300 ஆண்டுகளுக்கு முன் மூழ்கிய கப்பலில் ரூ.28 கோடி மதிப்புள்ள நாணயங்கள் மீட்பு!

by **krishnaamma** Sat Aug 22, 2015 1:48 am

நியூயார்க்: ஏறக்குறைய, 300 ஆண்டுகளுக்கு முன், அமெரிக்க கடலில் மூழ்கிய கப்பலின் இடிபாடுகளில் இருந்து, பல கோடி ரூபாய் மதிப்புள்ள தங்க நாணயங்கள் கிடைத்துள்ளன.

கடந்த, 1715ம் ஆண்டில், கோடிக்கணக்கான ரூபாய் மதிப்புள்ள நகைகள், நாணயங்கள் உள்ளிட்ட பொக்கிஷத்துடன், 11 கப்பல்கள், ஹவானாவில் இருந்து ஸ்பெயின் நாட்டுக்கு சென்று கொண்டிருந்தன. அப்போது, பயங்கர சூறாவளி ஏற்பட்டு, கப்பல்கள் கடலில் மூழ்கின.

இந்த விபத்தில், 1,000க்கும் மேற்பட்டோர் உயிரிழந்தனர்.300 ஆண்டுகளுக்குப் பிறகு, மூழ்கிய கப்பல்களில் உள்ள பொக்கிஷங்களை மீட்கும் பணியில், பிரிஸ்பேனின் பிரண்ட் நிறுவனம் ஈடுபட்டுள்ளது.

இதில், கப்பலின் இடிபாடுகளில் இருந்து, 350 தங்க நாணயங்கள் கிடைத்தன; அவற்றின் இப்போதைய மதிப்பு ஏறக்குறைய, 28 கோடி ரூபாய் என, அந்நிறுவனம் தெரிவித்துள்ளது