வரலாற்றில் இன்று - ஆகஸ்ட்

by **விமந்தனி** Fri Jul 31, 2015 12:03 am

First topic message reminder :

வரலாற்றில் இன்று - ஆகஸ்ட் - Page 5 Q48x6EJdS3CxmhnsrGeo+August0

வரலாற்றில் இன்று - ஆகஸ்ட் - Page 5 ReadingSmiley

by **krishnaamma** Thu Aug 06, 2015 10:37 pm

ayyasamy ram wrote: ஹிரோஷிமா அணுவெடிப்பு

நாள்: ஆகஸ்ட் 6, 1945

குண்டின் பெயர்: லிட்டில் பாய்

வெடிபொருள்: யுரேனியம்

பாதிக்கப்பட்ட பரப்பு:

10 சதுர கி.மீ. பரப்பில் இருந்த அனைத்து உயிர்களையும்
துடைத்து அழித்தது. மக்கள், புல், பூண்டு உட்பட அனைத்தும்
பஸ்பமாகின. நகரத்தின் 69 சதவீதக் கட்டிடங்கள் தரைமட்டமாகின.
-
பலியானவர்கள் எண்ணிக்கை:
-
1.45 லட்சம் பேர் (உடனடியாக 90,000 பேர்).

நாகசாகி அணுவெடிப்பு

நாள்: ஆகஸ்ட் 9, 1945

குண்டின் பெயர்:

ஃபேட் மேன்

வெடிபொருள்: புளூடோனியம்

பாதிக்கப்பட்ட பரப்பு:

ஒரு கிலோமீட்டர் சுற்றளவுக்குள் இருந்த அனைத்தும்.

பலியானவர்கள் எண்ணிக்கை:

75,000 பேர் (40,000 பேர் உடனடியாக).

இரண்டு அணுகுண்டு வீச்சுகளால் உடனடியாகவும் காலப்
போக்கிலும் பலியானவர்களின் மொத்த எண்ணிக்கை 3,50,000 பேர்
-

ம்.. ரொம்ப பெரிய அழிவு தான் சோகம்

by **krishnaamma** Thu Aug 06, 2015 10:39 pm

shobana sahas wrote:அக்கா உங்க பேரு விமன்தனி யா .. நான் விமந்தினி ன்னு நெனச்சேன் ... சாரி இவ்வளோ நாளா தப்ப போட்டுட்டேன் ...

கொஞ்சநாள் நான் தப்புத் தப்பாய் போட்டு அவங்களை படுத்தினேன் .........இப்போ நீங்களா? ஜாலி

by **விமந்தனி** Fri Aug 07, 2015 12:00 am

வரலாற்றில் இன்று - ஆகஸ்ட் - Page 5 TRAii9ncTfWTMRVZvpXT+August-7

1906 - கல்கத்தாவில் வங்காளப் பிரிவினை எதிர்ப்புப் போராட்டத்தின் போது முதல் இந்திய தேசியக் கொடி உருவாக்கப்பட்டு பார்சி பகான் சதுக்கத்தில் ஏற்றப்பட்டது.

முதல் மூவர்ணக் கொடி, 7 ஆகஸ்ட் 1906ஆம் நாளில், கல்கத்தாவின் பார்ஸி பகன் சதுரத்தில், வங்காளப் பிரிவினை எதிர்ப்பு போராட்டத்தின் போது, சிந்திர பிரசாத் போஸ் என்பவரால் கொடியேற்றப் பட்டது.

அக்கொடி பிற்காலத்தில், கல்கத்தாக் கொடி என வழங்கப் பட்டது. கொடியில், நீள் வடிவில், ஆரஞ்சு, மஞ்சள், பச்சை என மூன்று பாகங்கள் இருந்தது.

முதல் பாகத்தில், எட்டு, பாதி விரிந்த தாமரை பூக்களும், அடி பாகத்தில், சூரிய வடிவமும், சந்திர வடிவமும் அமைந்தன. நடு பாகத்தில், தேவனகிரி எழுத்துருவில், வந்தே மாதரம் என்ற வார்த்தைகள் உருக் கொண்டன.

