அம்மாவான கருப்பாயி பாட்டி…

-
திருமணமாகி பல வருடமாகியும் குழந்தை ஏதும் பிறக்காததால் அடைந்த அவமானமும் வேதனையும் கொஞ்சநஞ்சமல்ல ஆனாலும் தங்களது குறைந்த வருமானத்தை சேமித்துவைத்து குழந்தை வேண்டி ஒவ்வொரு ஆஸ்பத்திரியாக ஏறிஇறங்கிவந்தனர்.அந்த வகையில் அவர்கள் ஏறி இறங்கிய ஆஸ்பத்திரியின் எண்ணிக்கை மட்டுமே முப்பதிற்கும் மேல்.

இப்படி கிட்டத்தட்ட 35 வருடங்கள் ஒரு குழந்தைக்காக ஏங்கியவர்கள் கடைசியாக வந்து சேர்ந்த இடம்தான் சேலம் கந்தம்பட்டியில் உள்ள சிசு மருத்துவமனை.

சிசு மருத்துவமனை நிர்வாக இயக்குனர் டாக்டர் என்.முத்துகுமார் மற்றும் அவரது துணைவியார் டாக்டர் எஸ்.உமாபாரதி இணைந்து கருப்பாயி பாட்டியின் தாய்மைக்கனவை நனவாக்க முடியுமா? என்று சோதனை செய்தனர்.

அவருக்கு இருந்த சர்க்கரை நோய், ரத்த அழுத்தம் போன்றவை குழந்தை பிறப்பது சாத்தியமா? என்ற கேள்வியை எழுப்பியது.

முடியும் என்று மருத்துவமும் கருப்பாயி பாட்டியின் வைராக்கியமும் சொல்ல ஒன்றரை ஆண்டுகாலம் சிகிச்சை தரப்பட்டது சிகிச்சையின் முடிவில் தோல்வியே ஏற்பட்டது. இதனால் நாங்கள் துவண்ட போதும் கருப்பாயி கொஞ்சமும் துவண்டு போகாமல் இன்னோரு முயற்சி எடுங்க டாக்டர் என்று குழந்தை பெற்றே தீர்வது என்பதில் உறுதியாக இருந்தார்.

கடுமையான உழைப்பு உண்மை ஒத்துழைப்பு உறுதித்தன்மை இருபக்கமும் இருந்தததால் இரண்டாவது முயற்சி பலன்தந்து வெற்றி பெற்றது. கருப்பபை பையை வலுவூட்டி கரு முட்டைதானம் பெற்து டெஸ்ட் ட்யூப் பேபி முறையில் குழந்தையின் கருவை உருவாக்கிய பிறகு பத்து மாதம் சுமந்து சிசரியன் மூலம் கருப்பாயி தற்போது அழகான பெண் குழந்தைக்கு தாயாகி உள்ளார்.

இந்த வயதில் குழந்தை தேவையா? இதை எப்படி வளர்க்கப் போகிறாய்? என்பது போன்ற எல்லா கேள்விக்கும் கருப்பாயி தரும் பதில், திருமணமாகி குழந்தை இல்லாமல் மலடி என்ற பட்டத்தை சுமந்து பாருங்கள் அப்போது புரியும் என் வேதனையும் துக்கமும்.

ஊரிலிருந்து பார்க்காத ஜனமெல்லாம் பார்க்க வர்ராங்க கேட்காத உறவுகள் எல்லாம் கேட்டு வர்ராங்க என் ராஜாத்தி எனக்கு புது வாழ்க்கை கொடுத்துட்டா அன்று மகளின் பாதத்தில் முத்தமிட்டு கொஞ்சுகிறார் கருப்பாயி பாட்டி மன்னிக்கவும் கருப்பாயி அம்மா.

(மருத்துவ ரீதியாக இந்த சாதனையைச் செய்த டாக்டர் முத்துக்குமாரை பாராட்டவோ அல்லது தொழில்நுட்ட ரீதியாக கேள்வியோ கேட்க விரும்புபர்களுக்கான எண்:9842745045.)

-எல்.முருகராஜ்

.தினமலர்

T.N.Balasubramanian wrote:மலடி கறை தீர்ப்பதில் ,
அக்கறை கொண்ட வைத்தியரை
வாழ்த்துவோம் .

ரமணியன்

மேற்கோள் செய்த பதிவு: 1157849
-
அக்கறை கொண்ட வைத்தியருடன் தம்பதிகள்
-

சூப்பர் .... ரொம்ப சந்தோஷமா இருக்கு .... வாழ்த்துக்கள் ...

அது சரி, இவுங்க இப்போ அம்மா, பாட்டியா?

மாணிக்கம் நடேசன் wrote:அது சரி, இவுங்க இப்போ அம்மா, பாட்டியா?

மேற்கோள் செய்த பதிவு: 1157970
அம்மா தான் அய்யா .

அதானே, பேரனுக்கு, இப்படி விளக்கமா சொல்லனும்ல. நன்றி ஷோபனா பாட்டி.