அலைகள் ஓய்வதில்லை

சங்கர்.ப · சங்கர்.ப Thu Aug 13, 2015 11:20 am

கண்டும் காணாது
நீ செல்ல
ஒவ்வொரு நாளும்
பிறந்து நிற்கிறேன்
உனக்காக

முடியழகை
பார்த்து நிற்ப்பாய்
என சீவி ஒருநாள்
சீவாமல் மறு நாள்

மீசையிலே
ஆசை வைப்பாய் என
விண்ணை பார்த்து
ஒரு நாள்
மண்ணை பார்த்து
மறு நாள்

சட்டையை
சட்டை செய்வாய் என்று
தேய்த்து ஒருநாள்
தேய்க்காமல் கசங்கி
மறு நாள்

நீ வரும்
பஸ்ஸில்
பேச்சிலே வசப்படுவாய்
என பட்டிமன்ற
பேச்சாளாராய்
ஒரு நாள்
ஊமையாய் மறு நாள்

வேட்டி பிடிக்கும்
என்று விவசாயியாய்
ஒரு நாள்
சாப்ட்வேர் என்ஜினியராய்
மறுநாள்

இத்தனை செய்தும்
தெரிந்து கொள்வேன்
கவனமாக கண்மணியே
எது உனக்கு
பிடிக்கும் என்று

எதனை செய்தால்
பிடிக்கும் என்று சொல்லிவிடு
என்னவளே என்னை
பிடிக்கும் என்று

கடல் நீர்
தீர்ந்து போகும்
கண் விழியே
என்றும் தீராது உன் மேல்
என் காதல் அலைகள்

இப்படிக்கு
- கஜினி முகம்மதுவின் அண்ணன்