திருமணத்தில் சப்தபதி (ஏழு அடி) ரொம்ப முக்கியம் …

**ayyasamy ram** · **ayyasamy ram** Mon Aug 24, 2015 6:57 am

-

மணப்பெண்ணின் கழுத்தில் மணமகன் தாலி கட்டி
மூன்று முடிச்சுப் போட்டுவிடதும் திருமணம்
முடிவதில்லை.
ஏழு அடிகள் அதாவது சப்தபதி என்ற சடங்கு முடிந்த
பிறகுதான்திருமணம் பூரணத்துவம் பெறுகிறது
–
அக்னி குண்டத்தைச் சுற்றி வலமாக மணமகனுடன்
ஏழு அடிகள் அவன் கரம்பற்றி மணப்பெண் நடந்து
விட்டால் அவள் அவனுக்கு எல்லா விதத்திலும்
துணையாகி விடுகிறாள்.
இதை உள்ளடக்குவதுதான் சப்தபதி
–
மணமகன் மணமகளின் வலது கால் கட்டை விரலைப்
பிடித்து ஒரு அடி எடுத்து வைத்து , ‘உனக்கு உணவு, உடை
முதலானவற்றைக் கடவுள் தாராளமாக அருளட்டும்’
என்பது முதல் அடி
–
உனது உடல் நலனுக்கு ஆண்டவன் அருள்பாலிப்பானாக –
என்பது இரண்டாவது அடி
–
நீ செய்யப்போகும் சில விரந்தங்களுக்கு ஆண்டவன்
துணையாக இருப்பானாக – என்பது மூன்றாவது அடி
–
உனக்கு சிறந்த வாழ்வை இறைவன் அருளட்டும் –
என்பது நான்காம் அடி
–
உனக்குப் பசு வர்க்கங்களால் எல்லாவிதமான வசதிகளும்
பெருகட்டும் என்பது ஐந்தாவது அடி
–
எல்லா பருவகாலங்களிலும் நல்லதையே செய்யத்
துணையாக இருக்கட்டும் – என்பது ஆறாவது அடி
–
நீ செய்யப்போகும் சகல கோமாதி காரியங்களும்
நற்காரியங்களும் பூரணத்துவம் பெற இறைவன் அருள்
புரியட்டும் – என்று புனித அக்னியை
வலம் வந்து ஏழு அடிகள் அடிந்ததும் திருமணம் நிறைவுறும்.
–
———————————————-
காழியூர் நாராயணன்
நன்றி- கல்கி

**T.N.Balasubramanian** · **T.N.Balasubramanian** Mon Aug 24, 2015 11:35 am

நன்றி ayyasami ராம் .

அதனால் தான், கல்யாணங்களில் , சில வாத்யார்கள் மாங்கல்யதாரணம் ஆகி , சப்தபதி ,எடுத்து வைத்தால் தான் கல்யாணம் ஆனதாக கூறமுடியும் . ஆகவே , மாங்கல்யதாரணம் ஆனதும் , மணமக்களுக்கு கை கொடுக்கவேண்டாம் , கை குலுக்கவேண்டாம் என்று பகிரங்கமாக
மைக்கில் அறிவுரை கூறுவார். அநேகம் பேர் இதை புரியாமல் கை குலுக்கிச் செல்வர் .
சப்தமதி முடியும் வரை கணவன் மனைவியின் கையை விடுவிக்கக் கூடாது என்ற காரணம் இதனால்தான் .சப்தபதி முடிந்தால் தான் , கையை விடுவிக்கலாம் .

ரமணியன்

திருமணத்தில் சப்தபதி (ஏழு அடி) ரொம்ப முக்கியம் …

திருமணத்தில் சப்தபதி (ஏழு அடி) ரொம்ப முக்கியம் …

Re: திருமணத்தில் சப்தபதி (ஏழு அடி) ரொம்ப முக்கியம் …

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக