Latest topics

தமிழக வனத்துறை அமைச்சராக மீண்டும் பதவியேற்றார் எம்.எஸ்.எம்.ஆனந்தன்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

தமிழக வனத்துறை அமைச்சராக மீண்டும் பதவியேற்றார் எம்.எஸ்.எம்.ஆனந்தன்

Post by சிவா Sun Aug 09, 2015 9:59 pm

தமிழக வனத்துறை அமைச்சராக எம்.எஸ்.எம்.ஆனந்தன் மீண்டும் இன்று பதவியேற்றார். அவருக்கு ஆளுநர் கே.ரோசய்யா பதவிப் பிரமாணமும், ரகசிய காப்பு உறுதிமொழியையும் செய்துவைத்தார். இந்த பதவியேற்பு நிகழ்ச்சி, ஆளுநர் மாளிகையில் நடந்தது.

இந்த நிகழ்வில், முதல்வர் ஜெயலலிதா, தமிழக அமைச்சர்கள், தலைமைச் செயலாளர் கே.ஞானதேசிகன் உள்ளிட்ட பலரும் கலந்து கொண்டனர். பதவியேற்பு நிகழ்ச்சியைத் தொடர்ந்து, ஆளுநர் ரோசய்யா, முதல்வர் ஜெயலலிதாவுடன் அமைச்சர்கள் அனைவரும் குழுபுகைப்படம் எடுத்துக் கொண்டனர். திருப்பூர் வடக்கு தொகுதி சட்டப் பேரவை உறுப்பினரான ஆனந்தன், கடந்த 2013 ஆம் ஆண்டு ஜூன் வரை இந்து-சமய அறநிலையங்கள் துறை அமைச்சராக இருந்தார்.

இதன்பின், கடந்த மே 22 ஆம் தேதிவரை, வனத்துறை அமைச்சராக பதவி வகித்தார். முதல்வர் ஜெயலலிதா 5-வது முறையாக பொறுப்பேற்ற போது அமைந்த அமைச்சரவையில் ஆனந்தன் இடம்பெறவில்லை. வனத்துறை அமைச்சர் பொறுப்பானது, நெடுஞ்சாலைகள்-சிறுதுறைமுகங்கள் துறை அமைச்சரான எடப்பாடி கே.பழனிசாமியிடம் கூடுதல் பொறுப்பாக அளிக்கப்பட்டிருந்தது.

இந்த நிலையில், மூன்று மாதங்களுக்குப் பிறகு, அவருக்கு மீண்டும் அமைச்சர் பொறுப்பு வழங்கப்பட்டுள்ளது குறிப்பிடத்தக்கது.

#அமைச்சரவை #தமிழகம் #எம்.எஸ்.எம்.ஆனந்தன்

தமிழக வனத்துறை அமைச்சராக மீண்டும் பதவியேற்றார் எம்.எஸ்.எம்.ஆனந்தன் Q9CBqnj

அனுபவமொழிகள், பொன்மொழிகள் அடங்கிய நூற்றுக்கணக்கான காலை வணக்கம் படங்களைப் பெற:

https://picsart.com/u/sivastar
https://picsart.com/u/sivastar/stickers

ஈகரை டெலிகிராம் ஆப்பில் இணைய: https://t.me/eegarai

சிவா: நிறுவனர்; பதிவுகள் : 91538
இணைந்தது : 19/09/2008