திருமந்திரம் விளக்கப்படங்கள்

by Namasivayam Mu Fri Aug 28, 2015 2:30 pm

First topic message reminder :

திருமந்திரம்
நந்தியின் சீடரான சுந்தரநாதர் கயிலாசத்திளிருந்து புறப்பட்டு தமிழகம்வந்து திருவாவடுதுறையில் இறந்து கிடந்த மூலன் உடலில் புகுந்து திருமூலர் என்ற பெயரில் மூவாயிரம் பாடல்களை தமிழில் தான் எழுதினார். அதுவே திருமந்திரம் எனப்படுகிறது. கடவுளைப்பற்றிய பல ரகசியங்கள் திருமந்திரத்தில் பொதிந்து கிடக்கிறது.தமிழ் தெரிந்தவர்கள் மட்டுமே திருமந்திரம் பயில வாய்ப்பு பெற்றவர்கள் அதனால்தானோ என்னவோ திருமூலர் தமிழில் திருமந்திரத்தை எழுதி உள்ளார்
திருமந்திரத்திற்குப் பண்டைக்காலத்தில் உரை எழுதப்படவில்லை. 20ஆம் நூற்றாண்டின் நடுப்பகுதியிலிருந்துதான் இதற்குப் பலராலும் உரைகள் எழுதப்பட்டு வந்துள்ளது. இதனால், பல பாட்டுக்களில் கூறப்பட்டிருப்பவைக்கு, வேறுபட்ட, முரண்பட்ட கருத்துக்கள் கொடுக்கப்பட்ட நிலைதான் காணப்படுகிறது.
திருமந்திரத்தில் பொதிந்துள்ள கருத்துக்களை புரிந்து கொள்வதற்கு அதன் பாடலை உரையில்லாமல் மூலத்தையே வாசித்து பொருள் உணரவேண்டும் என்பது என் கருத்து. இருப்பினும் நான் திருமந்திரத்தை வாசிக்கும்பொழுது எனக்குள் தோன்றிய அகக்காட்சிகளை என்னால் முடிந்தவரை படங்களாகப் பதிவு செய்து உங்கள் பார்வைக்கு வழங்குகிறேன்

[You must be registered and logged in to see this image.]

வேதங்கள் ஆட மிகுஆகமம் ஆடக்
கீதங்கள் ஆடக் கிளறண்டம் எழாடப்
பூதங்கள் ஆடப் புவனம் முழுதாட
நாதங் கொண்டாடினான் ஞானானந்த கூத்தே—திருமந்திரம்
*****
கூத்து ---நடனம்,சுவாசம்,இயக்கம்

by Namasivayam Mu Tue Oct 06, 2015 6:28 am

[You must be registered and logged in to see this image.]

வான்நின்று இடிக்கில் என்? மாகடல் பொங்கில்என்?
கான் நின்ற செந்தீக் கலந்துடன் வேகில்என்?
தான் ஒன்றி மாருதம் சண்டம் அடிக்கில் என்?
நான் ஒன்றி நாதனை நாடுவன் நானே---திருமந்திரம் 2809

by Namasivayam Mu Wed Oct 07, 2015 6:47 am

[You must be registered and logged in to see this image.]

உருவின்றியே நின்று உருவம் புணர்க்கும்
கருவின்றியே நின்று தான் கருவாகும்
மருவின்றியே நின்ற மாயப் பிரானை
குருவின்றி யாவர்க்கும் கூட ஒண்ணாதே---திருமந்திரம்—2800

குரு--ஆன்மா

by Namasivayam Mu Thu Oct 08, 2015 7:21 am

[You must be registered and logged in to see this image.]

இலையில்லை பூவுண்டு இனவண்டு இங்கில்லை
தலையில்லை வேருண்டு தாளில்லை பூவின்
குலையில்லை கொய்யும் மலருண்டு சூடும்
தலையில்லை தாழ்ந்த மயிர் புலராதே--திருமந்திரம் 2899

சகஸ்ராரத் தாமரையே சிவம்

by Namasivayam Mu Fri Oct 09, 2015 9:42 am

[You must be registered and logged in to see this image.]

தட்டான் அகத்தில் தலையான மச்சின்மேல்
பொட்டாய் எழுந்தது செம்பாய் மலர்ந்தது
வட்டம் படவேண்டி வாய்மை மடித்திட்டுத்
தட்டான் அதனை தகைந்து கொண்டானே---திருமந்திரம்

by Namasivayam Mu Sat Oct 10, 2015 4:25 pm

[You must be registered and logged in to see this image.]

திருவம்பல சக்கரம்

இருந்த இவ் வட்டங்கள் ஈராறு இரேகை
இருந்த இரேகைமேல் ஈராறு இருத்தி
இருந்த மனைகளும் ஈராறு பத்து ஒன்று
இருந்த மனை ஒன்றில் எய்துவன் தானே.—திருமந்திரம்

தான் ஒன்றி வாழ் இடம் தன் எழுத்தே ஆகும்/
தான் ஒன்றும் அந் நான்கும் தன் பேர் எழுத்து ஆகும்/
தான் ஒன்றும் நாற்கோணம் தன் ஐந்து எழுத்தாகும்/
தான் ஒன்றிலே ஒன்றும் அவ் அரண்தானே---திருமந்திரம்

by Namasivayam Mu Mon Oct 12, 2015 1:50 pm

[You must be registered and logged in to see this image.]

துரியங் கடந்து துரியா தீதத்தே
அரிய வியோகங் கொண்டு அம்பலத்தாடும்
பெரிய பிரானை பிரணவக கூபத்தை
துரிய வல்லார்க்கு துரிசில்லைதானே---திருமந்திரம்.

கூபம்---- கிணறு

by Namasivayam Mu Tue Oct 13, 2015 7:46 pm

[You must be registered and logged in to see this image.]

ஒளியை ஒளிசெய்து ஓம்என்று எழுப்பு
வளியை வளிசெய்து வாய்த்திட வாங்கி
வெளியை வெளிசெய்து மேலெழ வைத்துத்
தெளியத் தெளியும் சிவபதம் தானே—திருமந்திரம்

by சசி Tue Oct 13, 2015 10:52 pm

அருமை ஐயா. என்னிடம் திருமந்திரம் மூன்று தொகுப்புகள் உள்ளது. ஆனால் படிக்க இயலவில்லை. தங்கள் வழியாக படித்து விடுகிறேன். நன்றி

by Namasivayam Mu Wed Oct 14, 2015 6:04 am

Sasiiniyan Sasikaladevi wrote:அருமை ஐயா. என்னிடம் திருமந்திரம் மூன்று தொகுப்புகள் உள்ளது. ஆனால் படிக்க இயலவில்லை. தங்கள் வழியாக படித்து விடுகிறேன். நன்றி

[You must be registered and logged in to see this link.]

எல்லாம் திருமூலன் செயல்
நினைத்தவுடன் பக்கத்தில் வந்து
அமர்ந்து கொள்வார்
வாழ்க வளமுடன்

by Namasivayam Mu Thu Oct 15, 2015 7:26 am

[You must be registered and logged in to see this image.]

.தன்னை அறிய தனக்கொரு கேடில்லை
தன்னை அறியாமல் தானே கெடுகின்றான்
தன்னை அறியும் அறிவை அறிந்தபின்
தன்னையே அர்ச்சிக்கத் தானிருந்தானே--திருமந்திரம் 2355

*****************

தன்னை அறியும் அறிவு---- உடல்அறிவு,உயிர்அறிவு, மனஅறிவு, அறிவறிவு, ஆன்மஅறிவு