இஞ்சி இடுப்பழகி படத்திற்காக எடை கூட்டினார் அனுஷ்கா

“இஞ்சி இடுப்பழகி’ படத்திற்காக 21 கிலோ எடை
பெருக்கி குண்டு ஆகியிருக்கிறார் அனுஷ்கா
“எப்படி நடந்தது இந்த மேஜிக்?’ என்று இயக்குநர்
பிரகாஷிடம் பேசினோம்.
–
“சௌந்தர்யா (அனுஷ்கா) சின்ன வயதிலிருந்தே கொழு
கொழு வென்று குண்டாக வளர்ந்து வரும் பொண்ணு.
அவளோட அன்றாட வேலைகளில் ஒன்று வெயிட்
மிஷினில் ஏறி நின்று எடை பார்ப்பது.
–
ஒரு சைனீஸ் ரெஸ்ட்டாரண்டில் வேலை பார்க்கும்
அவளுக்கு 28 வயதாகியும் இன்னும் கல்யாணம்
ஆகலையே என்ற பெரிய கவலை அம்மா ஊர்வசிக்கு.

அவள் உடல் இளைக்காத வரை வரன் எதுவும்
அமையாதுன்னு அக்கம் பக்கத்துல சொல்றாங்க.
இதைக் கேட்டு “இனி நான் உடம்பு இளைக்கிறேன்’னு
சொல்லி பயிற்சி எடுக்கிறாங்க. அவங்க இளைச்சாங்களா,
அவங்களுக்கு கல்யாணமாச்சா என்பது கதை அல்ல.

தன்னைக் காதலிக்கும், ஒருவன் தான் ரொம்ப குண்டு
என்பதற்காக ஏற்க மறுப்பானா… அல்லது தனது நல்ல
மனதை பார்த்து ஏற்றுக் கொள்வானா என்பதுதான்
ஒன்லைன்.

இந்தப் படத்தின் கதையைக் கேட்டு ரொம்ப இம்ப்ரஸ்
ஆன அனுஷ்கா நிஜமாகவே குண்டாக சம்மதித்து
அதற்காக ரொம்பவே மெனக்கெட்டார்.’
–
அனுஷ்கா குண்டு இடுப்பழகி ஆனது எப்படி?
–
நம்ம கோலிவுட் நட்சத்திரங்கள் பல பேருக்கு
அனுஷ்காதான் யோகா டீச்சர்

எந்த ஊரில் இருந்தாலும், காலை 2 மணி நேரம்,
சாயங்காலம் 2 மணி நேரம் யோகா செய்தே ஆக
வேண்டும் அவருக்கு. அதோடு டான்ஸ், உடற்பயிற்சி
என்று ஃபிட்னெஸ் விஷயத்தில் அனுஷ்காவை
அடிச்சுக்க முடியாது.

அப்படிப்பட்டவர் இந்தப் படத்திற்காக மூணு மாசம்
உடற்பயிற்சியை சுத்தமாக மறந்து விட்டு,
கண்ட்ரோல் இல்லாமல் சாப்பிட்டுஉடலைப்
பெருக்கினார்.

உயரமா இருக்கிறவங்க குண்டா தெரியறது கஷ்டம்.
அதே சமயத்தில் பார்க்க அருவருப்பா தெரியக்
கூடாது. அழகாகவும் இருக்கணும். அதற்கு எத்தனை
கிலோ எடை கூட்டினால் நல்லாயிருக்கும்னு
அவங்களே பார்த்து இண்ட்ரஸ்ட் எடுத்து அதுக்காக
மெனக்கெட்டாங்க.

அதாவது மாசம் ஏழு கிலோனு மூணு மாசத்துல
21 கிலோ எடை கூட்டினால்க. தினமும் மூணு வேளை
நான்வெஜ், ஃப்ரைடுரைஸ், பிரியாணி, ஐஸ்க்ரீம்,
சுவீட்ஸ்னு போட்டுத் தாக்கினாங்க. அவங்களுக்கு
ஜிலேபின்னா ரொம்பப் பிடிக்கும். நெய்யில் வறுத்த
ஜிலேபியை ஒரு பிடி பிடிச்சாங்க. சிக்கன், மட்டன்,
மீனு ஒரு கை பார்த்தாங்க.

இப்படி மூணு மாசம் நல்லா சாப்பிடுவது, நல்லா
தூங்குறது இஷ்டத்துக்கு நொறுக்குத் தீனி
நொறுக்குறது என்று எடையைக் கூட்டினார்.
இண்டர்வெல் பிளாக் வரை அவங்க செம குண்டாக
வரணும்.

இப்போ வந்தாச்சு. இனி குண்டு அழகியாகி இருக்கும்
அனுஷ்கா மீண்டும் ஸ்லிம் அண்ட் ஸ்லீக் ஆக
மாறணும். மாறினாரா என்பதைப் பார்க்கக்
காத்திருக்கின்றார்கள் ரசிகர்கள்.
–
————————————-

– சபீதா ஜோசப்
குமுதம்