இராம ஜெயம்

நம் இந்தியக் குடும்பங்களில் குறிப்பாகத் தமிழ்நாட்டுக் குடும்பங்களில்  "இராம ஜெயம்" எழுதுவதை சிலர் அன்றாட வழக்கமாகக் கொண்டுள்ளனர். காலையில் கடவுளை வணங்கிய பின்னர் ஒரு நோட்டுப் புத்தகத்தில் 108 முறை தினமும் "இராம ஜெயம்" எழுதுவர். அலுவலகம் செல்பவர்கள் கூட சிலர், அந்த நோட்டுப் புத்தகத்தை உடன் எடுத்துச் செல்வர். உணவு இடைவேளை மற்றும் ஓய்வு நேரம் கிடைக்கும்போது எல்லாம், " இராம ஜெயம் " எழுதுவர். நினைத்த காரியம் வெற்றி பெறவேண்டும் என்பதற்காக ' இராம ஜெயம் " எழுதுவர்.

போரில் இராமன் வெற்றி பெற்றதை சீதையிடம் சொல்லவந்த அனுமன், " இராம ஜெயம் " என்று சொல்கிறான். வேற்றுமை உருபு சேர்க்காமல் எழுதுவது வடமொழி மரபாகும். ஆனால் தமிழ் மொழியில் அப்படி எழுதும் வழக்கம் கிடையாது. "இராம ஜெயம்" என்பதை தமிழில் எழுதினால் " இராமன் வெற்றி " என்று எழுதவேண்டும். இவ்வாறு வேற்றுமை உருபு சேர்க்காமல் எழுதினால் பொருளைப் புரிந்து கொள்வதில் குழப்பம் ஏற்படும். ஏனெனில் அதைக் கீழ்க்கண்டவாறு விரித்து எழுதலாம்.

இராமனை வெற்றி
இராமனால் வெற்றி
இராமனோடு வெற்றி
இராமனுக்கு வெற்றி
இராமனின் வெற்றி
இராமனுடைய வெற்றி
இராமன் கண் வெற்றி
இராமனே வெற்றி

இதில் எதை நாம் எடுத்துக் கொள்வது? இராமாயணக் கதை நமக்கு நன்கு தெரியுமாதலால் வெற்றி பெற்றது இராமன் என்பது நமக்குத் தெரியும். எனவே " இராமனுக்கு வெற்றி " என்பதே சரி என்று சொல்வோம். ஆனால் இராமாயணக் கதை தெரியாத ஒருவருக்கு இதில் எது சரி என்பது எப்படித் தெரியும்?

ஆங்கிலத்திலும் இக்குழப்பம் உண்டு.
Rama killed Ravanaa. இதன் பொருள் இராமன் இராவணனைக் கொன்றான் என்பதாகும். இதை அப்படியே தமிழ்ப் படுத்தினால் "இராமன் கொன்றான் இராவணன் " என்று வரும். இராமாயணக் கதை அறியாத ஒருவருக்கு யாரை யார் கொன்றார் என்பதில் குழப்பம் ஏற்படுவது இயற்கைதானே? இந்தக் குழப்பம் எப்படி வந்தது? உருபு சேர்க்காமல் எழுதியதால்தானே? இதையே செயப்பாட்டு வினையில் "Ravanaa was  kiilled by Rama" என்று " by " உருபு (Preposition) சேர்த்து எழுதும்போது இக்குழப்பம் ஏற்படுவதில்லை. தமிழ் மொழியில் உருபு சேர்த்து வாக்கியங்களை நாம் எழுதுவதால் எவ்விதக் குழப்பமும் ஏற்படுவதில்லை.

எனவே இனிமேல் புதிதாக " இராம ஜெயம் " எழுதுபவர்கள் " இராமனுக்கு ஜெயம் "என்று எழுதலாமே ! அல்லது அழகு தமிழில் "இராமனுக்கு வெற்றி " என்று எழுதலாமே !

பதிவுக்கு நன்றி , jagadeesan அவர்களே.

காஞ்சி மகா பெரியவா கூறியது நினைவுக்கு வருகிறது .

ஜெயம் என்பது பெயர்
ஜயம் என்பது வெற்றி .
ராம ஜபம் எழுதுபவர்கள் ,
"ராம ஜயம் "என்று எழுதினால் தான் , சரியானது என்றுள்ளார் .
அன்பர்கள் குறித்துக் கொள்ளலாம் .

ரமணியன்

-

" ராம ஜெயம் " என்று எழுதுவதே சரியானது என்று அய்யாசாமி ராம் குறிப்பிட்டுள்ளார் .

M.Jagadeesan wrote:" ராம ஜெயம் " என்று எழுதுவதே சரியானது என்று அய்யாசாமி ராம் குறிப்பிட்டுள்ளார் .

மேற்கோள் செய்த பதிவு: 1151621

அப்பிடியா ?  அவர் படம் போட்டு உள்ளார் . 1000 கணக்கில் வரும்google  படங்களில் அதுவும் உண்டு .
அதுதான் சரி என்று கூறி உள்ளாரா ?

