திருமந்திரம் விளக்கப்படங்கள்

Namasivayam Mu · Namasivayam Mu Fri Aug 28, 2015 2:30 pm

First topic message reminder :

திருமந்திரம்
நந்தியின் சீடரான சுந்தரநாதர் கயிலாசத்திளிருந்து புறப்பட்டு தமிழகம்வந்து திருவாவடுதுறையில் இறந்து கிடந்த மூலன் உடலில் புகுந்து திருமூலர் என்ற பெயரில் மூவாயிரம் பாடல்களை தமிழில் தான் எழுதினார். அதுவே திருமந்திரம் எனப்படுகிறது. கடவுளைப்பற்றிய பல ரகசியங்கள் திருமந்திரத்தில் பொதிந்து கிடக்கிறது.தமிழ் தெரிந்தவர்கள் மட்டுமே திருமந்திரம் பயில வாய்ப்பு பெற்றவர்கள் அதனால்தானோ என்னவோ திருமூலர் தமிழில் திருமந்திரத்தை எழுதி உள்ளார்
திருமந்திரத்திற்குப் பண்டைக்காலத்தில் உரை எழுதப்படவில்லை. 20ஆம் நூற்றாண்டின் நடுப்பகுதியிலிருந்துதான் இதற்குப் பலராலும் உரைகள் எழுதப்பட்டு வந்துள்ளது. இதனால், பல பாட்டுக்களில் கூறப்பட்டிருப்பவைக்கு, வேறுபட்ட, முரண்பட்ட கருத்துக்கள் கொடுக்கப்பட்ட நிலைதான் காணப்படுகிறது.
திருமந்திரத்தில் பொதிந்துள்ள கருத்துக்களை புரிந்து கொள்வதற்கு அதன் பாடலை உரையில்லாமல் மூலத்தையே வாசித்து பொருள் உணரவேண்டும் என்பது என் கருத்து. இருப்பினும் நான் திருமந்திரத்தை வாசிக்கும்பொழுது எனக்குள் தோன்றிய அகக்காட்சிகளை என்னால் முடிந்தவரை படங்களாகப் பதிவு செய்து உங்கள் பார்வைக்கு வழங்குகிறேன்

[You must be registered and logged in to see this image.]

வேதங்கள் ஆட மிகுஆகமம் ஆடக்
கீதங்கள் ஆடக் கிளறண்டம் எழாடப்
பூதங்கள் ஆடப் புவனம் முழுதாட
நாதங் கொண்டாடினான் ஞானானந்த கூத்தே—திருமந்திரம்
*****
கூத்து ---நடனம்,சுவாசம்,இயக்கம்

Namasivayam Mu · Namasivayam Mu Fri Jan 01, 2016 11:47 am

சசி wrote:

[You must be registered and logged in to see this link.]
வாழ்க வளமுடன்

Namasivayam Mu · Namasivayam Mu Tue Jan 05, 2016 6:02 am

[You must be registered and logged in to see this image.]

பழுத்தன ஐந்தும் பழ மறையுள்ளே
விழித்து அங்கு உறங்கும் விளைவு அறிவார் இல்லை
எழுத்து அறிவோம் என்று உரைப்பர்கள் ஏதர்
எழுத்தை அழுத்தும் எழுத்து அறியாரே--திருமந்திரம் 2683

Namasivayam Mu · Namasivayam Mu Thu Jan 14, 2016 7:16 am

[You must be registered and logged in to see this image.]

அங்கமும் ஆகம வேதமும் ஓதினும்
எங்கள் பிரான் எழுத்து ஒன்றில் இருப்பது
சங்கை கெட்டு அவ்வெழுத்து ஒன்றையும் சாதித்தால்
அங்கரை சேர்ந்த அருங்கலம் ஆமே--திருமந்திரம் 2681

Namasivayam Mu · Namasivayam Mu Fri Jan 15, 2016 6:09 am

[You must be registered and logged in to see this image.]

