அழுகை – – கவிதை

**ayyasamy ram** · **ayyasamy ram** Sun Aug 02, 2015 3:54 am

-
குழந்தையின் முதல் அழுகை
பெற்றோருக்கு
பெருமிதத்தை தருகிறது!
–
அடுத்த அழுகை
அவன் பசியை
மற்றோருக்கு பறை சாற்றுகிறது!
–
அடுத்தடுத்த அழுகைகள்
ஏக்கங்களை எடுத்துரைக்கிறது!
–
சில அழுகைகள்
ஆனந்தத்தின் அடையாளமாகிறது!
–
பல அழுகைகள்
துக்கத்தின் துலாக்கோலாகிறது…
ஆற்றாமைகளுக்கும், அவலங்களுக்கும்
வடிகாலாகிறது!
–
அழுகையால்
துயரங்கள் துடைக்கப்படுகிறது
துன்பங்கள் குறைக்கப்படுகிறது!
–
அழுகை
உண்மையை உணர்த்தும்
சாட்சியாகிறது…
உள்ளுக்குள்ளே தீ வளர்த்து
உறுதி ஊட்டும் ஆயுதமாகிறது!
–
விசும்பல், கேவல்
கதறல், ஒப்பாரி
என வெளிப்படும்
அழுகை
மனிதனின் மூலமொழி!
உலகோரின் உயிர்மொழி!
–
அது
எல்லாம் அளிக்க வல்லது!
எதையும் அழிக்க வல்லது!
–
—————————-
— எஸ்.ஆர்.சாந்தி, மதுரை.
வாரமலர்

**krishnaamma** · **krishnaamma** Tue Aug 04, 2015 10:28 am

//விசும்பல், கேவல்
கதறல், ஒப்பாரி
என வெளிப்படும்
அழுகை
மனிதனின் மூலமொழி!
உலகோரின் உயிர்மொழி!//

சூப்பர்............அழுகை இல் கூட எத்தனை வகைகள் புன்னகை

................... அழுகை – – கவிதை 3838410834

அழுகை – – கவிதை

அழுகை – – கவிதை

Re: அழுகை – – கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக