ஈகரையில் தமிழ் மொழி

nandhtiha · nandhtiha Fri Nov 13, 2009 5:26 pm

First topic message reminder :

ஈகரை அன்பர்கள் அனைவருக்கும் வணக்கம்
உலகத் தமிழ் மாநாடு புதிதாகச் செம்மொழி மாநாடாக மாற்றி நடத்தப் பட உள்ளது அனைவரும் அறிந்ததே. மொழி கலாசாரத்தின் ஆணி வேர் என்பதனை அனைவரும் அறிவர். மொழி அரசியலாக்கப் படக் கூடாது என்பதில் கருத்து வேறுபாடு எனக்கில்லை, ஆனால் மொழியால் அரசியல் லாபம் தேடுவதும் தவறு என்பதை எடுத்து வைக்கவும் ஆசைப்படுகிறேன். தமிழ் மொழி அழிந்தால் தமிழர்களும் அழிவார்கள். அதே நேரத்தில் உலகத்தில் எங்காவது ஒரு மூலையில் தமிழர்களுக்கு இன்னல் ஏற்படுமானால் எதிர்த்துக் குரல் வராத எந்த மாநாட்டாலும் பயனில்லை என்பதும் உண்மை, அவைகள் எல்லாம் போகட்டும். தெய்வமாகப் போற்றப் படும் தமிழ் மொழி பற்றி ஈகரையில் ஓர் விவாதக் களம் ஆரம்பித்தால் என்ன என்ற வினா என்னை வருத்திக் கொண்டிருக்கிறது, தமிழ் அன்பர்கள் தமிழ் அறிஞர்கள் ஆர்வலர்கள் தங்கள் கருத்துக்களை முன்வைத்தால் மற்றவர்கள் பயனடைவார்கள் என்றே நம்புகிறேன்.
எல்லோருடைய கருத்தையும் அறிய ஆவல் உள்ளவளாக இருக்கிறேன்,
அன்புடன்
நந்திதா

மீனு · மீனு Sat Nov 14, 2009 2:00 pm

ஆம் இங்கே கல்யாணம் அவர்கள் சொல்லி இருப்பவை அருமை..தமிழை பற்றிய விவாதம் மட்டுமே இருக்கட்டும், ஏனைய அரட்டைகள் இல்லாம இருப்பது நல்லது

தாமு · தாமு Sat Nov 14, 2009 2:02 pm

[You must be registered and logged in to see this image.]

**கா.ந.கல்யாணசுந்தரம்** · 28/02/2009

நன்றி மீனு அவர்களே! நீங்க சொன்ன அது ஈகரைக்கே சொன்ன மாதிரி!

nandhtiha · nandhtiha Sat Nov 14, 2009 2:18 pm

வணக்கம்
ஒருமுறை திராவிட முன்னேற்றக் கழகமும் ராஜாஜியால் ஆரம்பிக்கப்பட்ட சுதந்திரக் கட்சியும் இணைந்து தேர்தலை சந்தித்த நேரம். காஞ்சிபுரத்தில் அண்ணா அவர்கள் பேருரை ஆற்றிக் கொண்டிருந்தார். பழந்தமிழகத்தின் சிறப்புப்பற்றிப் தமக்கே உரிய அடுக்கு மொழியில் அனைவரையும் ஈர்க்கும் வகையில் அண்ணா பேசிக் கொண்டிருந்தார், பேச்சின் இடையில் பாண்டிய நாட்டில் முத்துமாலை வீதியில் கிடந்தால் போட்டவர் வந்து எடுக்கும் வரை அங்கேயே கிடக்கும் என்று வர்ணித்துக் கொண்டிருந்தாராம். அப்பொழுது குறுக்கிட்டுப் பேசிய ராஜாஜி அவர்கள் பழங்கதை பேசிப் பயனில்லை. இப்பொழுது புகை வண்டி நிலையத்தில் நீர் அருந்த வைத்திருக்கும் அலுமினியக் குவளையை இரும்புச் சங்கிலி போட்டுப் பிணைத்து வைக்க வேண்டி இருக்கிறது, தற்கால நிலை பற்றிப் பேசுங்கள் என்றாராம். இலக்கிய வளங்களைப் புறம் தள்ளாமல் தற்கால நிலைகளையும் இதுவரை நடந்த மாநாடுகளில் பேசப் படாத விடயங்களையும், இறைத் தமிழில் உள்ள சிறப்பம்சங்களையும் பேச வேண்டும் என்பது என் விருப்பம்
மற்ற அன்பர்களின் கருத்துக்களையும் அறிய விரும்புகிறேன்
அன்புடன்
நந்திதா

