மோகித்தேன், விரகித்தேன், அரணித்தேன்

by Prabhu Ilamathi Tue Aug 18, 2015 10:20 am

மோகித்த வார்த்தைகளை தீராத கோபத்தை
சகித்தவள் ரசித்தவள் நீயல்லவா !
என்னுள் நுழைந்தவளே, எந்தன்
இதயத்தில் புதைத்தவளே !
கண்களில் காமத்தை வைத்தவளே, என்
எண்ணத்தில் கருத்தாய் நின்றவளே !

விரகத்தின் வேதனைதான் காதலில் கூடுமோ.
ஒ! தூமத்தின் கோடுல்ல வானத்தை போலவோ !
தொலைதூரம் நீ செல்ல, தொலைவது
தூரமே !
அருகுவது அன்பே !

எம் தாபதத் தமிழ்ப் பெண்ணே !
இயன்மொழிப் பொருளே
பூவை நிலை தேவதையே! - இக்காதல் நிலவில்
தேய்பிறை ஏதடி, உன்னை ஏமிக்கும்
தலைவன் நானடி !

- ஏமத்தில் தலைவன்

by **T.N.Balasubramanian** Tue Aug 18, 2015 12:00 pm

வருக வருக , பிரபு இளமதி .

மேலெழுந்தவாக படிக்க ,கவிதை நன்றாக இருக்கிறது .
பல வார்த்தைகளுக்கு எனக்கு அர்த்தம் புரியவில்லை .
அகராதியை புரட்டிப் பார்த்து , ரசிக்க முடியும் என நினைக்கிறேன் .
வாழ்த்துகள் அன்பு மலர்

புதியவர் . அறிமுகப்பகுதிக்கு சென்று
தங்களை அறிமுகப்படுத்திக் கொள்ளுங்கள் .

ரமணியன்

by Prabhu Ilamathi Tue Aug 18, 2015 12:27 pm

நன்றி அய்யா மோகித்தேன், விரகித்தேன், அரணித்தேன் 1571444738

கீழே வார்த்தை விளக்கம் கொடுத்திருக்கிறேன்

இயன்மொழிக் காஞ்சி- தலைவனை புகழ்தல்
பூவை நிலை-மனிதரை தேவரோடு ஒப்பிட்டு சொல்வது
அரண்-காவல்
தூமம் - வால் நட்சத்திரம்
ஏமம்- காவல்