செக்ஸ் டார்ச்சருக்கு உள்ளான 35 பெண்கள்….

**ayyasamy ram** · **ayyasamy ram** Tue Aug 11, 2015 8:22 am

-

நியூயார்க் பத்திரிகையின் அட்டையில் அமெரிக்க காமெடியன் பில் காஸ்பியால் செக்ஸ் டார்ச்சருக்கு உள்ளான 35 பெண்களின் படம் வெளியாகி இருக்கிறது.

அதைப் பார்த்த பில் கிளின்டன் குஷியுடன் ‘அது!’ என்று பாராட்டினாரா?

…

முன்னாள் ஜனாதிபதி பிரதிபா பாட்டீல் தன் இரண்டாவது காருக்கும் அரசிடமிருந்து பெட்ரோல் கேட்கிறார்.

அப்துல் கலாம் உட்கார்ந்து அலங்கரித்த நாற்காலியே இவரை மாற்றவில்லை என்றால் என்னத்தைச் சொல்ல!

***

எழும்பூர் ஹால்ஸ் சாலைக்குத் தமிழ்ச் சாலை என்று பெயர் மாற்றம்.

கல் தோன்றி மண் தோன்றா காலத்துத் தமிழின் பெயர் பெற்றபின் சாலையில் கல்லும் மண்ணும் தோன்றாது இருக்குமா?

***

சிங்கத்தை வில் அம்பு கொண்டு வேட்டை ஆடிக் கொன்ற அமெரிக்க பல் டாக்டர் மீது வழக்கு.

அகோரமான சிங்கப் பற்களைக் காட்டி கர்ஜித்திருக்கும்.

…

காட்டில் ஒரு வாரமிருந்து திரும்பி வந்த பெல்ஜிய இளைஞர் மனைவியின் விவாகரத்து மனுவால் காட்டில் நிரந்தரமாக வாழச் சென்றுவிட்டாராம்.

வீடு வாவா என்று அழைக்காதலால் காடு வாவா என்று அழைத்துவிட்டதா?

***

லண்டன் ஸ்காட்லாண்ட் யார்டு போலீஸ் ஸ்டேஷன், ஒரு நாளைக்கு ரூ. 10 லட்சம் வாடகை வசூலிக்கும் சொகுசு ஹோட்டலாக மாறுகிறதாம்.

இவ்வளவு வாடகை கொடுத்து படுத்தால் தூக்கம் வருமா?

***

ருமேனியா நாட்டு சங்கீத விழாவைக் காண அனுமதி, ரத்த தானம் மூலமாகத் தானாம்.

டிராகுலா, ரத்தக் காட்டேரி, அட்டைகளுக்கு அனுமதி உண்டா?

***

ஜே.எஸ். ராகவன்

தினமணி

**விஸ்வாஜீ** · **விஸ்வாஜீ** Tue Aug 11, 2015 4:04 pm

சூப்பரு..

shobana sahas · shobana sahas Wed Aug 12, 2015 2:43 am

//முன்னாள் ஜனாதிபதி பிரதிபா பாட்டீல் தன் இரண்டாவது காருக்கும் அரசிடமிருந்து பெட்ரோல் கேட்கிறார்.

அப்துல் கலாம் உட்கார்ந்து அலங்கரித்த நாற்காலியே இவரை மாற்றவில்லை என்றால் என்னத்தைச் சொல்ல!
//

அதிர்ச்சி