சேலம் சேலம்

வரலாறு


சுதந்திர போராட்ட காலத்தின்போது, சேலம் வளர்ச்சியடைந்த கிராமமாக இருந்தது. 1801ல்
சேலத்தின் மக்கள் தொகை 10 ஆயிரம். சேலத்தின் சுகாதார பணிகளை கவனிக்க, ஆங்கிலேயர்களால் 1857ல் சுகாதார சபை என்ற 16 பேர் கொண்ட குழு அமைக்கப்பட்டு, அந்த அமைப்பின் மூலம் சுகாதார பணிகள் மட்டும் கவனிக்கப்பட்டன.


அதன்பின் 1886 நவ., முதல் தேதியன்று நகராட்சியாக, சேலம் அறிவிக்கப்பட்டது. சேலம் நகராட்சியின் முதல் கூட்டம், ஆங்கிலேயே கலெக்டர் அர்பத்நட் தலைமையில் நடந்தது. அவர்
உட்பட 12 பேர் கலந்து கொண்ட நகராட்சி கூட்டம், "கமிஷனர்கள் கூட்டம்' எனப்பட்டது.

நகராட்சியின் முதல் தலைவராக, கலெக்டர் அர்பத்நட் இருந்தார். அப்போது சேலம் நகராட்சி ஒன்பது வார்டுகளை மட்டுமே கொண்டிருந்தது. சுதந்திர போராட்ட தலைவர்களில் முக்கியமானவரான ராஜாஜி, 1917- 1919ல் சேலம் நகராட்சி தலைவராக இருந்தார்.

சேலம் நகராட்சி படிப்படியாக விரிவடைந்து, பெரிய நகராட்சியாக மாறியது. 1972 ஏப்., முதல்
தேதியன்று சேலம், சிறப்பு நிலை நகராட்சியாக உயர்த்தப்பட்டது. மொத்தம் 20.02 ச.கி.மீ., பரப்பளவு
கொண்டிருந்த சேலம் நகராட்சி 44 வார்டுகளாக பிரிக்கப்பட்டிருந்தது.

1991ம் ஆண்டு மக்கள் தொகை கணக்கெடுப்புபடி சேலம் நகராட்சியில் மூன்று லட்சத்து 66 ஆயிரத்து 712 பேர் வசித்தனர். சேலம் நகராட்சியின் கடைசி நகர மன்ற தலைவராகவும், மக்களால் முதன் முதலாக தேர்ந்தெடுக்கப்பட்ட நகராட்சி தலைவராகவும் இருந்தவர் தி.மு.க.,வை சேர்ந்த டாக்டர் சூடாமணி.

நகராட்சியாக இருந்த சேலம், 1994 ஜூன் முதல் தேதியன்று மாநகராட்சியாக தரம் உயர்த்தப்பட்டது. அதன்படி சேலம் மாநகராட்சியின் பரப்பளவு 91.34 ச.கி.மீ., மொத்த வார்டுகளின் எண்ணிக்கை 60 ஆக உயர்ந்தது.
சேலம் மாநகராட்சி சூரமங்கலம், அஸ்தம்பட்டி, அம்மாபேட்டை, கொண்டலாம்பட்டி என
மண்டலங்களாக பிரிக்கப்பட்டுள்ளது.

* சேலத்தில் இரண்டாயிரத்து 168 வீதிகள், நான்கு வாரச்சந்தைகள், 10 தினசரி மார்க்கெட்டுகள் உள்ளன. தாதாகாப்பட்டி, அம்மாபேட்டை, சூரமங்கலம் உழவர் சந்தைகள் உள்ளன.

சேலம் மாநகராட்சியில், "ஏ' கிரேடு அந்தஸ்துடன் வெளியூர் பஸ்களுக்கான புதிய பஸ் நிலையமும்,
"பி' கிரேடு அந்தஸ்துடன் டவுன் பஸ்களுக்கான பழைய பஸ் நிலையமும் உள்ளன.
சேலம் நகரில் பார்க்க வேண்டிய முக்கிய
இடங்கள்

ஏற்காடு கோடை வாழிடம், மேட்டூர் அணை, கஞ்சமலை அடிவாரத்தில் உள்ள சித்தர் கோயில்,
குரும்பப்பட்டி உயிரியியல் பூங்கா, சங்ககிரி கோட்டை, தாரமங்கலம் கைலாசநாதர் கோயில்,
பூலாம்பட்டி காவிரி பேரேஜ், பேளூர் தான்தோன்றி ஈஸ்வரர் கோயில், கந்தாஸ்ரமம், தலைவாசல் அருகே ஆறகளூர் புத்தர் கோயில்.


புகழ் புகழ்பெற்ற கோயில்கள்: சேலம் கோட்டை அழகிரிநாதர் கோயில், சுகவனேஸ்வரர் கோயில்,
கோட்டை மாரியம்மன் கோயில், தேர் வீதி ராஜகணபதி கோயில், பட்டை கோயில் எனப்படும் பிரசன்ன
வரதராஜ பெருமாள் கோயில், காசிவிஸ்வநாதர் கோயில், அம்மாபேட்டை சவுந்திரராஜ பெருமாள் கோயில், குகை காளியம்மன் மாரியம்மன் கோயில்கள், எல்லை பிடாரியம்மன் கோயில், குரங்குசாவடியை அடுத்த வெண்ணங்குடி முனியப்பன் கோயில், ஊத்துமலை முருகன் கோயில்,
உத்தமசோழபுரம் கரபுரநாதர் கோயில், அரியானூர் 108 சிவலிங்கம்- 108 நந்தி கோயில். குழந்தை ஏசு
பேராலயம், சி.எஸ்.ஐ. கிறிஸ்து நாதர் ஆலயம், கோட்டை ஜாமியா மசூதி
சூழ்ந்துள்ள மலைகள்:


சேர்வராயன் மலை, கல்வராயன், கஞ்சமலை, ஜருகுமலை, பச்சைமலை, அருநூத்துமலை, போதமலை ஆகிய மலைகள் உள்ளன.

ஏரிகள்: அம்மாபேட்டை குமரகிரி ஏரி, கன்னங்குறிச்சி மூக்கனேரி, பனமரத்துப்பட்டி ஏரி, சிவதாபுரம் ஏரி.