மரத்தில் ஆணி அடி….கோபம் குறையும்..!!

by **ayyasamy ram** Tue Aug 25, 2015 8:48 am

-
தெரிந்த கதைதான்...
மீண்டும் படிப்போம்...கோபத்தைக் குறைப்போம்...!!
-
மரத்தில் ஆணி அடி….கோபம் குறையும்..!! JkAr0umeQf2R2yt6SuuJ+morts_tree-05

-

மரத்தில் ஆணி அடி….கோபம் குறையும்..!! 45StIgTCSxxWPYl6ky4Q+images-4

-

20 வயது ஆரம்பித்த தனது மகனுக்கு எதற்கெடுத்தாலும்

கோபமும், யாரிடம் பேசினாலும் எரிச்சலும் வருவதைக்
கண்டு தந்தை கவலை கொண்டார்.
–
தன் மகனிடம் 100 ஆணிகளைக் கொடுத்து
எப்போதெல்லாம் உனக்கு அளவுக்கு அதிகமாக கோவமோ
அல்லது எரிச்சலோ வருகிறதோ , அப்போது பக்கத்தில்
இருக்கும் மரத்தில் கோவம் முழுதும் தீரும் வரும் ஆணியை
அடிக்க வேண்டும் என்று சொன்னார்.
–
மகனும் தனக்கு எப்போதெல்லாம் கோவம் வருகிறதோ
அப்போதெல்லாம் ஒர் ஆணியை அடித்து விட்டு வருவான்.
முதல் நாள் 10 ஆணிகள், இரண்டாம் நாள் 8 ஆணிகள்,
என இவ்வாறு படிப்படியாக ஆணிகளும், கோபமும்
குறைந்து கொண்டே வந்தன,
–
இறுதியாக 16 ஆணிகள் மீதம் இருக்கையில் மகன்
பொறுமையாகவும், அமைதியாகவும் இருக்க கற்றுக்
கொண்டான்.அதை தந்தையிடம் தெரிவித்தான்.
–
அவனது தந்தை, அவனை ஆணியடிக்கும் மரத்திற்கு
அழைத்துச் சென்று அவன் அடித்த ஆணிகளைப்
பிடுங்கச் சொன்னார். சில வற்றை எளிதாக பிடுங்கி
விட்டான்; பல வற்றை பிடுங்க முடியவில்லை ;
அப்படியே பிடிங்கினாலும் ஆணி அடிக்கப்பட்ட இடம்
அடையாளமே தெரியாத அளவுக்கு சேதமாகி இருந்தது.
–
அதைப் பார்த்த தந்தை சொன்னார் “ மகனே, இந்த
ஆணி என்பது கோபத்தில் நீ வெளிப்படுத்தும் உன்
வார்த்தைகள் அல்லது உன் செயல்கள் , மரம் என்பது
அடுத்தவரின் மனம். உன்னுடைய செயல்கள் எப்படி
அடுத்தவரை புண்படுத்தி இருக்கிறது என்பதைப் பார்”
என்றார்.
–
மகனும் தன்னுடைய செயலுக்கு வருந்தி தலைகுனிந்தான்.