நான் பார்த்த படம் இதோ :


ஸ்ரீராமஜயம் ஸ்தோத்திரம்- தமிழ்


அன்பர்கள் இடரை அகற்றிடவேண்டி அயோத்தியில் வந்தது ஸ்ரீ ராமஜயம்
அசுரரை அழித்து அறந்தழைத்தோங்க அமைதி அளித்தது ஸ்ரீ ராமஜயம்
ஆதவன் மரபில் அழகிய உருக்கொண்டு அவதரித்தது ஸ்ரீ ராமஜயம்
ஆரணம் கமழும் வேதமாமுனிவன் அருளைப் பெற்றது ஸ்ரீ ராமஜயம்
இருள் வடிவான அலகையைக்கொன்று மருள் ஒழித்தது ஸ்ரீ ராமஜயம்
இருடியின் மகத்தை இலக்குவனோடு இமைபோல் காத்தது ஸ்ரீ ராமஜயம்
ஈசனை ஒத்தகௌதமன் இல்லாள் இடரை ஒழித்தது ஸ்ரீ ராமஜயம்
ஈசனோடு இந்திரன் இமையவர் எவரும் ஏத்தநின்றது ஸ்ரீ ராமஜயம்
உண்மையின் வடிவாய் பீஜாக்ஷரத்தை ஓர்வாய் என்றது ஸ்ரீ ராமஜயம்
<உறுதியை கொடுத்து மறதியைகெடுத்து உலகத்தை காப்பது ஸ்ரீ ராமஜயம்
ஊனமில் உடலும் உயரிய பொருளும் உடனே தருவது ஸ்ரீ ராமஜயம்
ஊமைபோன்ற உயிர்களும் பேசும் உயர்வை அளிப்பது ஸ்ரீ ராமஜயம்
என்றும் நமக்கு இன்பம் அளித்து இங்கே இருப்பது ஸ்ரீ ராமஜயம்
எமக்கு இது சாது பிறர்க்கு இது தீது என்பது அற்றது ஸ்ரீ ராமஜயம்
ஏதுமற்று ஏங்கி நிற்போர் தமக்கு ஏற்றம் தருவது ஸ்ரீ ராமஜயம்
ஏனஉருகொண்ட வனியை ஏந்தி இருக்கையில் வைத்தது ஸ்ரீ ராமஜயம்
ஐம்பூதங்களை அடிமையாய்க் கொண்ட அனுமன் உரைத்தது ஸ்ரீ ராமஜயம்
ஐம்முகத்தவனும் பங்கயத்தவனும் அமரரும் உரைப்பது ஸ்ரீ ராமஜயம்
ஒருவழி நில்லாது அலையுறு மனத்தை ஒருவழிப்படுத்தும் ஸ்ரீ ராமஜயம்
ஒருவனும் யான் எனநினை என்று உண்மை உணர்த்தும் ஸ்ரீ ராமஜயம்
ஓங்காரப் பொருளே உண்மையின் வடிவாய் ஓர்வாம் என்பது ஸ்ரீ ராமஜயம்
ஓவியம்தனிலும் காவியம் தனிலும் ஊக்கமளிப்பது ஸ்ரீ ராமஜயம்
ஒளவையைப்போன்று அருணகிரிக்கும் அறத்தை உரைப்பது ஸ்ரீ ராமஜயம்
ஒளடதம் போன்று படிபோர் தமக்கு அனைத்தும் அளிப்பது ஸ்ரீ ராமஜயம்.

ஆதாரம் : தினமலர் கோயில்கள்

மேலும் இது சர்ச்சைக்குரிய விஷயம் அல்ல .

நான் கூறியது மஹா பெரியவா காஞ்சி மஹா முனி அவர்கள் கூறியது :
என்னைப் பொருத்தவரையில் அதுவே வேத வாக்கு, எனக்கு  .

நன்றி ,
ரமணியன்

இது சுற்றுப்புற சூழல்பகுதி இல் இருக்கு ஜெகதீசன் ஐயா,.............இதை திண்ணை பேச்சு பகுதிக்கு மாற்றுகிறேன்.........பதிவு போடும் முன் பகுதியை பார்த்து போடுங்கள்

அன்புடன்,
கிருஷ்ணாம்மா

நன்றி ! இனிமேல் அப்படியே செய்கிறேன் .

M.Jagadeesan wrote:நன்றி ! இனிமேல் அப்படியே செய்கிறேன் .

மேற்கோள் செய்த பதிவு: 1151663

krishnaamma wrote:இது சுற்றுப்புற சூழல்பகுதி இல் இருக்கு ஜெகதீசன் ஐயா,.............இதை திண்ணை பேச்சு பகுதிக்கு மாற்றுகிறேன்.........பதிவு போடும் முன் பகுதியை பார்த்து போடுங்கள்

அன்புடன்,
கிருஷ்ணாம்மா

மேற்கோள் செய்த பதிவு: 1151658

ஆன்மீகத்திற்கு மாற்றி இருக்கலாம் என்று நினைக்கிறேன் , கிருஷ்ணம்மா !
ரமணியன்

T.N.Balasubramanian wrote:

krishnaamma wrote:இது சுற்றுப்புற சூழல்பகுதி இல் இருக்கு ஜெகதீசன் ஐயா,.............இதை திண்ணை பேச்சு பகுதிக்கு மாற்றுகிறேன்.........பதிவு போடும் முன் பகுதியை பார்த்து போடுங்கள்

அன்புடன்,
கிருஷ்ணாம்மா

மேற்கோள் செய்த பதிவு: 1151658

ஆன்மீகத்திற்கு மாற்றி இருக்கலாம் என்று நினைக்கிறேன் , கிருஷ்ணம்மா !
ரமணியன்

மேற்கோள் செய்த பதிவு: 1151669

இது விவாதம் போல இருந்ததால் இங்கு போட்டேன் ஐயா......................மாறாக இதில் ஏதும் விஷயம் , விவரம் தெரிவிப்பது போல இருந்தால் 'இந்து' பகுதிக்கு மாற்றி இருப்பேன்