எங்கு இருக்கிறார் கடவுள்

by சசி Mon Aug 17, 2015 11:12 am

ஏழை வளைகடல் எட்டுக் குலவரை
யாழும் விசும்பினில் அங்கி மழைவளி
தாழூ மிருநிலந் தன்மை யதுகண்டு வாழ நினைக்கில தாலய மாமே. திருமந்திரம் 2907

கடல்களை பகாசுரனிடம் பங்கு
கொடுத்தாயிற்று !!

மலைகளை மாஃபியா கும்பல்களிடம்
கொடுத்தாயிற்று!!

நீர் நிலைகளை உறிஞ்சி
எடுத்தாயிற்று!!

நிலத்தை நீ நான் என்று
பங்கு பிரித்தாயிற்று!!!

ஆகாயாத்தையும் அமெரிக்காரன்
விட்டுவைக்கவில்லை!!

காற்றை மட்டும் தான் காசக்க
முடியவில்லை!!
கொஞ்ச நாட்களில் அதுவும் காசாக்கும்!!
ஐயோ கடவுளை நான் எங்கே தேடுவேன்????

கடல், மலை,நீர், நிலம், ஆகாயம், அனைத்தும் அன்று கடவுளாவும்,ஆலயமாகவும்,
கருதினார்கள்.ஆனால் இன்று????

by **M.Jagadeesan** Mon Aug 17, 2015 11:25 am

Sasiiniyan Sasikaladevi wrote:??

கடல், மலை,நீர், நிலம், ஆகாயம், அனைத்தும் அன்று கடவுளாவும்,ஆலயமாகவும்,
கருதினார்கள்.ஆனால் இன்று????

மேற்கோள் செய்த பதிவு: 1157811

கடவுள் இங்கெல்லாம் இல்லை !

விறகில் தீயினன் பாலில் படுநெய்போல்

மறைய நின்றுளன் மாமணிச் சோதியான்

உறவு கோல்நட்டு உணர்வு கயிற்றினால்

முறுக வாங்கிக் கடையமுன் நிற்குமே !- அப்பர் அடிகள்

by சசி Mon Aug 17, 2015 11:34 am

ஐயா மிகவும் நன்றி, இப்பாடலை மேற்கோள் காட்டியதற்கு.

by **M.Jagadeesan** Mon Aug 17, 2015 12:07 pm

தங்கள் கவிதை வழக்கம்போல் சிறப்பாகத்தான் உள்ளது . கடவுளை நேராகப் பார்க்கமுடியாது . பொருள்களில் அவன் மறைந்து நிற்கிறான் என்பதைக் காட்டவே , அப்பர் அடிகளின் பாடலை மேற்கோள் காட்டினேன் .