அகதிகளும் மனிதர்கள்தான்

**சிவா** · **சிவா** Wed Aug 05, 2015 11:14 pm

சமீபகாலமாக யுத்தம் என்பது இரண்டு நாட்டுப் படைகளுக்கு இடையேயானது தானே தவிர, அந்த நாடுகளின் மக்களுக்கு இடையே அல்ல. முறையற்ற யுத்த நடைமுறைகள் சாதாரண மக்களையும் பாதிக்கிறது.

போர்க்கருவிகளைக் கொண்டு படைகளோடு மோதுவதை விட்டு கிளஸ்டர் குண்டுகள், வெள்ளை பாஸ்பரஸ் போன்றவற்றை தூவி பல ஆயிரக்கணக்கான மக்களை துடிக்க துடிக்க சாகடித்து இருக்கிறது இலங்கை. ஐ.நா.வின் போர் விதிகளை மீறி சாதாரண மக்களை குறிவைத்து 'கெமிக்கல்' மற்றும் 'பயோகெமிக்கல்' ஆயுதங்களை அந்த நாடு பயன்படுத்தியது.

போர்த் தாக்குதலில் உயிர் போவதோ, ஊனமாவதோ கூட பெரிய விஷயம் இல்லை. அது ஒரு நொடியில் ஏற்பட்டுவிடும். ஆனால், தலைமுறை தலைமுறையாக வாழ்ந்து வந்த வேர்களை வெட்டிவிட்டு, மண் மறந்து அகதியாகி புலம் பெயர்வது எத்தனை கொடுமையானது?

2007-ம் ஆண்டில் உலகம் முழுக்க நடைபெற்ற உள்நாட்டு போர் தாக்குதலால் 1.14 கோடி பேர் உலகமெங்கும் அகதிகளாக அவதிப்பட்டுக் கொண்டிருக்கின்றனர். 2008-ல் இந்த எண்ணிக்கை 2.4 கோடியாக உயர்ந்தது.

தாக்குதலில் இருந்து தப்பித்து உயிர்பிழைத்து ஓடி வரும் அகதிகள் வாழ்க்கை எப்படி இருக்கிறது? பல சமயங்களில் அகதியாக வருபவர்கள், தஞ்சம் புகுந்த நாட்டில் எதிரியாகவே பார்க்கப்படுகின்றனர். அவர்களை சட்ட விரோத செயல் களுக்கு பயன்படுத்திக் கொள்வது தொடர்ந்து நடக்கிறது.

சில நாடுகள் அகதிகளை 'மற்றவர்கள்' என்ற பிரிவில் வைத்து கொடுமைப்படுத்துகிறார்கள். இன்னும் சில நாடுகள் இவர்களை அகதிகளாகக்கூட பார்க்க தயாராய் இல்லை. எல்லை கடந்து வந்தவர்களாகத்தான் பார்க்கிறது. இப்படியாக போர் முடிந்த பின்னும் அவர்கள் மீதான தாக்குதல்கள் குறைவதே இல்லை.

ஐ.நா.வின் அகதிகளுக்கான உயர் கமிஷனர், 'அகதிகளாக வருபவர்களிடம், நம் நாட்டு எல்லைக்கு உட்பட்ட சட்டதிட்டங்களோடு நடந்து கொள்ள வேண்டுமா? அல்லது உண்மையான மனித நேயத்துடன் அவர்களை அரவணைத்துக் கொள்ள வேண்டுமா' என்பது தான் அவரது கேள்வி.

இந்த கேள்வி எழும்போது ஒரு நாட்டின் பதில் எதுவாக இருக்கிறதோ, அதைப் பொருத்துதான் அமைகிறது அந்த நாட்டின் மானுடம். அகதிகளும் பாவப்பட்ட மனிதர்கள்தான்.

தினத்தந்தி

shobana sahas · shobana sahas Thu Aug 06, 2015 12:56 am

//இந்த கேள்வி எழும்போது ஒரு நாட்டின் பதில் எதுவாக இருக்கிறதோ, அதைப் பொருத்துதான் அமைகிறது அந்த நாட்டின் மானுடம். அகதிகளும் பாவப்பட்ட மனிதர்கள்தான்.
//
கண்டிப்பாக ...அவர்களும் (பாவப்பட்ட ) மனிதர்கள் தான் ....
சொந்த நாடு சுவர்க்கம் ... நமக்கு உரிமை உள்ள நாடு ...

//2007-ம் ஆண்டில் உலகம் முழுக்க நடைபெற்ற உள்நாட்டு போர் தாக்குதலால் 1.14 கோடி பேர் உலகமெங்கும் அகதிகளாக அவதிப்பட்டுக் கொண்டிருக்கின்றனர். 2008-ல் இந்த எண்ணிக்கை 2.4 கோடியாக உயர்ந்தது.//
அதிர்ச்சி

எண்ணிக்கை இரட்டிப்பு

அகதிகளும் மனிதர்கள்தான்

அகதிகளும் மனிதர்கள்தான்

Re: அகதிகளும் மனிதர்கள்தான்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக