பெட்ரோல் லிட்டருக்கு ரூ.2, டீசல் 50 காசுகள் விலை குறைப்பு.. இன்று நள்ளிரவு முதல்!

பெட்ரோல் லிட்டருக்கு ரூ.2, டீசல் 50 காசுகள் விலை குறைப்பு.. இன்று நள்ளிரவு முதல்!


டெல்லி : பெட்ரோல் விலை லிட்டருக்கு 2 ரூபாயும், டீசல் விலை லிட்டருக்கு 50 காசுகளும் குறைக்கப்பட்டுள்ளன. விலைக் குறைப்பு நள்ளிரவு முதல் அமலுக்கு வருவதாக பொதுத்துறை எண்ணெய் நிறுவனங்கள் அறிவித்துள்ளன.

கடந்த சில நாட்களாக சர்வதேச சந்தையில் கச்சா எண்ணெய் விலை குறிப்பிடத்தக்க அளவில் குறைந்து வருகிறது. நியூயார்க் சந்தையில் கச்சா எண்ணெய் பீப்பாய் விலை இன்றைய வர்த்தக நேர முடிவுப்படி 43.96 டாலராக இருந்தது. இதனால் பெட்ரோல், டீசல் விலையை மாற்றியமைக்க பொதுத் துறை எண்ணெய் நிறுவனங்கள் முடிவு செய்துள்ளன.

இதையடுத்து, பெட்ரோல் விலையை லிட்டருக்கு 2 ரூபாயும், டீசல் விலையை லிட்டருக்கு 50 காசுகளும் குறைத்து எண்ணெய் நிறுவனங்கள் அறிவித்துள்ளன.

முக்கிய மாநிலங்களில் பெட்ரோல், டீசல் விலை நிலவரம்...

பெட்ரோல் விலை:

டெல்லி -பழைய விலை 63.20- புதிய விலை -61.20 - குறைவு ரூ.2

கொல்கொத்தா- பழைய விலை 68.10- புதிய விலை -66.50 - குறைவு ரூ.1.60

மும்பை- பழைய விலை 68.24- புதிய விலை -66.23 - குறைவு ரூ.2.01

சென்னை -பழைய விலை 63.49- புதிய விலை -61.46 - குறைவு ரூ.2.03

டீசல் விலை:

டெல்லி - பழைய விலை ரூ.44.95- புதிய விலை -44.45- குறைவு 0.50

கொல்கொத்தா- பழைய விலை ரூ.48.66- புதிய விலை -48.23- குறைவு 0.43

மும்பை- பழைய விலை ரூ.50.04- புதிய விலை -49.51- குறைவு 0.53

சென்னை- பழைய விலை ரூ.46.08- புதிய விலை -45.56- குறைவு 0.52

இந்த விலைக் குறைப்பு இன்று (31-08-2015) நள்ளிரவு முதல் அமலுக்கு வருவதாக பொதுத்துறை எண்ணெய் நிறுவனங்கள் அறிவித்துள்ளன.

நன்றி : தட்ஸ் தமிழ்

ayyasamy ram wrote:விலை ஏறும்போது பொருட்கள் விலை ஏறுகின்றன....
-
இறங்கும்போது, குறைவதாக தெரியவில்லை...!!

மேற்கோள் செய்த பதிவு: 1159993

அது .......... one way traffic அண்ணா

ரொம்ப சரி க்ரிஷ்ணாம்மா . நாமளும் அந்த விலை கொடுத்துவிட்டு பழகி விட்டோமே . நாம ஏன் கேட்க போகிறோம் ?

shobana sahas wrote:ரொம்ப சரி க்ரிஷ்ணாம்மா . நாமளும் அந்த விலை கொடுத்துவிட்டு பழகி விட்டோமே . நாம ஏன் கேட்க போகிறோம் ?

மேற்கோள் செய்த பதிவு: 1160179

ம்... அதை சொல்லுங்கோ .....தட்டிக் கேட்க ஆளில்லை இங்கு