உயிர் (எழுத்து) கவிதை...

suryadelhi · suryadelhi Mon Aug 03, 2015 10:01 am

அணுகுண்டு சோதனை நடத்தி அக்கினி சிறகுகளாய் முளைத்தவரே !
ஆயிரமாயிரம் மக்களை கனவு காணச் சொன்னவரே !
இராமேஸ்வரம் பெற்றடுத்த கிடைத்தற்கரிய சிப்பியே !
ஈகை பெருந்தகையாய் பண்போடு இருந்தவரே !
உலக முழுவதிலும் தமிழனை தலை நிமிர வைத்தவரே !
ஊண் உறக்கம் இன்றி நாட்டின் முன்னேற்றத்தை சிந்தித்தவரே !
எளிமையை வலியுறுத்தி முன்னுதாரணமாய் நின்றவரே !
ஏற்றப் பாதையில் இந்தியாவை நடத்திச்சென்று வல்லரசாக்க நினைத்தவரே !
ஐயமின்றி சொல்வோம் நாங்கள்......தங்கள் கனவு நனவாகும் என்று !
ஒட்டு மொத்த உலகத்தையும் இன்று அழ வைத்துவிட்டு சென்றீரே !
ஓல ஒலி கேட்டு திரும்பி வரமாட்டீரா !
ஔவியம் இல்லா எங்கள் கலாமே !