எண்சாண் அளவாய் எடுத்த உடம்புக்குக்
கண்,கால், உடம்பில் கரக்கின்ற கைகளில்
புண் கால் அறுபத்தெட்டு ஆக்கை புணர்க்கின்ற
நன்பால் உடம்புதான் நால் உடம்பு ஆகுமே--திருமந்திரம் 2102

Namasivayam Mu · Namasivayam Mu Sat Jan 16, 2016 11:27 am

[You must be registered and logged in to see this image.]

இலை நல ஆயினும் எட்டி பழுத்தால்
குலை நல ஆம் கனி கொண்டு உணல் ஆகா:

முலை நலம் கொண்டு முறுவல் செய்வோர் மேல்
வில குறும் நெஞ்சினைவெய்து கொள்ளீரே---திருமந்திரம் 494

Namasivayam Mu · Namasivayam Mu Tue Jan 19, 2016 7:16 am

[You must be registered and logged in to see this image.]

எழுதாத புத்தகத் தேட்டின்பொருளைத்

தெருளாத கன்னி தெளிந்திருந் தோத

மலராத மொட்டின் மணத்தின் மதுவைப்

பிறவாத வண்டு மணமுண்ட வாறே---திருமந்திரம் 2886

புத்தகம் ---பிரபஞ்ச ஞானம்

கன்னி----அறிவு

மொட்டு---துரியம்

வண்டு---மனம்

Namasivayam Mu · Namasivayam Mu Tue Jan 26, 2016 7:36 am

[You must be registered and logged in to see this image.]

மத்திமம் ஒத்த சிலந்தி வலை அத்துள்
ஒத்து அங்கு இருந்து,அங்கு உயிர் உண்ணுமாறுபோல்
அத்தனும் ஐம்பொறி ஆடு,அகத்துள் நின்று
சத்தம் முதல் ஐந்தும் தான் உண்ணுமாறே----
திருமந்திரம் 2145

Namasivayam Mu · Namasivayam Mu Sun Jan 31, 2016 5:48 am

[You must be registered and logged in to see this image.]

தோட்டத்தில் மாம்பழம் தோண்டி விழுந்தக்கால்

நாட்டின் புறத்தில் நரி அழைத்து என் செயும்

மூட்டிக் கொடுத்து முதல்வனை முன்னிட்டுக்

காட்டிக் கொடுத்தவர் கைவிட்டவாரே---

திருமந்திரம் 2933

தோட்டம்=சஹஸ்ராரம்; யோக சாதனை செய்யும் இடம்; மனம்.
மாம்பழம்=சிவானுபவம்; தியானம்.
நரி=புலன்கள்; புறக்கிரியைகள்.

Namasivayam Mu · Namasivayam Mu Mon Feb 01, 2016 7:27 am

[You must be registered and logged in to see this image.]

புலர்ந்தது போது என்று புட்கள் சிலம்ப
புலர்ந்திலை போது என்று, பூங்கொடி புல்ல
புலம்பின் அவளோடும் போகம் நுகரும்
புலம்பனுக்கு என்றும் புலர்ந்திலை போதே.

----திருமந்திரம் 2934

போது புலர்ந்தது=ஞானம் பிறந்தது, சஹஸ்ரார ஒளி.
புட்கள் சிலம்பின=சீவன்கள் அறிந்தன.
புட்கள்=சீவதத்துவங்கள்.
பூங்கொடி=சக்தி; குண்டலினி சக்தி.
புல்லி=நுகர்ந்து; இன்பம் அடைந்து.
புலந்திலை போதே=இரவு பகல் அற்றநிலை; பரதுரியநிலை; காலத்தை வென்றநிலை.
புலம்பன்=சீவன்

Namasivayam Mu · Namasivayam Mu Tue Feb 02, 2016 1:44 pm

[You must be registered and logged in to see this image.]

ஆறு இட்ட நுண்மணல் ஆறே சுமவாதே
கூறு இட்டுக் கொண்டு சுமந்தறிவார் இல்லை
நீறு இட்ட மேனி, நிமிர்சடை நந்தியை
பேறு இட்டு,என் உள்ளம் பிரியகிலாவே---திருமந்திரம் 2808

Sponsored content · Sponsored content

திருமந்திரம் விளக்கப்படங்கள்

திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக