குடிபோதையில் பட்டதாரி பெண் ரகளை: பொது மக்கள் அதிர்ச்சி

by **ayyasamy ram** Mon Aug 03, 2015 9:01 am

தஞ்சாவூர்:
தஞ்சையில் நேற்று, குடிபோதையில் இளம்பெண் ஒருவர்,
சாலையில் ரகளையில் ஈடுபட்டதால், பொதுமக்கள்
அதிர்ச்சியடைந்தனர்.
-
தமிழகத்தில் உள்ள டாஸ்மாக் கடைகளில், 18 வயது
குறைவானவர்களுக்கு மது விற்பனை செய்யக் கூடாது என்ற
விதிமுறை உள்ள போதிலும், பள்ளி, கல்லுாரி மாணவ,
மாணவியர் குடிப் பழக்கத்துக்கு அடிமையாகி வருகின்றனர்.
-
'டார்லிங்...':
-
சமீபத்தில், திருவண்ணாமலை மாவட்டத்தில்,
4 வயது சிறுவனுக்கு, அவனது உறவினரே மது ஊற்றிக்
கொடுத்த சம்பவம் நடந்தது. அதேபோல், கோவை பள்ளி மாணவி
ஒருவர், காதல் தோல்வியால், மது போதையில் ரகளையில்
ஈடுபட்ட சம்பவமும் அரங்கேறியது.

இந்நிலையில், நேற்று காலை, 11:00 மணிக்கு, தஞ்சை,
விளார் பை-பாஸ் சாலையில் உள்ள முள்ளிவாய்க்கால் முற்றம்
அருகே, 25 வயதுள்ள இளம்பெண் ஒருவர் நின்று கொண்டிருந்தார்.
அவர், திடீரென அப்பகுதியில் சென்ற ஆண்களை, 'டார்லிங்' என்று
அழைத்து ஆபாசமாக பேசத் துவங்கினார்.
-
அதைப் பார்த்து, அங்கிருந்த பொதுமக்கள் அதிர்ச்சிஅடைந்தனர்.
அங்கிருந்த சிலர், அந்த பெண்ணிடம் விசாரித்தபோது,
அவர்களுக்கு எவ்வித பதிலும் சொல்லாமல், தொடர்ந்து ஆபாசமாக
பேசியபடியே தள்ளாடினார்.
-
அருகில் இருந்தவர்கள் உடனே, அந்த பெண்ணை, அருகில் இருந்த
டீ கடைக்கு அழைத்துச் சென்று அமர வைத்தனர்.
-
ஆனால், அந்த பெண் உட்காராமல், எழுந்து சாலையில் ஓடத்
துவங்கினார். அந்த வழியாக வந்த வாகனங்களை மறித்து, ரகளையில்
ஈடுபட்டார். இதனால், தஞ்சை தாலுகா போலீசாருக்கு தகவல்
கொடுக்கப்பட்டது.
-
ஆடலும் - பாடலும்:
-
அங்கு வந்த தாலுகா போலீசார் மற்றும் வல்லம் மகளிர் போலீசார்,
அந்த பெண்ணிடம் விசாரணை நடத்தினர்.அந்த பெண், தஞ்சை
அருகே உள்ள ஆழிவாய்க்கால் பகுதியைச் சேர்ந்த வெங்கடாசலம்
மகள் துர்காதேவி, 25, என்பதும், பி.ஏ., பொருளியல் படித்துள்ள அவர்,
ஆடல் -- பாடல் நடன நிகழ்ச்சி நடத்தும் குழுவில் இருந்து வருவதும்
தெரிய வந்தது.நேற்று முன்தினம் இரவு, பேராவூரணியில் நடந்த
ஆடல் -- பாடல் நடன நிகழ்ச்சியில் பங்கேற்று, நேற்று காலை,
தஞ்சை வந்துள்ளார். நிகழ்ச்சி முடிந்தவுடன் மது அருந்திய அவர்,
குழுவினரின் வாகனத்தில் வந்து, தஞ்சை விளார் சாலையில்
இறங்கியதும் விசாரணையில் தெரிய வந்தது.
-
மேலும், வல்லம் மகளிர் போலீசார், அந்த பெண்ணை ஸ்டேஷனில்
வைத்து விசாரித்து வருகின்றனர்.
-
----------------------------தினமலர்

by **ராஜா** Mon Aug 03, 2015 11:18 am

இந்த ஆடலும்-பாடலும் நிகழ்ச்சி என்பது இப்பல்லாம் அருவெருக்ககூடிய அளவிற்கு ஆகிவிட்டது,
இதில் ஆடுபவர் என்றால் அப்ப இப்படி தான் இருப்பார்

youtube உள்ள சில காணொளிகளை பார்க்கும் போது ச்சே ச்சே நம்ம ஊரா இது என்று ஆகிவிட்டது , பெரும்பாலும் கிராமத்தில் கோவில் திருவிழா போன்ற சமயங்களில் இது போன்ற நடன நிகழ்சிகளை நடத்துகிறார்கள்.

by **krishnaamma** Mon Aug 03, 2015 11:22 am

//நேற்று காலை, 11:00 மணிக்கு, தஞ்சை,
விளார் பை-பாஸ் சாலையில் உள்ள முள்ளிவாய்க்கால் முற்றம்
அருகே, 25 வயதுள்ள இளம்பெண் ஒருவர் நின்று கொண்டிருந்தார்.
அவர், திடீரென அப்பகுதியில் சென்ற ஆண்களை, 'டார்லிங்' என்று
அழைத்து ஆபாசமாக பேசத் துவங்கினார். //

இப்படி திரிகிறார்கள், இவர்களை யாராவது கடத்தினால் கூட யாருக்கும் தெரியாது............ அப்புறம் 'அது போச்சு இது போச்சு' என்று கம்பளைன்ட் தரவேண்டியது தான் ............. சோகம்

by shobana sahas Tue Aug 04, 2015 1:46 am

அடிப்பாவி ... அதிர்ச்சி

by **M.Jagadeesan** Tue Aug 04, 2015 10:26 am

மாதுகள் எல்லாம் குடிக்க ஆரம்பித்து விட்டனர் . இன்னும் கொஞ்ச நாட்களில் சாதுக்களும் குடிக்க ஆரம்பித்து விடுவர் . எனவே மதுவிலக்கை, இனியும் தாமதிக்காது உடனே அமல்படுத்தவேண்டும் .

by **krishnaamma** Tue Aug 04, 2015 10:44 am

M.Jagadeesan wrote:மாதுகள் எல்லாம் குடிக்க ஆரம்பித்து விட்டனர் . இன்னும் கொஞ்ச நாட்களில் சாதுக்களும் குடிக்க ஆரம்பித்து விடுவர் . எனவே மதுவிலக்கை, இனியும் தாமதிக்காது உடனே அமல்படுத்தவேண்டும் .

மேற்கோள் செய்த பதிவு: 1155281

சில சாதுக்கள் குடிக்க, குடித்தனம் நடத்த ஆரம்பித்து ரொம்ப நாள் ஆயிடுத்தே ஐயா சோகம்

...............

by **T.N.Balasubramanian** Tue Aug 04, 2015 6:23 pm

மாது மாது என்று டைப் பண்ண நினைத்தால் ,
மது மது என்றே வருகிறது .
"மாது" கால் தடுமாறினது "மது "வால் போலும் .
ரமணியன்

by சிவனாசான் Tue Aug 04, 2015 8:12 pm

என்னங்க எந்தசட்டத்தை யார் மதித்து நடக்க( மக்கள் , மாண்புகள் ,அதிகாரிகள்.... ) நினைக்கிறார்கள் . எல்லாம் வெறும் ஏட்டலவே ........எல்லோரும் தோணியில் அமர ஆசை பட்டால் ..தோணியை சுமக்க முன்வருபவர் ...யார்... !!மனிதனேபார்த்து தீயதை நீக்கி நடக்க வைக்க தற்காலத்திற்குஇரானுவத்தால்மட்டுமேசாத்தியம்......விடுவாரகளா....!!!!!