வித்யாசாகர் · வித்யாசாகர் Sat Nov 14, 2009 5:52 pm

பேசுவோம்.. சகோதரி.. நீங்கள் சொல்ல நாங்களெல்லாம் கற்றுக் கொள்ள தயாராக இருக்கிறோம்.. இது போன்ற பதிவுகள் மூலம் நாமெல்லோருமே இன்றைய இயல்பான கருத்து பரிமாறி.. திடமான கொள்கை பிடிப்பை தமக்குத் தாமே ஏற்படுத்தி, அதையும் தன் இயல்பான சீர்திருத்தமாக கொண்டு வாழ்வின் மாறுதல்களில் தமிழ் அடிபட்டுப் போகாமலும், தமிழின் பேரில் வரும் மற்றோர் சுய நல தினினிபுகளால் தமிழர் அடிப் பட்டு போகாமலும் இருக்க வழி வகுப்போம். அதற்கான அந்த ஒரு நோக்கத்தில் தான் 'பிற மொழியும்; பிற மக்களும் கூட பொது அறிவு தானென' ஒரு கட்டுரையும் பதிந்தேன்.

நேரம் கிடைப்பின்.. கிடைக்கும் போதெல்லாம்.. இயன்றவரை ஒதுக்கி இயன்றதை தமிழுக்காய்.. நமக்காய் செய்வோம் சகோதரி. உங்களின் ஒவ்வொரு முயற்சியும் எங்களுக்கென உணர்கையில் எங்களிடம் கருத்துக் கேட்பதென்னவோ. ஆயினும் தங்களின் பண்பை தங்களின் ஒவ்வொரு கட்டத்திலும் கண்டுக் கொண்டே வளர்கிறோம்.. நன்றி சகோதரி! ஆரம்பியுங்கள்!

**ராஜா** · **ராஜா** Sat Nov 14, 2009 5:54 pm

[You must be registered and logged in to see this image.]

வித்யாசாகர் · வித்யாசாகர் Sat Nov 14, 2009 6:04 pm

சரி தானே.. சகோ.. அக்கா சொல்வதற்கு நாமென்ன மறுப்பா தெரிவிப்போம். ஆயினும் தலைமையின் மற்றும் பிறரின் கருத்தும்.. ஆர்வமும் தெரிந்து செயல் படுவது.. மிக்க நலமே.. இல்லையா சகோ..

**ராஜா** · **ராஜா** Sat Nov 14, 2009 6:07 pm

ஈகரையே ஒரு தமிழ் களஞ்சியம் தானே சகோ ,

மீனு · மீனு Sat Nov 14, 2009 7:08 pm

Kraja29 wrote:ஈகரையே ஒரு தமிழ் களஞ்சியம் தானே சகோ ,

தமிழ் களஞ்சியம் தான் அண்ணா..ஆனா களஞ்சியம் அமைதியா இருக்காம தமிழ் பற்றி விவாதித்து ,இன்னும் அழகாக்க அக்கா விரும்புகிறா..

**ராஜா** · **ராஜா** Sat Nov 14, 2009 7:19 pm

தாராளமாக விவாதிக்கலாம் , அப்போது தானே எங்களை மாதிரி உள்ளவர்கள் கொஞ்சமாவது தமிழை பற்றி தெரிந்து கொள்ள முடியும்.

Sponsored content · Sponsored content

ஈகரையில் தமிழ் மொழி

ஈகரையில் தமிழ் மொழி

Re: ஈகரையில் தமிழ் மொழி

Re: ஈகரையில் தமிழ் மொழி

Re: ஈகரையில் தமிழ் மொழி

Re: ஈகரையில் தமிழ் மொழி

Re: ஈகரையில் தமிழ் மொழி

Re: ஈகரையில் தமிழ் மொழி

Re: ஈகரையில் தமிழ் மொழி

Re: ஈகரையில் தமிழ் மொழி

Re: ஈகரையில் தமிழ் மொழி

Re: ஈகரையில் தமிழ் மொழி

Re: ஈகரையில் தமிழ் மொழி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக