கலாமின் சொத்துகள்--உயில்

by **T.N.Balasubramanian** Mon Aug 03, 2015 8:20 pm

கலாமின் சொத்துகள்--உயில்

கலாமின் சொத்துகள்--உயில் 4AixGk0YQnKAqKtL2lj9+ponraj_2496518h

மறைந்த முன்னாள் குடியரசுத் தலைவர் அப்துல் கலாமின் சொத்துகள், அவரது கடைசி காலத்தில் அவரது வங்கி இருப்பு, கலாம் உயில் எழுதி வைத்திருந்தாரா? போன்ற கேள்விகள் எழுந்துள்ளன.

இது குறித்து கலாமின் உதவியாளர் பொன்ராஜ் `தி இந்து’விடம் கூறியதாவது:

கலாம் தன் சம்பாத்தியத்தில் வாங்கிய பெங்களூரு வீடு அவரது காலத்திலேயே விற்கப்பட்டுவிட்டது. தற்போது ராமேசுவரத்தில் உள்ள பூர்வீக வீடு கலாமுக்காக அவரது தந்தை ஜெயினுலாபுதீன் விட்டுச் சென்றது. அந்த வீட்டை அவரது உடன் பிறந்த சகோதரர் முத்து மீரா லெப்பை மரைக்காயர் பொறுப்பில் கலாம் கொடுத்து விட்டார்.

கலாம் உயில் எழுதி வைத்தி ருந்தாரா? அவரது கடைசி காலத்தில் வங்கி இருப்பு எவ்வளவு என்பது குறித்து எனக்கு துல்லியமாகத் தெரியாது. கலாமுக்கு பென்ஷன் பணம் வந்து கொண்டிருந்தது. அப்துல் கலாம் எழுதிய புத்தகங்களுக்கு ராயல்டி வந்து கொண்டிருக்கிறது.

கலாமுக்கு பரிசாக அளிக்கப்பட்ட ஆயிரக்கணக்கான புத்தகங்கள்தான் அவருடைய ஒரே சொத்து. இந்த புத்தகங்கள் அனைத்தும் டெல்லி ராஜாஜி மார்க் இல்லத்தில் உள்ளன. கலாம் டெல்லியில் தங்கியிருந்த ராஜாஜி மார்க் இல்லத்தை ஐ.ஏ.எஸ்., ஐ.பி.எஸ். பணிகளுக்குத் தயாராகும் மாணவர்களுக்கு உதவும் கல்வி மையமாக்க வேண்டும் என்பதே கலாமின் உறவினர்கள், நண்பர்களின் விருப்பமாக உள்ளது.

ஏனென்றால் டெல்லியில் ஐ.ஏ.எஸ்., ஐ.பி.எஸ். தேர்வுக்குத் தயாராகும் மாணவர்களுக்கு ஏற்ற இடம் கிடையாது. இதற்கு கலாமின் டெல்லி இல்லம் பொறுத்தமானதாக இருக்கும் என்றார் பொன்ராஜ்.

நன்றி : தி ஹிந்து

ரமணியன்

by **ayyasamy ram** Mon Aug 03, 2015 8:25 pm

வருமான வரி ஆண்டு ரிட்டர்ன்
படிவத்தில் ஓரளவு சொத்து விபரம்
அறியக்கூடும்...

by **T.N.Balasubramanian** Mon Aug 03, 2015 8:27 pm

ayyasamy ram wrote:வருமான வரி ஆண்டு ரிட்டர்ன்
படிவத்தில் ஓரளவு சொத்து விபரம்
அறியக்கூடும்...

மேற்கோள் செய்த பதிவு: 1155080

உண்மைதான் ,ram .
உண்மைதான் அதில் இருக்கும் .
ரமணியன்

by **T.N.Balasubramanian** Mon Aug 03, 2015 8:30 pm

நம் தமிழக அரசியல் தலைவர்கள் ,
சிலர் , ஜனாதிபதியாக இருந்திருந்தால் ,
VV Giri , பிரதிபா பாட்டில் அவர்களை எல்லாம்
பரவாயில்லையே , என்று சொல்ல வைத்து இருப்பார்கள்

ரமணியன்

by shobana sahas Tue Aug 04, 2015 1:14 am

அவரே இல்லை இப்போ .... சொத்து தான் முக்கியமா ? மனிதன் மாறவே மாட்டானா ? சோகம்

by **சிவா** Tue Aug 04, 2015 2:05 am

shobana sahas wrote:அவரே இல்லை இப்போ .... சொத்து தான் முக்கியமா ? மனிதன் மாறவே மாட்டானா ?

மேற்கோள் செய்த பதிவு: 1155135

தலைப்பைப் படித்து பதில் எழுதுவதை விட, செய்தியைப் படித்து பதில் எழுதுவது நல்லது!

by shobana sahas Tue Aug 04, 2015 3:05 am

சிவா wrote:
shobana sahas wrote:அவரே இல்லை இப்போ .... சொத்து தான் முக்கியமா ? மனிதன் மாறவே மாட்டானா ?
மேற்கோள் செய்த பதிவு: 1155135

தலைப்பைப் படித்து பதில் எழுதுவதை விட, செய்தியைப் படித்து பதில் எழுதுவது நல்லது!

