பிரதமர் -முதல்வர் சந்திப்பு -மதிய உணவு

பிரதமர் -முதல்வர் சந்திப்பு -மதிய உணவு

சென்னை: தேசிய கைத்தறி தின துவக்க விழாவில் பங்கேற்க சென்னை வந்த பிரதமர் மோடியை தமிழக முதல்வர் ஜெ., விமானநிலையம் சென்று பூச்செண்டு கொடுத்து வரவேற்றார்.சென்னை பல்கலை., யில் நடக்கும் கைத்தறி நெசவாளர் விழாவில் பங்கேற்பதற்காக பிரதமர் மோடி இன்று (ஆகஸ்ட் 7) காலை 10. 40 மணியளவில் சென்னை வந்தார். அவரை தமிழக முதல்வர் ஜெ., நேரில் வரவேற்றார். இதனை முன்னிட்டு அவர் காலை 9.50 மணியளவில் சென்னை விமான நிலையம் புறப்பட்டு சென்றார். தமிழக கவர்னர் ரோசையாவும் விமான நிலையத்திற்கு வந்தார். ஜெ., மற்றும் அமைச்சர்கள் பூச்செண்டு கொடுத்து வரவேற்றனர்.





இன்று ( ஆக. 7 ம் தேதி ) மதியம் 1. 30 மணியளவில் பிரதமர் மோடி முதல்வர் ஜெ.,வின் போயஸ் தோட்டத்து இல்லத்திற்கு வந்தார். இவரை வாசலில் நின்று ஜெ., வரவேற்றார். ஜெ.,க்கும், மோடிக்கும் இடையே பிரதமர், முதல்வராக நடந்த முதல் சந்திப்பு இதுவாகும். சென்னை தேசிய கைத்தறி நெசவு தின விழாவில் பங்கேற்று பின்னர் அவர் போயஸ்கார்டன் சென்றார். அங்கு மாநில வளர்ச்சி மற்றும் அரசியல் ரீதியிலான பேச்சுக்கள் நடந்தது.


ஜெ.,வை சந்தித்ததும் கையில் தயராக வைத்திருந்த பல்வேறு கோரிக்கைகள் கொண்ட மனுவை மோடியிடம் வழங்கினார். இந்த மனுவில் முல்லை பெரியாறு பாதுகாப்பு, காவேரி ஒழுங்குமுறை ஆணையம் அமைக்க வலியுறுத்தல், காவிரி விவகாரத்தில் சுப்ரீம் கோர்ட் தீர்ப்பை அமல்படுத்துவது ,நெய்யாறு அணையில் தண்ணீர் திறப்பது, மேகதாது அணை விவகாரம் , தமிழகத்திற்கு தேவையான நிதி உதவி உள்ளிட்ட அம்சங்கள், இலங்கை தமிழர் விவகாரம், நதிகளை தேசியமயமாக்குதல் ஆகிய கோரிக்கைகள் இந்த மனுவில் இடம் பெற்றதாக தெரிகிறது.


மதிய விருந்து: பிரதமர் மோடிக்கு ஜெ., வீட்டில் மதிய உணவு விருந்து அளித்தார்.


ரமணியன்