விலகிச் செல்லும் நட்சத்திரங்கள்!

**krishnaamma** · **krishnaamma** Mon 3 Aug 2015 - 21:39

பால் வீதியில் உள்ள மூன்றில் ஒரு பகுதி நட்சத்திரங்கள் தங்களின் வழிப்பாதையை மாற்றிக் கொண்டிருக்கின்றன என்கிறார்கள் ஆய்வாளர்கள். இதன்படி புதிய பால்வீதியில் நட்சத்திரக் குடும்பங்கள் கொண்ட வரைபடத்தினை உருவாக்கியிருக்கிறாரகள்.

தற்கால வாழ்க்கையில் பிறந்த இடத்திலிருந்து பிழைப்பிற்காகவோ, வேறு சில காரணங்களுக்காகவோ வெகுதூரம் வெவ்வேறு இடங்களுக்கு செல்வது சகஜம். சிலர் தேவை நிமித்தம் தங்கள் வாழ்நாளில் பாதி உலகைக் கூடச் சுற்றி வந்து விடுகிறார்கள். அதேமாதிரித் தான் நட்சத்திரங்களும் என்கிறார் அமெரிக்காவின் நியூ மெக்ஸிகோ மாகாண பல்கலைக்கழகத்தில் பணியாற்றும் மைக்கேல் ஹைடன்.

நம்மைப் போலவே 30 சதவீத நட்சத்திரங்கள் பிறந்த இடத்திலிருந்து வெகுதூரம் பயணித்து சென்று விடுவதாய் தெரிவிக்கிறார். அது குறித்த புதுவகை மேப்பை உருவாக்க சோலன் டிஜிட்டல் ஸ்கை சர்வே என்கிற டெலஸ்கோப் , ஸ்பெக்ட்ரோக்ராப் போன்ற நவீன உபகரணங்களை பயன்படுத்தியிருக்கிறார். இந்த புதிய வரைபடத்தை உருவாக்க இவருக்கு நான்கு வருடம் பிடித்திருக்கிறது.

ஒவ்வொரு நட்சத்திரத்தின் ரசாயன கூறுகள் பற்றி ஸ்பெக்ட்ரம் ஆய்வின் மூலம் கண்டறிந்திருக்கிறார். ஹைடனும் அவரின் சகஆய்வாளர்களும் சேர்ந்து இந்த புதிய வரைபடத்தை உருவாக்கியிருக்கிறார்கள். அவர்கள் ஆய்வில் இப்படி விலகிச் செல்லும் நட்சத்திரங்களில் உள்ள சிலிகான், அயர்ன், கார்பன் போன்ற மூலகங்கள் எந்தெந்த அளவில் இருக்கிறது என்பதையும் கணக்கிட்டிருக்கிறார்கள்.

அவர்களின் கண்டுபிடிப்பில் உள்ள ஆச்சரியமான விஷயம் என்னவென்றால், அதில் உள்ள மூலகங்களின் அளவினை ஒத்த இடத்தை நோக்கி அவற்றின் பால்வீதி பயணம் இருந்திருக்கிறது என்பது தான்.

அவற்றின் பாதை மாறிய பயணத்தின் விளைவாய் அவை தற்சமயம் பயணித்துக் கொண்டிருக்கிற பகுதியில் இருக்கிற மூலகங்களின் அடர்த்தி நிலையும், அவற்றில் உள்ள மூலகங்களின் அடர்த்தி நிலையும் ஒத்திருக்கிறது என்பது தான்.

இந்த ஆய்வு குறித்த தகவல்கள் அஸ்ட்ரோபிஸிகல் அறிவியல் இதழில் விவரமாக வெளியிடப்பட்டிருக்கிறது.

நன்றி தினமணி

**ayyasamy ram** · **ayyasamy ram** Mon 3 Aug 2015 - 21:49

விலகிச் செல்லும் நட்சத்திரங்கள்! 103459460

விலகிச் செல்லும் நட்சத்திரங்கள்! 3838410834

-
“பால் மண்டலம், 1 லட்சம் ஒளியாண்டுகள் குறுக்களவு கொண்டது.
ஆனால் நம்மால் எந்த திசையிலும் ஆயிரத்தில் இருந்து இரண்டாயிரம்
ஒளியாண்டுகள் தொலைவுக்குத்தான் பார்க்க முடிகிறது” என்கிறார்,
மேற்கண்ட ஆய்வில் ஈடுபட்ட பிட்ஸ்பர்க் பல்கலைக்கழகத்தின்
ஜெப்ரி நியூமேன்.
-

**ராஜா** · **ராஜா** Mon 3 Aug 2015 - 21:55

ayyasamy ram wrote:
-
“பால் மண்டலம், 1 லட்சம் ஒளியாண்டுகள் குறுக்களவு கொண்டது.
ஆனால் நம்மால் எந்த திசையிலும் ஆயிரத்தில் இருந்து இரண்டாயிரம்
ஒளியாண்டுகள் தொலைவுக்குத்தான் பார்க்க முடிகிறது” என்கிறார்,
மேற்கண்ட ஆய்வில் ஈடுபட்ட பிட்ஸ்பர்க் பல்கலைக்கழகத்தின்
ஜெப்ரி நியூமேன்.
-

மேற்கோள் செய்த பதிவு: 1155073

இதை பற்றி அதிகமா சிந்திக்க ஆரம்பித்தோமானால் உலக வாழ்க்கையில் பற்றில்லாமல் துறவியாகிவிடுவோம். புன்னகை

**krishnaamma** · **krishnaamma** Tue 4 Aug 2015 - 2:33

நிஜம் ராஜா, அந்த பிரும்மாண்டத்தின் முன் நாம் தூசியை விட சின்னவர்கள் புன்னகை

shobana sahas · shobana sahas Tue 4 Aug 2015 - 2:41

ராஜா wrote:
ayyasamy ram wrote:
-
“பால் மண்டலம், 1 லட்சம் ஒளியாண்டுகள் குறுக்களவு கொண்டது.
ஆனால் நம்மால் எந்த திசையிலும் ஆயிரத்தில் இருந்து இரண்டாயிரம்
ஒளியாண்டுகள் தொலைவுக்குத்தான் பார்க்க முடிகிறது” என்கிறார்,
மேற்கண்ட ஆய்வில் ஈடுபட்ட பிட்ஸ்பர்க் பல்கலைக்கழகத்தின்
ஜெப்ரி நியூமேன்.
-
மேற்கோள் செய்த பதிவு: 1155073

இதை பற்றி அதிகமா சிந்திக்க ஆரம்பித்தோமானால் உலக வாழ்க்கையில் பற்றில்லாமல் துறவியாகிவிடுவோம்.