கொச்சியில் நாட்டின் முதலாவது சூரிய விசை விமான நிலையம்

by **ayyasamy ram** Fri Aug 14, 2015 9:28 am

நாட்டிலேயே முதல்முறையாக, கொச்சி விமான நிலையம் சூரிய ஒளி மின்சாரத்தின் மூலம் இயங்கவுள்ளது.
-
இதுகுறித்து கொச்சி விமான நிலைய நிர்வாக மேலாளர் வி.ஜே.குரியன், செய்தியாளர்களிடம் வியாழக்கிழமை கூறியதாவது:
-
கொச்சி விமான நிலைய வளாகத்தில் அமைக்கப்பட்டுள்ள 12 மெகாவாட் திறன் கொண்ட சூரிய ஒளி மின் நிலையத்தை கேரள முதல்வர் உம்மன் சாண்டி, வரும் 18ஆம் தேதி திறந்து வைக்கிறார்.
-
விமான நிலையத்தில் இருந்து வெளியே வரும் பகுதியில் ஏற்கெனவே சூரிய ஒளி மின்சார வசதி செய்யப்பட்டதுடன், வருகைப் பகுதியின் மேற்பரப்பில் 100 கிலோவாட் திறன் கொண்ட சூரிய ஒளி மின்னுற்பத்தி நிலையம் அமைக்கப்பட்டது.
-
மேலும், விமான நிலையத்தின் மேற்பரப்பிலும், தரைப்பகுதியிலுமாக 1 மெகாவாட் மின்சாரத் திறன் கொண்ட சூரிய மின்னுற்பத்தி நிலையமும் அமைக்கப்பட்டது.
தற்போது அமைக்கப்பட்டுள்ள 12 மெகாவாட் திறன் கொண்ட சூரிய ஒளி மின் உற்பத்தி நிலையம் மூலம், தினந்தோறும் 48,000 யூனிட்கள் மின்சாரம் உற்பத்தி செய்யப்படும் என்று கணக்கிடப்பட்டுள்ளது.
-
தினமணி