இந்திய தேசியக் கொடி அல்லது மூவர்ண கொடி என்பது ஆங்கிலேயர்களிடம் இருந்து விடுதலை பெறுவதற்குச் சில நாட்களுக்கு முன்னர், 22 ஜூலை 1947 அன்று ஏற்கப்பட்ட இந்திய நாட்டின் கொடியாகும்.

26 ஜனவரி 1950 இல் இந்தியா குடியரசு நாடாக ஆகும் வரையிலும், அதன் பிறகும் இக்கொடி தேசியக் கொடியாக விளங்கி வருகிறது. இக்கொடி இந்தியப் போர்க் கொடியாகவும் விளங்கும்.

இந்திய தேசியக் கொடியை வடிவமைத்தவர் பிங்கலி வெங்கைய்யா. அரசியல் முறைப்படி, தேசியக்கொடியைக் கையால் நெய்த காதி துணியில் செய்ய வேண்டும். தேசியக் கொடியின் வெளிப்படுத்துதல், கையாள்தல் முறைகள், இந்திய கொடிச் சட்டத்தால் ஆளப் படுகிறது.

வரலாற்றில் இன்று - ஆகஸ்ட் - Page 5 WRUrErYXTLy7OufNc5w1+reading10

by **krishnaamma** Fri Aug 07, 2015 12:28 am

விவரத்துக்கு நன்றி விமந்தனி புன்னகை

by **விமந்தனி** Sat Aug 08, 2015 12:22 am

வரலாற்றில் இன்று - ஆகஸ்ட் - Page 5 CrGEixzmQGOOs2yJBCcZ+August-8

1942 - இந்திய காங்கிரஸ் பம்பாயில் கூட்டிய மாநாட்டில் வெள்ளையனே வெளியேறு என்னும் தீர்மானம் நிறைவேற்றப்பட்டது.

வெள்ளையனே வெளியேறு இயக்கம் (Quit India Movement) 1942 இல் இந்தியாவில் ஆரம்பிக்கப்பட்ட ஒத்துழையாமை இயக்கம் ஆகும். இவ்வியக்கம் மகாத்மா காந்தியின் இந்திய விடுதலைக்கான அழைப்பினைத் தொடர்ந்து ஏற்படுத்தப்பட்டது.

இது ஆகஸ்ட் புரட்சி என்றும் அழைக்கப்படுகிறது. பிரித்தானிய அரசை அடிபணிய வைத்து பேச்சுவார்த்தை மேசைக்கு அழைப்பதே இதன் முக்கிய நோக்காக இருந்தது. இந்திய தேசிய காங்கிரஸ் பம்பாயில் ஆகஸ்ட் 8, 1942இல் கூட்டிய மாநாட்டில் இந்த இயக்கத்தை முன்னெடுத்துச் செல்ல தீர்மானம் நிறைவேற்றியது.

ஜூலை 1942இல் வார்தாவில் கூடிய காங்கிரஸின் செயற்குழு வெள்ளையனே வெளியேறு இயக்கத்துக்கான ஆயத்தத்தைத் தொடக்கியது.

அதை அடுத்து ஆகஸ்ட் 8 மாநாட்டில் பேசிய மகாத்மா காந்தி செய் அல்லது செத்து மடி என்ற கோஷத்தை வலியுறுத்தி வெள்ளையனே வெளியேறு இயக்கத்தை ஆரம்பித்து வைத்தார்.

by shobana sahas Sat Aug 08, 2015 12:45 am

நன்றி விமந்தனி அக்கா ... மதிய உணவு இடைவேளை ... அதான் ...

by **விமந்தனி** Sat Aug 08, 2015 1:18 am

shobana sahas wrote:நன்றி விமந்தனி அக்கா ... மதிய உணவு இடைவேளை ... அதான் ...

