அமெரிக்க தொண்டு நிறுவன விருதுக்கு பாம்பன் மீனவப் பெண் தேர்வு

**ayyasamy ram** · **ayyasamy ram** Sun Sep 13, 2015 12:00 am

ராமநாதபுரம் மாவட்டம், பாம்பனைச் சேர்ந்த
மீனவப் பெண் லட்சுமி, அமெரிக்காவில் உள்ள தனியார்
தொண்டு நிறுவனத்தால் சிறந்த மீனவப் பெண்ணாகத்
தேர்வு செய்யப்பட்டார்.

பாம்பன் சின்னப்பாலம் பகுதியைச் சேர்ந்த மீனவர்
மூர்த்தி மனைவி லட்சுமி. இவர் அப்பகுதி மீனவ மகளிர்
சங்கத் தலைவி ஆவார். இவர் பாம்பன் கடலோரப் பகுதியில்
கடல்வளத்தைப் பாதுகாத்து மீன்பிடித் தொழில் செய்வது
குறித்து அப்பகுதி மீனவர்களிடம் விழிப்புணர்வை ஏற்படுத்தி
வருகிறார்.

மேலும் அப்பகுதி மீனவப் பெண்களுக்கு கரையோர மீன்
பிடிப்பு முறைகள் மற்றும் பாசி வளர்ப்பு முறைகள் குறித்து
பயிற்சி அளித்து, 200-க்கு மேற்பட்ட பெண்களை இத்தொழிலில்
ஈடுபடுத்தி அவர்களின் வாழ்வாதாரத்தை மேம்படுத்தியுள்ளார்.

மத்திய, மாநில அரசுகள் வழங்கி வரும் நிதி உதவிகளைப்
பெற்று அவர்களுக்கு வழிகாட்டியாகவும் இருந்து வருகிறார்.
இவர் மீனவர்களுக்காக ஆற்றி வரும் சமூக சேவையைப்
பாராட்டி, அவரை பாம்பன் பகுதியைச் சேர்ந்த "பேடு' என்ற
தனியார் தொண்டு நிறுவனம் சிறந்த மீனவப் பெண்ணாகத்
தேர்வு செய்தது.

அத்துடன் அமெரிக்காவில் உள்ள கலிபோர்னியா மாகாணம்,
பெர்கிலின் பகுதியிலுள்ள கடல் பாதுகாப்பு தொண்டு நிறுவனம்
வழங்கும் விருதுக்காக இவரை பரிந்துரை செய்தது.

அதன்பேரில் அந்நிறுவனம் சிறந்த மீனவப் பெண்ணாக
லட்சுமியை தேர்ந்தெடுத்துள்ளது.

இதையடுத்து அக்டோபர் 8-ஆம் தேதி அமெரிக்காவில் நடை
பெறவுள்ள கடல் வளப் பாதுகாப்பு கருத்தரங்கில் விருதும்,
10 ஆயிரம் டாலரும் மீனவப் பெண் லட்சுமிக்கு வழங்கப்பட
உள்ளது.
-
-----------------------------------------------
-தினமணி

**T.N.Balasubramanian** · **T.N.Balasubramanian** Sun Sep 13, 2015 11:52 am

வாழ்த்துகள் லக்ஷ்மியே !
மீனவ குலத்திற்கு ஒரு பரிசு., பெருமையே !

ரமணியன்

அமெரிக்க தொண்டு நிறுவன விருதுக்கு பாம்பன் மீனவப் பெண் தேர்வு

அமெரிக்க தொண்டு நிறுவன விருதுக்கு பாம்பன் மீனவப் பெண் தேர்வு

Re: அமெரிக்க தொண்டு நிறுவன விருதுக்கு பாம்பன் மீனவப் பெண் தேர்வு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக