பைக் சக்கரத்தில் துப்பட்டா சிக்கி, ….

-
-புனே, ஆக. 25-

கணவருடன் பைக்கில் செல்லும் போது, துப்பட்டா சக்கரத்தில் சிக்கி 25 வயது தாய் ஒருவர், துடிதுடித்து பலியாகியுள்ள சம்பவம் மகாராஷ்டிர மாநிலத்தில் பெரும் சோகத்தை ஏற்படுத்தியுள்ளது.

மகாராஷ்டிராவின் பால்கார் மாவட்டத்தில் உள்ள ஆலேவாடி கிராமத்தைச் சேர்ந்தவர் ஆகாஷ். இவர், 4 ஆண்டுகளுக்கு முன்பாக, பெற்றோரின் கடும் எதிர்ப்பையும் மீறி தனது பள்ளிப்பருவத்துக் காதலியான பிரணாலி தனுவை(25) திருமணம் செய்து கொண்டார். இவர்களுக்கு 2 வயதில் ஒரு மகன் மற்றும் 10 மாதக் கைக்குழந்தையான மகள் என இரண்டு குழந்தைகள் உள்ளனர்.

கடந்த சனிக்கிழமை மாலை, தனது மனைவி மற்றும் மகளுடன் ஆகாஷ் தனது சொந்த கிராமத்திற்குக் கிளம்பியுள்ளார். கைக்குழந்தையான ஸ்வராவை, அவரது மனைவி மடியில் வைத்துக் கொண்டு பின்னால் அமர்ந்துள்ளார். கணவருடன் பைக்கில் சந்தோஷமாக சென்று கொண்டிருந்த போது, சடாரென, தனுவின் துப்பட்டா சக்கரத்தில் சிக்கியதால், கண்ணிமைக்கும் நேரத்திற்குள் கழுத்து நெறிக்கப்பட்டு, தனது கைக்குழந்தையுடன் கீழே விழுந்தார். இதை உணராத ஆகாஷ் சுமார் 15 மீட்டர் தூரம் வரை பைக்கை ஓட்டிச் சென்றுள்ளார். பின்புதான், தனது மனைவி கீழே விழுந்ததை உணர்ந்து பதட்டத்துடன் பைக்கை நிறுத்தியுள்ளார்.

துப்பட்டா குரல் வளையை நெரித்தபடி, இவ்வளவு தூரம், இழுத்துச் செல்லப்பட்டபோதும் தனு, தனது குட்டி தேவதைக்கு எந்த ஆபத்தும் நேராமல் தனது நெஞ்சுக்குள் புதைத்தபடி பத்திரமாக அணைத்துக் கொண்டார். பைக் நின்ற பிறகே மகளை தரையில் விட்டார். உயிருக்குப் போராடிக் கொண்டிருந்த தனு அருகில் உள்ள மருத்துவமனைக்கு அழைத்துச் செல்லப்பட்டார். ஆனால், அவரை பரிசோதனை செய்த மருத்துவர்கள் அவர் ஏற்கனவே இறந்துவிட்டதாக தெரிவித்தனர்.

தன் உயிரே போனாலும் தன் குழந்தைக்கு சின்ன காயம் கூட ஏற்படாமல் காத்த இந்த தாயின் பேரன்பை என்னவென்று சொல்வது…..

–

மாலை மலர்

அடாடா........ரொம்ப வருத்தமான செய்தி...........பாவம் அந்த குழந்தைகளும் அந்த கணவனும்................எவ்வளவு கஷ்டமான மரணம் அந்த பெண்ணுக்கு