கூழாங்கற்கள்...!!

ந.க.துறைவன் · ந.க.துறைவன் Thu 13 Aug 2015 - 11:15

தேடல்
*
நீ தேடுவது என்னிடமிருக்கிறது
நான் தேடுவது உன்னிடமிருக்கிறது
நமக்குள்ளிருக்கும் தேடல்
மின் உணர்வாகப் பாய்ந்து
இருவரையும் இணைக்கின்றது
பொல்லாதக் காதல்.
*

ந.க.துறைவன் · ந.க.துறைவன் Mon 17 Aug 2015 - 8:05

நீர்…!!
*
நீரே உயிர் நீரே இரத்தம்
நீரே சுவாசம் நீரே உணவு
நீரே உணர்வு நீரே உறவு
நீரே விந்து நீரே நாதம்
நீரே வாழ்க்கை நீரே சந்ததி
நீரே அமைதி நீரே நம்மதி
நீரே பிரம்மம் நீரே கர்மம்
நீரே நித்தியம் நீரே சத்தியம்!!.
*

shobana sahas · shobana sahas Tue 18 Aug 2015 - 2:50

அருமை அய்யா. மகிழ்ச்சி

**krishnaamma** · **krishnaamma** Tue 18 Aug 2015 - 2:58

ந.க.துறைவன் · ந.க.துறைவன் Fri 28 Aug 2015 - 7:56

துவக்கம்…!!
*
அவளொரு மலரைப் போன்று
விழித்தெழுந்தாள்
மனதில் என்னவோவொரு
புதிய சிந்தனையோடு
புன்னகைப் பூத்தாள்.
எல்லையற்ற ஆசைகளோடு
எதிர்காலச் செயல்களைச்
சித்திரமாய் வரைந்து
இதயக் கணினியில் பதிந்தாள்.
அடிக்கடி நிலைக் கண்ணாடியில்
முகம் பார்த்து பார்த்து
புன்சிரிப்புச் சிரித்துக் கொண்டாள்
அவளுடைய அழகே கண்டே
அவள் பொறாமையோடு
முகம் சுழித்தாள்.
எதைப் பற்றியோ கேட்டு
விசாரிக்கும் அன்னியனிடம்
தலைக் கவிந்து வெட்கப்பட்டுப்
பதில் சொன்னாள்.
வாசலில் நிற்கும் சிட்டுக்குருவியை
விரட்டாமல் ரசித்து பார்த்தாள்
செல்போன் ஒலிக்கேட்டு
பதறாமல் எடுத்துப் பேசினாள்
முகமெல்லாம் மலர்ந்தது
தாமரைப் பூவாய்
*

shobana sahas · shobana sahas Sat 29 Aug 2015 - 2:40

அருமை அய்யா . ரொம்பவும் ரசித்து எழுதி இருகிறீர்கள் . மகிழ்ச்சி

ந.க.துறைவன் · ந.க.துறைவன் Thu 3 Sep 2015 - 11:06

விதி..!!
*
அதிகாலை வேளைத் தவிர
மற்ற பொழுதுகளில்
கொதிப்பேற்றும் வெயிலில்
பாதையோரச் செடிகளில்
காய்ந்து கருகி வாடுகிறது
மலர்கள்
மனிதன் வாடினால் விதி
மலர்கள் வாடினால் நியதி.
*
நடந்ததை வெளியில்
சொன்னால் வெட்கம்
எவரிடமேனும் சொல்லி
பகர்ந்திடாவிட்டால்
தாங்கமுடியாதத் துக்கம்.
மனமொரு
இருதலைக்கொள்ளி.
இதற்கில்லை முற்றுப்புள்ளி.
*
*

ந.க.துறைவன் · ந.க.துறைவன் Thu 10 Sep 2015 - 11:50

வாழ்நாள்…!!
*
வாழ்க்கை எதுவென்று
யாரும் கேட்பதில்லை
வாழ்க்கை இது தானென்று
எவரும் சொன்னதில்லை.
எதுவாகவோ இயங்கி
மெதுவாகவே கழிகிறது
ஆமை வேகமாய் பயணித்து
ஒவ்வொருவரின் வாழ்நாள்.
*

ந.க.துறைவன் · ந.க.துறைவன் Sun 13 Sep 2015 - 17:13

ஜடமனம்…!!
*
பற்றை விடு பேராசை விடு
மோகத்தை விடு கோபத்தை விடு
என்கிறீர்கள்.
எல்லாம் விட்ட பின்
எவரிடம்
என்ன மிச்சமிருக்கும்?
வெறும் ஜடமனம்.
*
மணல்வெளி…!!
*
ஊருக்கு அழகான ஆறு
நீரில்லா மணல்வெளி
காணாமலே போய்விட்டது
மூதாதையர் புதையுண்ட
நினைவிடம்.
*

**T.N.Balasubramanian** · **T.N.Balasubramanian** Sun 13 Sep 2015 - 18:34

ந.க.துறைவன் wrote:வாழ்நாள்…!!
*
வாழ்க்கை எதுவென்று
யாரும் கேட்பதில்லை
வாழ்க்கை இது தானென்று
எவரும் சொன்னதில்லை.
எதுவாகவோ இயங்கி
மெதுவாகவே கழிகிறது
ஆமை வேகமாய் பயணித்து
ஒவ்வொருவரின் வாழ்நாள்.
*

மேற்கோள் செய்த பதிவு: 1161682

அருமை

ரமணியன்

Sponsored content · Sponsored content

கூழாங்கற்கள்...!!

கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

Re: கூழாங்கற்கள்...!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக