பேக்கரும்பு பெண்வயிறு பெற்றபேறு

by **Aathira** Thu Jul 30, 2015 6:16 pm

First topic message reminder :

பேக்கரும்பு பெண்வயிறு பெற்றபேறு - Page 2 Vbk-21-kalam_jpg_1660102f

ஏவுகணை எழுந்ததொன்று இராமசு ரத்தில்
எக்காள மிட்டவரின் இடுப்பொ டிக்க
சாவுகணை வந்ததென்று எதிரி எல்லாம்
சரணடைந்தார் ஆயுதத்தை மூடி வைத்தார்
நோவுகளே தீண்டியவன் இளமை எல்லாம்
நோகாமல் நோற்பதல்ல வெற்றி என்னும்
பாவுகளை அவன்நூற்றான்; படகு ஓட்டும்
பரதவனே பாரதத்தின் தலைவ னானான்

சுக்கலாகச் சிதறவிட்டீர் பொக்ரான் சக்தி
சோதனையில் வல்லரசு நாட்டை யெல்லாம்
கக்கனைத்தான் எளிமை என்பார் அப்துல்
கலாம்நீர் அவருக்கே அப்பன் ஆனீர்
நிக்காவே செய்யாமல் பிள்ளை பெற்று
நேசமுடன் வளர்த்திட்ட கணியன் நீரே
விக்கலெல்லாம் உம்நினைவைச் சுமந்தே விக்கும்
வீறுகொண்ட இளைஞர்க்கவை விசையாய் நிற்கும்

நாளிதழை நீர்சுமந்தீர் நாங்களும் நெஞ்சில்
நாள்தோறும் சுமக்கின்றோம் உம்நி னைவை
பாழிதழா உம்இதழ்கள்? பைந்தமிழ்ப் பாவை
பாரெல்லாம் பாடிவந்த நெய்தல் பண்ணின்
யாழிதலே உம்மிதழ்கள்; புறநா னூறு
அறநூலாய் நீர்வாழ்ந்தீர்; கொல்லும் நச்சு
வேலிதழை ஏந்துகின்ற கால னுக்கு
விருந்தானீர் கதறுகின்றோம் காலா சாசா

விழலுக்கு நீர்இறைத்தார் பலரும்; நீரோ
விழுதுகளின் விளைச்சலுக்கே நிதம்உ ழைத்தீர்
கழலையல்ல உம்சுரப்பு கருணை மாரி
கணைமாரி அணுமாரி பெய்த போதும்.
மழலையெல்லாம் மாலையா கிஉம்மைச் சூடும்
மனமாண்பு விதையிட்ட உழவா; எங்கள்
சலவையே செய்யாத அழுக்கை எல்லாம்
சஞ்சலமே இல்லாமல் வெளுத்து விட்டீர்

நாகரும்பு மனிதர்நீர்: நவின்ற தெல்லாம்
நற்றமிழின் வாழ்முறையின் வாக்கு கள்தாம்
கைகரும்பு எழுத்தாகப் பதித்த தெல்லாம்
காலத்தை வெற்றிகொள்ள புதிய கீதை
தேக்(கு)கரும்பு தேகம்கொண்ட தியாகி! தேவ
குழந்தைகளும் காண்பதற்கோ வானம் சென்றீர்
பேக்கரும்பு மணிவயிறு பெற்றபேறு மீண்டும்
பெருமைமிகு கருவானீர் புனித மண்ணில்

ஆதிரா முல்லை

by **T.N.Balasubramanian** Fri Jul 31, 2015 5:39 pm

Aathira wrote:
T.N.Balasubramanian wrote:
Aathira wrote:
T.N.Balasubramanian wrote:ஊற்றென பெருகியதோ
கண்ணீரும் கவிதையும் .
ரமணியன்
மேற்கோள் செய்த பதிவு: 1154171
ஆமாம் ரமணியன் சார். இப்போதெல்லாம் நான் கவிதையே எழுதுவதில்லை. ஏதும் ஊறுவதே இல்லை.
மேற்கோள் செய்த பதிவு: 1154211

பல வேலைகள் ,நேரமின்மை அறிய முடிகிறது !
ரமணியன்
மேற்கோள் செய்த பதிவு: 1154213

மேற்கோள் செய்த பதிவு: 1154340

இருந்தாலும் "பானுவும் ரம்சான் விருந்தும்" உண்ணுவதற்கு (படிக்க) 10 நிமிடம் ஒதுக்கி இருக்கலாம். சோகம்

ரமணியன்

by **Aathira** Tue Oct 13, 2015 8:51 pm

பேக்கரும்பு பெண்வயிறு பெற்றபேறு - Page 2 12141504_990804837628384_2678267650994851451_n

பேக்கரும்பு பெண்வயிறு பெற்றபேறு - Page 2 12065595_990804774295057_7709505406658757989_n

பேக்கரும்பு பெண்வயிறு பெற்றபேறு - Page 2 12079625_990804807628387_8452662473358614843_n

வேறு இதழ்களில் வந்து விட்டது என்று கூறிய பின்னும் கவிதை உறவு, புதுகைத் தென்றல்,
உரத்த சிந்தனை, முரசு சங்கமம் ஆகிய 4 இதழ்களில் இடம் பிடித்தது இந்தக் கவிதை.

by Sponsored content

பேக்கரும்பு பெண்வயிறு பெற்றபேறு

பேக்கரும்பு பெண்வயிறு பெற்றபேறு

Re: பேக்கரும்பு பெண்வயிறு பெற்றபேறு

Re: பேக்கரும்பு பெண்வயிறு பெற்றபேறு

Re: பேக்கரும்பு பெண்வயிறு பெற்றபேறு

பின்னூட்டம் எழுத உள்நுழைக அல்லது உறுப்பினராக பதிவு செய்க

உறுப்பினராக இணையுங்கள்

உள்நுழைய