ஓ... இப்ப அங்கே மதியமா...? என்ன சமையல் ஷோபனா? சமையல் எல்லாம் எப்படி செய்வீர்கள்? நன்றாக செய்வீர்களா? குட்டி பையன் என்ன பண்றான்.?

by shobana sahas Sat Aug 08, 2015 1:26 am

விமந்தனி wrote:
shobana sahas wrote:நன்றி விமந்தனி அக்கா ... மதிய உணவு இடைவேளை ... அதான் ...

ஓ... இப்ப அங்கே மதியமா...? என்ன சமையல் ஷோபனா? சமையல் எல்லாம் எப்படி செய்வீர்கள்? நன்றாக செய்வீர்களா? குட்டி பையன் என்ன பண்றான்.?

மேற்கோள் செய்த பதிவு: 1156335

அக்கா இன்று அவனுக்கு சுரம் , இருமல் ... வீட்டில் தான் உள்ளான் .. நேற்று இரவு அவன் நன்றாக தூங்கலை .. அவனுக்கு மருந்து கொடுத்து , விக்ஸ் தடவி .. நானும் சரியா தூங்கலை ... அதனால் இன்னைக்கு ரசம் மட்டும் தான் வைத்தேன் . காரட் பொரியல் பண்ணினேன் .. என் வீட்டுக்காரர் அலுவலகத்தில் ஏதோ விசேஷமாம் .. அதனால் லஞ்ச் கட்டிக்கொண்டு போகலை .. வேண்டாம்ன்னு சொல்லிட்டார் . சனி , ஞாயிறு தான் கொஞ்சம் பெரிய சமையல் .
ஓரளவு நல்ல சமைப்பேன் அக்கா . அக்கா , உங்களுக்கு ஒரு பெண் குழந்தையா ?

by **விமந்தனி** Sat Aug 08, 2015 1:42 am

அடடா... குழந்தைக்கு ஜுரமா? பார்த்துக்கொள்ளுங்கள் ஷோபனா. சோகம்

குழந்தைகள் ஏதாவது ஒரு வகையில் நம்மை சோதித்துக்கொண்டே தான் இருப்பார்கள். அவர்கள் உடம்புக்கு வந்துவிட்டாலே நமக்கு வேலை ஓடாது.

6 வருடங்கள் தானே ஆகிறது... போகப்போக சமையலில் கலக்கிடுவீங்க. வாழ்த்துக்கள்.

எனக்கு ஒரு பெண் குழந்தை. 7th படிக்கிறாள். (கொஞ்சம் லேட்டா பொறந்துட்டா) அவள் பெயரில் தான் நான் இங்கிருக்கிறேன்.

by shobana sahas Sat Aug 08, 2015 1:51 am

விமந்தனி wrote:அடடா... குழந்தைக்கு ஜுரமா? பார்த்துக்கொள்ளுங்கள் ஷோபனா. குழந்தைகள் ஏதாவது ஒரு வகையில் நம்மை சோதித்துக்கொண்டே தான் இருப்பார்கள். அவர்கள் உடம்புக்கு வந்துவிட்டாலே நமக்கு வேலை ஓடாது.

6 வருடங்கள் தானே ஆகிறது... போகப்போக சமையலில் கலக்கிடுவீங்க. வாழ்த்துக்கள்.

எனக்கு ஒரு பெண் குழந்தை. 7th படிக்கிறாள். (கொஞ்சம் லேட்டா பொறந்துட்டா) அவள் பெயரில் தான் நான் இங்கிருக்கிறேன்.

மேற்கோள் செய்த பதிவு: 1156341

அக்கா நான் உங்கள் மகளை அக்கான்னு கூபிட்டுகொண்டு இருக்கேனா ? சிரி

ஆம்மாம் அக்கா கல்யாணம் ஆகி 7 வருடங்கள் ஆகின்றது. அவனுக்கு இப்போ 5.1/2 வயசு ஆகிறது ..
நான் ஒன்றும் செய்யாமல் அவன் பக்கதில்லேயே உட்கார்ந்து கொண்டு ஈகரையில் இணைந்துள்ளேன் .