முடிவை தேடிய என் நண்பனுக்காக

by guruprasath.k Wed Sep 09, 2015 6:02 am

சிறந்தவனாய் ஆக எண்ணிய நீ
இன்று இறந்தவனானாய்
பிறந்ததிலே சிறந்தவன் நீ
என்றவளை
மறந்தவனானாய்
மீளாமல் உறங்கிடவா
நீ வந்தாய்
வீழாமல் எழுந்திடவா
நினைத்து நின்றாய்
தாளாத துயரத்தை
தந்தவனே
உன்னை
ஆளாக்கி பார்த்தவனின்
அடி விழுதை அறுத்தவனே
பூவான மகள் முகத்தை
மறந்ததால் இறந்தாயோ
இல்லை
இறக்கையில் மறந்தாயோ

காரணத்தை சொல்லாமல்
உன் காரியத்தை காண வைத்தாய்
போனவனே
எம்மை விட்டு போனவனே

========================================================
எழா என் நண்பனை கண்டதில்
இதயம் இடிந்தது
இமைகள் இருண்டது
முகம் பார்த்து பேசுகையில்
முன்னோக்குவாதியாய் தோன்றியவன்
மூச்சு நின்ற பின்னே
மூடனாகத் தோன்றுகிறான்
முட்டாள்
முடிக்கவா வாழ்க்கை
முயல்வதே வாழ்க்கை
இருப்பினும் உன் இழப்பு
என்னை இடித்து அடித்து
குச்சிபோல் ஒடித்து விட்டது

by shobana sahas Wed Sep 09, 2015 8:51 pm

ஐயோ .... மனசுக்கு கஷ்டமாக உள்ளது ... ரொம்ப உருக்கமான சமர்ப்பணம் ...

by **krishnaamma** Wed Sep 09, 2015 11:21 pm

ரொம்ப சோகமான கவிதை சோகம்

by guruprasath.k Thu Sep 10, 2015 9:17 am

சென்ற வார இறுதியில் என்னுடன் இருந்தவன்
இன்று இல்லை

by **krishnaamma** Thu Sep 10, 2015 10:10 am

guruprasath.k wrote:சென்ற வார இறுதியில் என்னுடன் இருந்தவன்
இன்று இல்லை

மேற்கோள் செய்த பதிவு: 1161678

ப்ச் .............என்ன செய்வது.................அநித்தியமான உலகம்..........நீங்களே உங்களை தேற்றிக்கொள்ளுங்கள்......அவரின் குடும்பத்துக்கு ஆறுதலாக இருங்கள் ...........பாவம், அவரின் அப்பா அம்மா .............. ...............எத்தனை வயது இருக்கும் அவருக்கு?....கல்யாணம் ஆகிவிட்டதா?

by guruprasath.k Thu Sep 10, 2015 12:37 pm

32 வயது
திருமணம் ஆனவர்
10 மாத குழந்தை உண்டு

by **T.N.Balasubramanian** Thu Sep 10, 2015 12:45 pm

உயிர் நண்பனை இழப்பதில் ,
உள்ள இழப்பீடு , அளவிடமுடியாதது !
இயற்கை மரணமோ ,
ஏற்றுக்கொண்ட மரணமோ ,
மரணம் மகா ரணம்தான் .
அனுபவமுண்டு ,
ஆத்ம நண்பனை, இழந்து
காலியான இடம்
காலியாகவே உள்ளது .

ஆழ்ந்த அனுதாபங்கள் ,உங்களுக்கும் ,
இழப்பால் வாடும் இதயங்களுக்கும் .

ரமணியன்