டு
உள்ளன.
-
----------------------------------------------
-
தினத்தந்தி