ஹெல்மெட்--மூன்று லட்சம் பேர், போலீசாரிடம் சிக்கியுள்ளனர்

'இருசக்கர வாகன ஓட்டிகள், 'ஹெல்மெட்' அணிவது கட்டாயம்' என்ற உத்தரவு அமலுக்கு வந்து, நேற்றுடன் ஒரு மாதம் நிறைவடைந்து உள்ளது. இந்த ஒரு மாதத்தில், ஹெல்மெட் அணியாமல் வாகனம் ஓட்டிய, மூன்று லட்சம் பேர், போலீசாரிடம் சிக்கியுள்ளனர்; அதிலும், சென்னையில் தான் அதிகமானோர் அசட்டையாக இருந்து மாட்டியுள்ளனர்.

'இருசக்கர வாகன ஓட்டிகள், கட்டாயம் ஹெல்மெட் அணிய வேண்டும்' என, ஜூன் ௧௫ம் தேதி, சென்னை உயர் நீதிமன்றம் உத்தரவிட்டது. தமிழக அரசும், இதற்கு ஏற்றார் போல் ஒரு உத்தரவு பிறப்பித்தது. அதில், 'இருசக்கர வாகனத்தின், பின்னால் அமர்ந்து செல்பவர்களும் ஹெல்மெட் அணிய வேண்டும்' என, தெரிவிக்கப்பட்டது. இதையடுத்து, 'ஹெல் மெட் கட்டாயம்' உத்தரவு, கடந்த மாதம், ௧ம் தேதி முதல் அமலுக்கு வந்தது. ஹெல்மெட் அணியாத வாகன ஓட்டுனர்களின், அசல் ஓட்டுனர் உரிமம், வாகன பதிவு சான்று உள்ளிட்ட ஆவணங்கள் பறிமுதல் செய்யப்படும்.அசல் ஆவணங்கள் இன்றி பிடிபடுவோரிடம் இருந்து, வாகனம் பறிமுதல் செய்யப்படும். ஐ.எஸ்.ஐ., தரச்சான்று பெற்ற ஹெல்மெட் மற்றும் அதற்கான ரசீதை நீதிமன்றத்தில் சமர்ப்பித்து, வாகனம் மற்றும் அசல் ஆவணங்களை பெற்றுக்

கொள்ளலாம் என, போலீசார் அறிவித்தனர்.அதற்கு, சில வழக்கறிஞர்கள் எதிர்ப்பு தெரிவித்து போராடினர். ஆனால், உயர் நீதிமன்ற தலைமை நீதிபதி கவுல் மற்றும், 'ஹெல்மெட் கட்டாயம்' என்ற உத்தரவு பிறப்பித்த நீதிபதி கிருபாகரன் ஆகியோர், வழக்கறிஞர் உள்ளிட்ட எவருக்கும் விதிவிலக்கு இல்லை என, உறுதியாக தெரிவித்தனர்.




இதையடுத்து, ஹெல் மெட் அணியாத இருசக்கர வாகன ஓட்டிகளை, போலீசார் பிடித்து வந்தனர். அசல் ஆவணம் மற்றும் வாகனங்களை பறிமுதல் செய்து, ஒப்புகை சீட்டும் அளித்தனர். அந்த வகையில், தமிழகம் முழுவதும், கடந்த மாதம், 12ம் தேதி வரை, 1.30 லட்சம் வழக்குகள் பதிவு செய்யப்பட்டன. சென்னை யில், நேற்று முன்தினம் வரை, 31 ஆயிரம் பேர் மீது

வழக்கு பாய்ந்தது. அதேநேரத்தில், ஹெல்மெட் கட்டாயம் உத்தரவு அமலுக்கு வந்து, நேற்றுடன் ஒரு மாதம் முடிந்து விட்டது. கடந்த ஒரு மாதத்தில், தமிழகம் முழுவதும், மூன்று லட்சம் வழக்குகள் பதிவு செய்யப்பட்டு இருப்பதாக, போலீசார் தெரிவித்தனர்.

ஆனால், மாவட்ட வாரியாக பதிவு செய்யப்பட்ட வழக்குகள் குறித்து, டி.ஜி.பி., அலுவலக உயர் போலீஸ் அதிகாரிகள் மற்றும் மாவட்ட எஸ்.பி.,க்கள் வெளிப்படையாகத் தெரிவிக்க மறுத்து விட்டனர். இருந்தாலும், ஹெல்மெட் தொடர்பான சோதனையை தொடர்ந்து தீவிரப்படுத்த, போலீசார் முடிவு செய்துள்ளனர்.


அலைக்கழிப்பு:

இதற்கிடையில், மாவட்ட மற்றும் நடமாடும் நீதிமன்றங்களில் தண்டத்தொகை செலுத்தி, வாகன ஓட்டிகள், அசல் ஆவணங்கள் மற்றும் வாகனங்களை பெற்றுக் கொள்ளலாம் என, அறிவிக்கப்பட்டுஇருந்தாலும், போலீசாரின் மெத்தன நடவடிக்கையால், வாகன ஓட்டிகள், பல நாட்களுக்கு அலைக்கழிக்கப்படுவதாக புகார் எழுந்துள்ளது.

- நன்றி  - தினமலர்

ரமணியன்

தலைக்கு 100 ரூபாய் fine பண்ணினாலும்
3 கோடி வந்து இருக்கனும்மே .

ரமணியன்