மேற்கோள் செய்த பதிவு: 1155162

மன்னிக்கவும் சிவாண்ணா ... படித்து பார்த்து தான் அப்படி சொன்னேன் ... ஒருவர் இறந்த ஒரு வாரத்துக்குள் (புத்தகங்கள் ஆகவே இருந்தாலும் கூட ) அவரிடம் என்ன இருந்தது ... என்று பார்ப்பது ... உடனே கணக்கு தீர்ப்பது .. செட்டில் பண்ணுவது .. அது எனக்கு சரியாக படலை .. அதனால் அப்படி எழுதி இருந்தேன் ...
எத்தனையோ மக்கள் இன்னும் அவர் இறந்து போன அதிர்ச்சியில் இருந்து மீள முடியாமல் , துக்கத்தில் இருக்கலாம் .. அதற்குள் இது தேவையா ..? ஒரு நேரம் காலம் வேண்டாமா ?
எனக்கும் அவர் மேல் மிகுந்த மரியாதை உண்டு .

ஒரு மனிதனுக்கும் , ஒரு மகா ஆத்மாவிற்கும் வித்யாசம் வேண்டாமா ?
யார் இறந்தாலும் அவர் சொத்து(அவரிடம் இருந்தவை ) தான் நமக்கு குறியா ?
அதை மெல்ல காலம் பொறுத்து செய்தால் ... ஒரு மாதம் கழித்து செய்தால் பெரிய இழப்பா ?
இதுவரை இல்லாத இழப்பு வந்துவிடுமா ?
அவர்களின் உறவினர் மனது மாறிவிடும் என்கிற பயம்மா ?
அவர்கள் அப்படி செய்வார்கள்(மனம் மாறுவார்கள் ) என்று எனக்கு தோன்றவில்லை .

மேலும், ஒரு தனி மனிதனின் சொத்து விபரம் .... அவரின், அவர் குடும்பத்தின் பிரைவேட் மேட்டர் இல்லையா . ? நம் அனைவருக்கும் தெரிய வேண்டிய ஒன்றா ? நம்மிடம் உள்ள சொத்து விபரத்தை உறவினர்களுக்கு கூட சொல்ல மாட்டோமே . அவர் சொத்தை பற்றி நாம் அறியலாமா ?

இதுவே என் கருத்தாகும் ... யார் மனதையும் புண் படுத்தும் நோக்கம் எனக்கு இல்லை .

கொஞ்ச நாள் பொறுத்து , செய்தால் நன்றாய் இருந்திருக்கும் என்று சொல்கிறேன் . இதுவே நம் குடும்பத்தில், சுற்றத்தில் நடந்தால் நாம் கேவலமாக நினைக்க மாட்டோமா ?

உங்களுக்கு வேறு விதமாக தோன்றியதற்கு காரணம் நானே .. சரியாக என் கருத்தை பதிவு செய்திருக்க வேண்டும் என்று கருதுகிறேன் .. மன்னிக்கவும் சிவாண்ணா .

by **T.N.Balasubramanian** Tue Aug 04, 2015 10:15 am

சமீப காலத்தில் வாழ்ந்த ஒரு அரிய மனிதர் அவர் .
ஏழ்மையில் பிறந்து , ஏழ்மையில் வளர்ந்து , எளிமையாக வாழ்ந்தவர் அவர் .
கற்று உணர்ந்தவர் . அறிவாளி . வாழ்க்கையை சமூகத்திற்கு அர்பணித்தவர் .கல்யாணம் செய்து கொள்ளாதவர்
எல்லா சமூகத்தாலும் ,தனக்கென ஒரு மரியாதையை , கேட்காமலேயே பெற்றவர்.
இன்னும் பக்கம் பக்கமாக எழுதலாம் .
ஒரே வார்த்தையில் சொல்லவேண்டும் என்றால் , அவர் இறுதி யாத்திரை அன்று ,
நம் இந்திய மக்கள் ,நடந்து கொண்ட விதமே அவர் பெருமை பாட வைக்கும் .
உயில் விஷயம் சொல்ல வேண்டுமென்றால் ,
எல்லோராலும் மதிக்கப்பட்ட தேசத்தின் மூத்த குடிமகன் ,தன் உயிலில் என்ன எழுதி இருந்தார் என்று அறிவதில் இருக்கும் ஆர்வம் , அவர் எவ்வளவு ஆக்கபூர்வமாகவும் அறிவுபூர்வமாகவும்
தன் அசையா சொத்துகளை , பகிர்ந்தார் என்பதை அறியவே ஆகுமே தவிர , அவருடைய பொருளாதார சொத்துகள் சம்பந்தமாக இருக்காது .

பகிர்ந்து /பின்னூட்டமிட்டவர்களுக்கு நன்றி .

ரமணியன்

by Sponsored content

கலாமின் சொத்துகள்--உயில்

கலாமின் சொத்துகள்--உயில்

Re: கலாமின் சொத்துகள்--உயில்

Re: கலாமின் சொத்துகள்--உயில்

Re: கலாமின் சொத்துகள்--உயில்

Re: கலாமின் சொத்துகள்--உயில்

Re: கலாமின் சொத்துகள்--உயில்

Re: கலாமின் சொத்துகள்--உயில்

Re: கலாமின் சொத்துகள்--உயில்

Re: கலாமின் சொத்துகள்--உயில்