தினம் தினம் சுதந்திரம்

**கோவிந்தராஜ்** · 20/02/2011

தினம் தினம் சுதந்திரம்
திருட்டுகள் நிரந்தரம்
பகட்டுகள் மிரட்டுகள் கூட்டாய் ,
பொய் புரட்டுகள் திரட்டுகள்
ஆயிரம் ஆயிராம்.

எங்கும் உண்டு சுதந்திரம்
எதிலும் உண்டு நிம்மதி
இப்படி தான் என்றது மதி
அத்தனையும் வேறாய் போனது விதி.

சுதந்திர இந்தியாவின்
சுதந்திர குடிமகன் “நான்”

வழிப்பறி கொள்ளை பலசெய்வேன்
பூட்டிய வீட்டில் திருட்டு செய்வேன்
“நான்” இன்னொருவன்

வீதியில் குப்பை கொட்டி வைப்பேன்
பின் தூய்மை இந்திய செய்திடுவேன்
“நான்” இன்னொருவன்

மரங்கள் பலவெட்டி பணம் சேர்ப்பேன்
மரம் வேட்டியதாய் கூறி சுட்டுத்தல்லுவேன்
“நான்” இன்னொருவன்

உரிமைகள் பலவும் எடுத்துரைப்பேன்
மனித உரிமையை மீரிடுவேன்
“நான்” இன்னொருவன்

மக்கள் மக்கள் என்றிருப்பேன்
மக்கள் பணத்தில் உழன்று இருப்பேன்
“நான்” இன்னொருவன்

நிறைகள் நிறைய இருந்தாலும்
குறைகள் மட்டுமே பல சொல்வேன்
“நான்” இன்னொருவன்

மேடை போட்டு பேசிடுவேன்
அங்கே சுட்டு சுட்டு தள்ளினாலும்
சும்மாதான் இருந்திடுவேன்
“நான்” இன்னொருவன்

கலைகள் கருத்துகள் போற்றிடுவேன்
ஜனநாயகம் என்றிடுவேன்
என்னை தூற்றி பேசும் வாய்தனில்
ஏறி நின்று மிதித்திடுவேன்
“நான்” இன்னொருவன்

பெண்கள் கண்கள் என்றிடுவேன்
கற்பு கலாச்சாரம் என்றிடுவேன்
ஓடும் பேருந்தில் துகிலுரிவேன்
அமிலம் ஊற்றி மகிழ்ந்திடுவேன்
“நான்” இன்னொருவன்

ஒற்றுமை ஒற்றுமை என்றிடுவேன்
ஒரேசத்தமாய் குரல் கொடுப்பேன்
புதிதாய் ஒரு கட்சி துவங்கிடுவேன்
“நான்” இன்னொருவன்

சேற்றில் உழன்று கிடந்திடுவேன்
சாக்கடைக்குள் முத்தேடுப்பேன்
சலவை சவரம் செய்திடுவேன்
கார்பரேட் காட்டுக்குள் மாட்டிகொள்வேன்
“நான்” இன்னொருவன்

சாலையில் ஓரம் குடி இருப்பேன்
அடுக்கு மாடி கட்டிடுவேன்
வாகனம் ஒன்றை வாங்கிடுவேன்
நடைபாதை மக்கள் மீதே ஒட்டி பழகிடுவேன்
“நான்” இன்னொருவன்

சாராயம் குடித்திடுவேன்
சட்டம் போட்டு காத்திடுவேன்
சம்பளம் கிம்பளம் வாங்கிடுவேன்
தடுத்து நின்றால் கொன்றிடுவேன்
“நான்” இன்னொருவன்

புகை பிடித்தால் கேடு என்பேன்
புற்றுநோய் வரும் என்பேன்
தொழில் சாலையில் உற்பத்தி செய்வேன்
போராட்டம் செய்திடுவேன்
“நான்” இன்னொருவன்

தொழில்நுட்பம் தெரிந்து வைப்பேன்
புதிதாக கண்டுபிடிப்பேன்
தொலைதூர நட்புகொல்வேன்
குடும்பங்கள் குழந்தைகள் சொந்தங்கள்
அத்தனையும் இணையம் ஒன்றிலே தேடிடுவேன்
“நான்” இன்னொருவன்

சுதந்திர இந்தியாவில்
எத்தனையோ “நான்” கள் உண்டு இங்கே
வெகு சுதந்திரமாக
வாழ்க சுதந்திர இந்தியா !

:வணக்கம்: