சஞ்சலம்

**ayyasamy ram** · **ayyasamy ram** Sun 6 Sep 2015 - 13:02

-
தீபாராதனைத் தட்டில்
விழுகின்ற ரூபாய் நோட்டுகளால்
சஞ்சலப்படாதிருக்கும்
கடவுள் சிலை போல்
இருப்பதில்லை பூசாரிகள்!
-
-------------------------------
வத்திராயிருப்பு தெ.சு. கவுதமன்
குங்குமம்

**M.Jagadeesan** · **M.Jagadeesan** Sun 6 Sep 2015 - 15:54

கடவுள் சிலையும் பூசாரியும் ஒன்றா ?
...காலமும் கணக்கும் கடந்த காரணன் !
இடமும் பொருளும் அவனுக்கு இல்லை !
... இன்பமும் துன்பமும் ஒன்றெனக் கொள்வான் !
விடத்தையும் அமுதென உண்ணும் ஈசனுக்கு
...விதவித மான உணவுகள் கொடுத்துக்
குடம் குடமாகப் பாலையும் ஊற்றி
...கும்பிட்டு மகிழ்வர் மக்கள் எல்லாம் !

ஆனால் பூசாரியின் நிலையோ

கோயில் நிர்வாகம் கொடுக்கும் சம்பளம்
...குடக் கூலிக்கே சரியாய்ப் போகும் !
வாயும் வயிறுமாய் இருக்கும் மனைவிக்கு
...வைத்தியச் செலவு செய்தல் வேண்டும் !
நோயில் கிடக்கும் அன்னை மனமும்
...நோகாது பணிவிடை செய்தல் வேண்டும் !
தோயும் வறுமையைத் தூர விரட்டத்
...தட்டில் காசுகள் கேட்பது தவறல்ல !

சஞ்சலம்

சஞ்சலம்

Re: சஞ்சலம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக