மழலை இன்பம் .

**M.Jagadeesan** · **M.Jagadeesan** Mon Sep 07, 2015 7:11 pm

First topic message reminder :

[You must be registered and logged in to see this image.]

குழலினிது யாழினிது என்பதம் மக்கள்
மழலைச்சொல் கேளா தவர் . ( மக்கட்பேறு- 66)

பொருள் : குழந்தைப் பேறு இல்லாதவர்கள்தான் , அவர்களின் மழலை இன்பத்தைக்
கேட்காதவர்கள்தான் , குழலோசை இனிது, யாழோசை இனிது என்று சொல்லிக்கொண்டு இருப்பார்கள் .

நுட்ப உரை :
==========
குழல் - கண்ணன் கையில் இருப்பது . யாழ் - சரஸ்வதியின் கையில் இருப்பது . எனவே இன்பமான இல்வாழ்க்கைக்கு , ஆண் ஒன்று , பெண் ஒன்று இருந்தால் போதும் . " தம் மக்கள் ' என்று ஏன் சொல்லவேண்டும் ? பக்கத்து வீட்டுக் குழந்தை , எதிர் வீட்டுக் குழந்தை மழலை பேசினாலும் இன்பமாகத்தான் இருக்கும் ; ஆனாலும் நாம் பெற்ற குழந்தையின் மழலையைக் கேட்கின்ற சுகமே அலாதிதான் . எனவேதான் " தம்மக்கள் " என்றார்.

**T.N.Balasubramanian** · **T.N.Balasubramanian** Wed Sep 23, 2015 7:12 am

M.Jagadeesan wrote:இரவச்சம்
========

[You must be registered and logged in to see this image.]

தெண்ணீர் அடுபுற்கை ஆயினும் தாள்தந்தது
உண்ணலின் ஊங்கினியது இல் . ( இரவு அச்சம் – 1065 )

பொருள் : தண்ணீர் போன்ற கூழாக இருந்தாலும் , தன்னுடைய சொந்த உழைப்பில் வந்தது என்றால் , அதைவிட இனிய உணவு எதுவுமில்லை .

சிறப்புரை : அடுத்தவன் உழைப்பிலே வந்த அறுசுவை உணவை உண்பதைவிட , தன் சொந்த உழைப்பிலே வந்த உணவு , கூழாக இருந்தாலும் , அது மேலானது ஆகும் .

[You must be registered and logged in to see this link.]

சிறப்புரை மகிழ்ச்சி

முற்றிலும் உண்மை .

ரமணியன்

**ayyasamy ram** · **ayyasamy ram** Wed Sep 23, 2015 7:29 am

**M.Jagadeesan** · **M.Jagadeesan** Wed Sep 23, 2015 12:57 pm

சுற்றம் தழால்
===========

[You must be registered and logged in to see this image.]

காக்கை கரவா கரைந்துண்ணும் ஆக்கமும்
அன்ன நீரார்க்கே உள. ( 527)

பொருள் : காக்கைகள் இரையைக் கண்டபோது ,மறைக்காது , தன் இனத்தை அழைத்து அவைகளோடு சேர்ந்து உண்ணும் . அதுபோல , சுற்றத்தாரோடு இன்ப துன்பங்களைப் பகிர்ந்துகொள்ளும் ஒருவனுக்கே செல்வமும் உண்டாகும் .

**M.Jagadeesan** · **M.Jagadeesan** Wed Sep 23, 2015 7:28 pm

குற்றங்கடிதல்
============

[You must be registered and logged in to see this image.]

வருமுன்னர்க் காவாதான் வாழ்க்கை எரிமுன்னர்
வைத்தூறு போலக் கெடும் . ( 435 )

பொருள் : குற்றம் வருவதற்கு முன்பாகக் காத்துக் கொள்ளாத அரசனுடைய வாழ்க்கை , எரிமுகத்து நின்ற வைக்கோல் போர் போல அழிந்துவிடும் .

பொருட்பாலில் அரசனுக்குக் கூறப்பட்டக் கருத்துக்களில் பெரும்பாலான கருத்துக்கள் , தனிமனிதனுக்கும் பொருந்தும் . இக்குறளும் அத்தன்மைத்தே .

shobana sahas · shobana sahas Thu Sep 24, 2015 2:01 am

அனைத்தும் அருமை அய்யா . படங்களுடன் குறள் அருமை .

**M.Jagadeesan** · **M.Jagadeesan** Thu Sep 24, 2015 8:17 am

நன்றி ஷோபனா சஹஸ் !

shobana sahas · shobana sahas Fri Sep 25, 2015 4:23 am

M.Jagadeesan wrote:நன்றி ஷோபனா சஹஸ் !

[You must be registered and logged in to see this link.]
நன்றி நான் அல்லவா சொல்ல வேண்டும் அய்யா ?!

**M.Jagadeesan** · **M.Jagadeesan** Mon Sep 28, 2015 2:22 pm

[You must be registered and logged in to see this image.]

பரியது கூர்ங்கோட்டது ஆயினும் யானை
வெரூஉம் புலிதாக் குறின் . ( ஊக்கம் உடைமை - 599 )

பொருள் : யானை பெரிய உடம்பினை உடையது ; கூரிய தந்தங்களை உடையது . ஆனாலும் ஒரு புலியைக் கண்டு அது அஞ்சும் . சிறிய புலியிடம் இருக்கும் ஊக்கம் யானையிடம் இல்லாததே இதற்குக் காரணம் .

சிறப்புரை : உருவத்தில் சிறியராய் இருந்தாலும் , ஊக்கம் உடையவராய் இருப்பின் , மற்றவர்கள் அவரைக் கண்டு அஞ்சுவர் .மாவீரன் நெப்போலியன் உருவத்தால் குள்ளமாய் இருந்தாலும் , அவனது ஊக்கம் கண்டு உலகமே அஞ்சியது .இக்குறள் பிறிது மொழிதல் அணியைச் சார்ந்தது .

**M.Jagadeesan** · **M.Jagadeesan** Wed Sep 30, 2015 1:59 pm

[You must be registered and logged in to see this image.]

மோப்பக் குழையும் அனிச்சம் முகம்திரிந்து
நோக்கக் குழையும் விருந்து .

பொருள் ; அனிச்ச மலர் முகர்ந்து பார்த்தாலே வாடிவிடும் .அதுபோல வீட்டிற்கு வந்த விருந்தினரை , அன்பில்லாமல் , முகம் மாறுபட்டு நோக்கினாலே வாடிவிடுவர் .

சிறப்புரை ; விருந்தோம்பலுக்கு உணவிடுதல் முக்கியமல்ல . அன்புடன் நோக்கி , அளவளாவுதல் மட்டுமே முக்கியமாகும் . அனிச்ச மலர் இதுவரையில் எதுவென்று உறுதிப்படுத்தப் படவில்லை . படத்தில் காட்டப்பட்டுள்ள மலர் அனிச்சம் என்பதில் மாறுபட்ட கருத்து உள்ளது .

**T.N.Balasubramanian** · **T.N.Balasubramanian** Wed Sep 30, 2015 4:02 pm

அனிச்ச மலர் பற்றி ,முனைவர் சௌந்தரபாண்டியன் அய்யா அறிந்து இருக்கலாம் !

ரமணியன்

Sponsored content · Sponsored content

மழலை இன்பம் .

மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக