மோடி ஸ்டைல்!

**ayyasamy ram** · **ayyasamy ram** Sun Aug 09, 2015 12:31 pm

பிரதமர் மோடி, தனக்கென தனி பாணியைப் பின்பற்றுபவர்.
முன்னாள் பிரதமர்களைப் போல, 'டல்'லான ஆடைகளை
அணியாமல், மனம் கவரும் வகையில், ஆடை அணிபவர்.
-
அமெரிக்க அதிபர் ஒபாமா டில்லி வந்த போது, மோடி
அணிந்திருந்த, 'சூட்' முழுவதும் நரேந்தர் தமோதர்தாஸ்
மோடி என, அவருடைய பெயர் நெய்யப்பட்டிருந்தது.
பல லட்சம் ரூபாய் மதிப்புள்ள இந்த, 'சூட்' அரசியலில்
பெரும் பிரச்னையை கிளப்பியது.
-
இந்த, 'சூட்'டை, பல லட்சம் ரூபாய்க்கு ஏலம் விட்டு, சமூகப்
பணிகளுக்கு அந்த பணத்தை வழங்கினார் மோடி.
-
கடந்த ஆண்டு ஆக., 15 சுதந்திர தினத்தன்று, டில்லி
செங்கோட்டையில் தேசியக் கொடி ஏற்றி உரையாற்றிய
மோடி, புது விதமான தலைப்பாகையை அணிந்திருந்தார்.
கலர்புல் ஆக இருந்த அந்த தலைப்பாகை, மோடியின் தோள்
வரை நீண்டு, காற்றில் ஆடி, பார்வையாளர்களைக் கவர்ந்தது.
ராஜஸ்தான் மாநிலத்தில் உள்ள ஜோத்பூர் தலைப்பாகை அது.

இந்த ஆண்டு சுதந்திர தினத்திற்கு, புதுவிதமான
தலைப்பாகையைத் தேர்ந்தெடுத்துள்ளார் பிரதமர். உத்தர
பிரதேசம் மற்றும் பீகார் மாநிலங்களில் மக்கள் அணியும் இரண்டு
வகை தலைப்பாகையிலிருந்து ஒன்றைத் தேர்ந்தெடுத்து அணிந்து
கொண்டு, செங்கோட்டையிலிருந்து உரை நிகழ்த்த உள்ளார் மோடி.

குஜராத் முதல்வராக இருந்த போதும், இப்படி பல விதமான
தலைப்பாகைகளை அணிந்து, நிகழ்ச்சிகளில் கலந்து கொள்வது
மோடியின் பழக்கம் என்கின்றனர் அதிகாரிகள்.

ஆனால், காங்கிரசாரோ வெறுத்துப் போயுள்ளனர். 'எந்த ஒரு
நிகழ்ச்சியையும் மீடியாவில் பரபரப்பை ஏற்படுத்துவதே மோடியின்
வேலை' என்கின்றனர் காங்கிரசார்.

சமீபத்தில், மோடியின், 'டுவீட்' பத்திரிகையாளர்களிடையே மிகுந்த
பரபரப்பை ஏற்படுத்தி குழப்பிவிட்டது. '6:30 மணிக்கு என் வீட்டில்
மிகப் பெரிய ஒரு சம்பவம் நடைபெற உள்ளது' என, மோடி போஸ்ட்
செய்த, 'டுவீட்'டால், 'டிவி' மீடியாக்கள் பைத்தியமானது. 'என்ன?
சுஷ்மா விவகாரமா அல்லது மோடி பதவி விலகுகிறாரா' என்றெல்லாம்
தங்கள் மனம் போனபடி, 'டிவி'க்கள் காற்றாடி விட்டனர்.

கடைசியில், நாகா ஒப்பந்தம் கையெழுத்தானது! இப்படி
அனைத்தையுமே, 'மீடியா ஈவன்ட்' ஆக்கி விடுகிறார் மோடி என,
வருத்தப்படுகின்றனர் காங்., தலைவர்கள்.
-
---------------------

**M.Jagadeesan** · **M.Jagadeesan** Sun Aug 09, 2015 1:04 pm

காமராஜர் என்றால் தொள தொள சட்டை, கருணாநிதி என்றால் மஞ்சள் துண்டு , MGR என்றால் புஷ் குல்லாய் , முன்னாள் ஜனாதிபதி இராதாகிருஷ்ணன் என்றால் தலைப்பாகை நினைவுக்கு வருவதைப்போல , மோடி என்றால் நம் நினைவுக்கு எதுவும் வருவதில்லை . உடை அணிவதில் , தலைவர்கள் தனக்கென ஒரு Trade Mark ஐ வைத்துக்கொள்ள வேண்டும் .