மதுவிலக்கு நிபந்தனை: கருணாநிதி 'ட்வீட்'டுக்கு ராமதாஸ் பதில்

**ayyasamy ram** · **ayyasamy ram** Fri 7 Aug 2015 - 18:27

மதுவிலக்கு விவகாரம் தொடர்பாக, தன்னை டேக் செய்து திமுக தலைவர் கருணாநிதி பதிந்த கேள்விக்கு, பாமக நிறுவனர் ராமதாஸ் பதிலளித்துள்ளார்.

"ஒவ்வொரு தேர்தலிலும் திமுகவுடனோ, அதிமுகவுடனோ கூட்டணி அமைத்துக் கொண்டு போட்டியிட்ட போது மதுவிலக்கை ஒரு நிபந்தனையாக எந்தக் கட்டத்திலாவது பாமக வைத்தது உண்டா?" என்று திமுக தலைவர் கருணாநிதி, பாமக நிறுவனர் ராமதாஸிடம் ட்விட்டரில் கேள்வி எழுப்பினார்.

இதற்கு பதிலளித்துள்ள பாமக நிறுவனர் ராமதாஸ், ''திமுகவின் கடைநிலை பேச்சாளர் பொதுக்கூட்டத்தில் இக்கேள்வியை கேட்டிருந்தால் அதன் அர்த்தத்தை புரிந்து கொள்ள முடியும்.

ஆனால், ‘‘தேர்தல் கூட்டணி என்பது கொள்கைக் கூட்டணி அல்ல... அது தொகுதிப் பங்கீடு தான்’’ என்று தொடர்ந்து கூறிவரும் கருணாநிதி இப்படி ஒரு கேள்வியை எழுப்பியிருப்பது இந்த விஷயத்தில் அவர் குழம்பிப் போயிருப்பதை காட்டுகிறது.

மத்தியில் கூட்டணி ஆட்சி அமைக்கப்படும் போதெல்லாம் குறைந்தபட்ச பொது செயல் திட்டம் தயாரிக்கப்பட்டு, அதன் அடிப்படையில் தான் ஆட்சி நடைபெறும். அதேபோன்ற ஏற்பாட்டை தமிழகத்தில் திமுகவோ, அதிமுகவோ செய்திருந்தால் நிச்சயமாக அதில் மதுவிலக்கை சேர்க்க வேண்டும் என்று பாமக வலியுறுத்தியிருந்திருக்கும். ஆனால், அத்தகையதொரு ஏற்பாட்டுக்கு திமுகவோ, அதிமுகவோ இதுவரை முன்வந்தது உண்டா? என்பதை கருணாநிதிதான் விளக்க வேண்டும்'' என்று ராமதாஸ் பதில் கொடுத்துள்ளார்.
-
தமிழ் தி இந்து காம்

**T.N.Balasubramanian** · **T.N.Balasubramanian** Fri 7 Aug 2015 - 18:43

'திமுகவின் கடைநிலை பேச்சாளர் பொதுக்கூட்டத்தில் இக்கேள்வியை கேட்டிருந்தால் அதன் அர்த்தத்தை புரிந்து கொள்ள முடியும்.

அய்யா வச்சாறையா ஆப்பு !

இருந்தாலும் தேர்தல் கூட்டணி வைத்துக்கொண்டாலும் ஆச்சரிய படுவதற்கு இல்லை .

ரமணியன்

**தமிழ்நேசன்1981** · 21/11/2010

T.N.Balasubramanian wrote:
'திமுகவின் கடைநிலை பேச்சாளர் பொதுக்கூட்டத்தில் இக்கேள்வியை கேட்டிருந்தால் அதன் அர்த்தத்தை புரிந்து கொள்ள முடியும்.

அய்யா வச்சாறையா ஆப்பு !

இருந்தாலும் தேர்தல் கூட்டணி வைத்துக்கொண்டாலும் ஆச்சரிய படுவதற்கு இல்லை .

ரமணியன்

மேற்கோள் செய்த பதிவு: 1156188

இவங்க எப்பவுமே இப்பிடித்தான். ஒருவர் மீது ஒருவர் காகித அம்புகளை எறிந்துகொள்வார்கள்.
கூட்டணி என்பதே ஏமாற்றுவேலை. இதில் கொள்கை கூட்டணி, தேர்தல் கூட்டணி, இனி மதுவிலக்கு கூட்டணி என்ற போர்வையில் ஒரு ஏமாற்றுக்கூட்டணி அமையப்போகிறது...

Sponsored content · Sponsored content

மதுவிலக்கு நிபந்தனை: கருணாநிதி 'ட்வீட்'டுக்கு ராமதாஸ் பதில்

மதுவிலக்கு நிபந்தனை: கருணாநிதி 'ட்வீட்'டுக்கு ராமதாஸ் பதில்

Re: மதுவிலக்கு நிபந்தனை: கருணாநிதி 'ட்வீட்'டுக்கு ராமதாஸ் பதில்

Re: மதுவிலக்கு நிபந்தனை: கருணாநிதி 'ட்வீட்'டுக்கு ராமதாஸ் பதில்

Re: மதுவிலக்கு நிபந்தனை: கருணாநிதி 'ட்வீட்'டுக்கு ராமதாஸ் பதில்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக