ஆக்கப்பூர்வமான நாடாளுமன்றமே ஜனநாயகத்தை வளப்படுத்தும்: பிரணாப் முகர்ஜி

**ayyasamy ram** · **ayyasamy ram** Tue Aug 11, 2015 8:19 am

-

ஆக்கப்பூர்வமாகச் செயல்படும் நாடாளுமன்றத்தின்
மூலமே நாட்டின் ஜனநாயகம் செழிக்கும் என குடியரசுத்
தலைவர் பிரணாப் முகர்ஜி தெரிவித்தார்.
–
நாடாளுமன்ற மழைக்காலக் கூட்டத்தொடர் தொடர்ந்து
முடக்கப்பட்டு வரும் நிலையில், பிரணாப் முகர்ஜி இவ்வாறு
கருத்துத் தெரிவித்துள்ளார்.

ராமாயணத்தை கன்னட மொழியில்
“ராமாயண மஹான்வேஷணம்’ எனும் கவிதை நூலாக
இயற்றியதற்காக மத்திய முன்னாள் அமைச்சர்
வீரப்ப மொய்லிக்கு “சரஸ்வதி சம்மான்’ இலக்கிய விருது
வழங்கும் விழா தில்லியில் திங்கள்கிழமை நடைபெற்றது.
–
விழாவைத் தொடங்கி வைத்து பிரணாப் முகர்ஜி பேசியதாவது:
–
இந்தியாவின் பலமே அதன் நாடாளுமன்றம்தான். ஆக்கப்
பூர்வமாக செயல்படும் நாடாளுமன்றமே இந்தியாவின்
ஜனநாயகத்தை வளப்படுத்தும். நாடாளுமன்றத்துக்கு
தேர்ந்தெடுக்கப்பட்ட உறுப்பினர்களுக்கு தெளிவான
நோக்ககமும், அதனை அங்கீகரிக்கும் வகையில்
விவேகமான அரசும், சுதந்திரமான நீதித்துறையும் அமைவது
நமது மக்களாட்சித் தத்துவத்துக்கு கூடுதல் வலுசேர்க்கும்.
–
அதேபோல், பொறுப்புணர்வுடன் செயல்படக்கூடிய ஊடகங்களும்,
விழிப்புடன் இருக்கும் சமூகமும் நமது நாட்டின் வளர்ச்சிக்கு
அடிப்படையாக அமையும்.
–
ஒரு நாடு வளர்ச்சிப் பாதையில் செல்ல வேண்டுமானால்
எந்தெந்த விஷயங்களில் கவனம் செலுத்த வேண்டும் என
இதிகாசங்களான ராமாயணமும், மகாபாரதமும் நமக்கு
எடுத்துரைக்கின்றன.
–
அரசியல் சித்தாந்தமும், பக்தியும் கலந்த கலவையாக அவை
விளங்குகின்றன. அமைதியும், சமாதானமும் நிலவும் நாடே,
மகாத்மா காந்தி கண்ட ராமராஜ்ஜியமாக இருக்க முடியும்
என்றார் பிரணாப் முகர்ஜி.
–
——————————————–
தினமணி

ஆக்கப்பூர்வமான நாடாளுமன்றமே ஜனநாயகத்தை வளப்படுத்தும்: பிரணாப் முகர்ஜி

ஆக்கப்பூர்வமான நாடாளுமன்றமே ஜனநாயகத்தை வளப்படுத்தும்: பிரணாப் முகர்ஜி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக