குறுந்தொகை.....தொடர் பதிவு !

by சசி Sat Aug 22, 2015 8:20 am

First topic message reminder :

அருளும் அன்பும் நீக்கித் துணை துறந்து
பொருள்வயிற் பிரிவோர் உரவோர் ஆயின்,
உரவோர் உரவோர் ஆக
மடவம் ஆக மடந்தை நாமே.
கோப்பெருஞ்சோழன்

by **krishnaamma** Tue Sep 22, 2015 12:49 am

வீடியோ வும் கவிதையும் அருமை ஐயா புன்னகை

by சசி Tue Sep 22, 2015 7:02 pm

அருமை ஐயா

by Namasivayam Mu Tue Sep 22, 2015 8:54 pm

அருமையான வீடியோ பதிவு

வாழ்க வளமுடன்

by சசி Fri Oct 09, 2015 10:08 pm

குறிஞ்சி _தலைவன் கூற்று

கோடல் எதிர் முகைப் பசு வீ முல்லை,
நாறு இதழ்க் குவளையொடு இடையுடுபு விரைஇ
ஐது தொடை மாண்ட கோதை போல
நறிய நல்லோள் மேனி
முறியினும் வாய்வது ;முயங்கற்கும் இனிதே.

சிறைக்குடி ஆந்தையார்

வெண் காந்தள்
மலரை போன்றவளே!

மணம் வீசும்
முல்லை மலரே!

சுகந்தம் தரும்
குவளை மலரே!

மலர்களில் சிறந்தவளே!

வியக்கத்தக்க அழகை
உடையவளே!

அழகிய மலர்களாகிய
முல்லையும் குவளை மலர்களின்

இதழ்களையும் இடை இடையே
சேர்த்தது போன்ற அழகியானவளே!

உன் உடலானது
மெல்லிய தளிர்களை
காட்டிலும் நிறமும் மென்மையும்
பொருந்தியது!!

உன்னை முதல் நாள்
கண்டு கட்டி அணைத்து
இன்பம் கொண்டது போல்
யான் இப்பொழுதும்
இன்பம் கொள்வேன்!

by சசி Fri Oct 09, 2015 10:10 pm

கோடல் -வெண் காந்தள் மலர்
ஐது _வியக்கத்தக்க
விரைஇ -கலந்து

by shobana sahas Sat Oct 10, 2015 2:54 am

அருமையாக உள்ளது சசி .

மணம் வீசும்
முல்லை மலரே!

சுகந்தம் தரும்
குவளை மலரே!

மலர்களில் சிறந்தவளே!

வியக்கத்தக்க அழகை
உடையவளே!

அழகிய மலர்களாகிய
முல்லையும் குவளை மலர்களின்

இதழ்களையும் இடை இடையே
சேர்த்தது போன்ற அழகியானவளே

-இந்த வரிகள் வருடுகின்றன.

by சசி Sat Oct 10, 2015 1:52 pm

நன்றி ஐயா. நன்றி ஷோபனா

by சசி Sat Oct 17, 2015 3:43 pm

பாடல். 186 முல்லை _தலைவி கூற்று

ஆர்கலி ஏற்றொடு கார் தலைமணந்த
கொல்லைப் புனத்த முல்லை மென் கொடி
எயிறு என முகையும் நாடற்குத்
துயில் துறந்தனவால் தோழி! எம் கண்ணே.

ஓக்கூர் மாசாத்தியார்

கார்மேகம்
கருந்திரளாய்
திரண்டும்

தங்க கம்பிகளாய்
மின்னும்
மின்னல்
வெளிப்பட!

தேவர்களுக்குள்
யுத்தம் ஏற்பட்டால்
வெளிப்படும்
சத்தம் போல்
இடிகள் கேட்கும்
கார்காலமும்

கார்காலத்தினால்
ஏற்படும்
வெள்ளமும்
வந்தது!!

புன்செய் நிலத்தில்
மென்மையான
கொடிகளை
உடைய
முல்லை மொட்டுகள்

பற்களை போல
அரும்பும்
அழகாகவும்
உடைய நாட்டிற்கு
சொந்தமானவனிடம்

என் இதயம்
காதல் கொண்டது!

அவன் மேல்
கொண்ட காதலினால்
என் தூக்கம்
துறந்து
துன்பத்தில்
வாடுகிறேன்!

தலைவன் கார்பருவம் வந்தும் தலைவன் வராததால் ஏற்பட்ட வருத்தத்தை தோழியிடம் தலைவி கூறியது.