கடலில் எண்ணெய் பரவும் அபாயம்: 3 மாநில அரசுகளுக்கு எச்சரிக்கை

**ayyasamy ram** · **ayyasamy ram** Tue Aug 18, 2015 7:25 am

மகாராஷ்டிர மாநில கடல்பகுதியில் கண்டறியப்பட்டுள்ள விஷத்தன்மை வாய்ந்த எண்ணெய் பீப்பாய்கள் கோவா, கர்நாடகம், கேரளம் ஆகிய மாநிலங்களின் கடலோரங்களில் கரை ஒதுங்கலாம் என எச்சரிக்கப்பட்டுள்ளது.
-
மும்பையில் இருந்து 135 கி.மீ. தொலைவில் அமைந்துள்ள கொங்கண் பகுதியை ஒட்டிய காஷித் கடற்கரை அருகே 110 எண்ணெய் பீப்பாய்கள் மிதப்பதை இந்தியக் கடலோரக் காவல்படை அண்மையில் கண்டறிந்தது. அவற்றில் பெரும்பாலனவை மீட்கப்பட்ட நிலையில், மீதமுள்ள பீப்பாய்கள் பிற மாநிலங்களில் கரை ஒதுங்கலாம் என எச்சரிக்கப்பட்டுள்ளது.
-
அந்த பீப்பாய்கள் ஒவ்வொன்றிலும் தலா 200 லிட்டர் எண்ணெய் இருக்கலாம் எனக் கருதப்படுகிறது.
-
இதுகுறித்து கோவா, கர்நாடகம், கேரளம் ஆகிய மாநிலங்களின் அரசுகளுக்கு, இந்தியக் கடலோர காவல் படையின் செய்தித் தொடர்பாளர் அக்ஷய் ஜெயின் எழுதியுள்ள கடிதத்தில் கூறப்பட்டுள்ளதாவது:
-
காஷித் கடற்கரை அருகே 110 எண்ணெய் பீப்பாய்கள் மிதப்பது கடந்த 10-ஆம் தேதி கண்டறியப்பட்டது. இதையடுத்து, கடலோரக் காவல் படையினரும், காவல் துறையினரும் மீட்புப் பணியில் ஈடுபட்டனர்.
-
இதுவரை 90 பீப்பாய்கள் மீட்கப்பட்டுள்ளன. மீதமுள்ள பீப்பாய்கள் கோவா, கர்நாடகம், கேரளம் ஆகிய மாநிலங்களின் கடலோரங்களில் கரை ஒதுங்கக் கூடும் என்று எதிர்பார்க்கப்படுகிறது.
-
"ஹைட்ரோ கார்பன்' அடங்கிய அந்த எண்ணெய், மனிதர்களுக்கு தீங்கு விளைவிக்கக் கூடியது. எனவே, கடல்பகுதியில் எண்ணெய் பீப்பாய் ஏதாவது மிதக்கிறதா? என விழிப்புணர்வோடு கண்காணிக்குமாறு கேட்டுக் கொள்ளப்படுகிறது.
அந்த எண்ணெய் பீப்பாய்கள் யாருக்குச் சொந்தமானவை? என்பது குறித்து விசாரணை நடைபெற்று வருகிறது என்று அக்ஷய் தனது கடிதத்தில் தெரிவித்துள்ளார்.
-
தினமணி

**krishnaamma** · **krishnaamma** Tue Aug 18, 2015 11:55 am

shobana sahas · shobana sahas Thu Aug 20, 2015 2:06 am

அய்யய்யோ ....... அதிர்ச்சி

Sponsored content · Sponsored content

கடலில் எண்ணெய் பரவும் அபாயம்: 3 மாநில அரசுகளுக்கு எச்சரிக்கை

கடலில் எண்ணெய் பரவும் அபாயம்: 3 மாநில அரசுகளுக்கு எச்சரிக்கை

Re: கடலில் எண்ணெய் பரவும் அபாயம்: 3 மாநில அரசுகளுக்கு எச்சரிக்கை

Re: கடலில் எண்ணெய் பரவும் அபாயம்: 3 மாநில அரசுகளுக்கு எச்சரிக்கை

Re: கடலில் எண்ணெய் பரவும் அபாயம்: 3 மாநில அரசுகளுக்கு எச்சரிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக