சிரிக்க ................சிந்திக்க :)

by **krishnaamma** Thu Aug 13, 2015 11:15 pm

கோவில்களில் தரிசனக் கட்டணத்தை ரத்து செய்யக் கோரி போராட்டம்.

காட்சிக்கு எளியவனான கடவுளை வசூல் ராஜாவாக மாற்றக் கூடாது என்றுதானே?

***

உத்தரகாண்ட்டில் குள்ளமானவர்களுக்கு மாதம் ரூ. 800 அரசு நிதி உதவி.

குழந்தைகளுக்கு காம்ப்ளான் கொடுக்காமல் பார்த்துக் கொள்ள வேண்டுமா?

****

தென்னாப்பிரிக்காவில் முள்ளம் பன்றியைத் தின்ற மலைப் பாம்பு மரணம்.

பாம்பின் உள்ளே போன இரை சிலிர்த்து விஸ்வரூபம் எடுத்திருக்கும்

***

அமெரிக்காவில், தொழில் நுட்பக் கோளாறுகளைச் சரி செய்ய மந்திரவாதி உதவி.

இயந்திரங்கள் அருகில் மந்திரித்த எந்திரங்களை வைக்கச் சொல்வாரா?

***

டாக்டர்களின் வெள்ளைக் கோட்டால் கிருமிகள் பரவுவதால் அணியத்தேவை இல்லையாம்.

கருப்புக் கோட்டு என்றால் வக்கீல், வெள்ளைக் கோட்டு என்றால் டாக்டர் என்கிற சினிமாமாத்தன அடையாளம் அடிபடுமே.

***

இறந்த பின்னரும் 3000 சுதந்திரத் தியாகிகளுக்கு ஸ்டேட் பாங்க் 16 கோடியைப் பென்ஷனாகக் கொடுத்ததாம்.

சித்திரகுப்தனின் லெட்ஜரும் வங்கியின் கம்ப்யூட்டரும் ‘டாலி’ ஆகியிருக்காது!

***

கோவையில் 75,000 பூச்சிகளின் அருங்காட்சியகம் விரைவில் திறக்கப்படுமாம்.

இங்கு எல்லோர் கண்களிலும் பூச்சி பறக்கிற மாதிரி தோன்றலாம்.

***

நன்றி தினமணி

by **krishnaamma** Thu Aug 13, 2015 11:16 pm

முன்னாள் ஜனாதிபதி பிரதிபா பாட்டீல் தன் இரண்டாவது காருக்கும் அரசிடமிருந்து பெட்ரோல் கேட்கிறார்.

அப்துல் கலாம் உட்கார்ந்து அலங்கரித்த நாற்காலியே இவரை மாற்றவில்லை என்றால் என்னத்தைச் சொல்ல!

***

எழும்பூர் ஹால்ஸ் சாலைக்குத் தமிழ்ச் சாலை என்று பெயர் மாற்றம்.

கல் தோன்றி மண் தோன்றா காலத்துத் தமிழின் பெயர் பெற்றபின் சாலையில் கல்லும் மண்ணும் தோன்றாது இருக்குமா?

***

சிங்கத்தை வில் அம்பு கொண்டு வேட்டை ஆடிக் கொன்ற அமெரிக்க பல் டாக்டர் மீது வழக்கு.

அகோரமான சிங்கப் பற்களைக் காட்டி கர்ஜித்திருக்கும்.

***

ரூ. 40,000 செலவில் ஹிலாரி கிளின்டன் முடி அலங்காரம் செய்து கொள்கிறாராம்.

வெள்ளை மாளிகைக்கு மேட்சிங்காக முடியின் நிறத்தை மாற்றிக் கொள்ளவா?

***
பெண் டைரக்டர் இடம் பெறாத கம்பெனிகள் மீது நடவடிக்கை.

வீட்டிலேதான் அவங்க கேக்கிற கேள்விகளை சமாளிக்க முடியலே. கம்பெனி போர்ட் மீட்டிங்கிலுமா என்று தயங்குகிறார்களா?

***

மது விற்பவர்கள், குடிப்பவர்களைத் துடைப்பத்தால் விளாச பீகாரில் மகளிர் பஞ்சாயத்து முடிவு.

ஊறுகாய், வடை, சில்லி சிக்கன்னு சைட் டிஷ் விற்பவர்களும் இந்தத் தாக்குதலில் அடி பெறுவார்களா?

***

டிபன் பாக்ஸை சக ஊழியர் விளையாட்டாக ஒளித்து வைத்ததால் மூண்ட கைகலப்பில் ஒருவர் அடித்துக் கொலை.

A hungry man is an angry man! ன்னு சும்மாவா சொல்லியிருக்காங்க?

நன்றி தினமணி

by **krishnaamma** Thu Aug 13, 2015 11:18 pm

200 பயணிகளுடன் கிளம்பிய ஏர் இந்தியா விமானம், உள்ளே ஓடிய எலியால் தரை இறங்கியது.

இனி விமானம் கிளம்பும்முன் ஒரு பூனையை CAT-SCAN செய்ய வைத்து எலிகளை விரட்டலாமே.

***

எமன் வேடமணிந்த ஒருவர், மும்பை சர்ச்கேட் ரயில் நிலையத்தில் விதிகளை மீறினால் மரணம் உண்டாகும் என்று பிரசாரம் செய்கிறாராம்.

நிஜ எமனுக்கே பெப்ப்பே காட்டும் தில் உடையவர்கள், இதனால் திருந்தப் போகிறார்களா?

***

அரசு ஊழியரை அறைவது சிறிய குற்றமாம் — கோவா துணை முதல்வர்.

மறு கன்னத்தைக் காட்டாததுதான் பெரிய குற்றம் என்பாரா?

***

விலை உயர்ந்த கைக்கடிகாரத்தைப் பிறர் பார்க்கும்படி காட்டிக் கொண்டிருந்த அமைச்சருக்கு மோடி எச்சரிக்கை.

அதில் தொங்கியிருந்த price tag-ஐ எடுக்க மறந்துவிட்டாரா?

***

ஓடையில் முதலையைக் கரண்டியால் அடித்துத் தப்பிய ஒடிசா பெண்மணி.

புலியை முறத்தால் அடித்து விரட்டிய தமிழ்ப் பெண்மணியின் அடுத்த ஜென்மப் பிறவியாக இருப்பாரோ?

***

ஹெல்மெட் அணிவதின் அவசியம் தெரிந்தும் சிலர் அணிவதில்லை.

ஏற்கனவே தலைகனம். கூடுதல் கனத்தைத் தாங்க மறுக்கிறார்களா?

***

காட்டில் ஒரு வாரமிருந்து திரும்பி வந்த பெல்ஜிய இளைஞர் மனைவியின் விவாகரத்து மனுவால் காட்டில் நிரந்தரமாக வாழச் சென்றுவிட்டாராம்.

வீடு வாவா என்று அழைக்காதலால் காடு வாவா என்று அழைத்துவிட்டதா?

***

லண்டன் ஸ்காட்லாண்ட் யார்டு போலீஸ் ஸ்டேஷன், ஒரு நாளைக்கு ரூ. 10 லட்சம் வாடகை வசூலிக்கும் சொகுசு ஹோட்டலாக மாறுகிறதாம்.

இவ்வளவு வாடகை கொடுத்து படுத்தால் தூக்கம் வருமா?

***

ருமேனியா நாட்டு சங்கீத விழாவைக் காண அனுமதி, ரத்த தானம் மூலமாகத் தானாம்.

டிராகுலா, ரத்தக் காட்டேரி, அட்டைகளுக்கு அனுமதி உண்டா?

***

நன்றி தினமணி

by Sponsored content

சிரிக்க ................சிந்திக்க :)

சிரிக்க ................சிந்திக்க :)

Re: சிரிக்க ................சிந்திக்க :)

Re: சிரிக்க ................சிந்திக்க :)

Re: சிரிக்க ................சிந்திக்க :)