வானவில் மருத்துவம்

**சிவா** · **சிவா** Fri Sep 26, 2008 4:42 pm

காய்கறிகள் ஒவ்வொன்றும் ஒவ்வொரு நிறத்தில் இருப்பது காய்கறிகளுக்கு இயற்கை தந்த வரமாகும். இப்படி பல்வேறாக வேறுபட்டிருக்கும் ஒவ் வொரு நிற காய்கறிக்குள்ளும் ஒவ்வொரு விதமான சத்தான விஷயங்கள் அடங்கியுள்ளன. வானவில்லின் ஏழு வண்ணம் கண்களுக்கு, காய்கறிகளில் ஏழு வண்ணம் உடல் நலத்துக்கு.

**சிவா** · **சிவா** Fri Sep 26, 2008 4:42 pm

உதாரணம், கத்திரிக்காய், இது வயிற்றை நிரப்பும். ஆனால், உடலைப் பெருக்க வைக்காது. மாறாக, இரத்தக் கொதிப்பைக்கட்டுப்படுத்தி, நன்கு சிந்திக்க மூளையை விழிப்புடன் வைத்திருக்கும் பொட்டாசியம் உப்பு இதில் உள்ளது. உடலில் அதிகமாக உள்ள சோடியம் உப்பையும் பாதுகாப்பாக வைக்க இந்நிறம் உதவுகிறது.

நீல நிறமுள்ள உலர் கொடி முந்திரிப் பழத்திலும் இரத்த அழுத்தத்தைச் சீராகப் பராமரிக்கும் மக்னீசியமும், பொட்டாசியமும் உள்ளன. கூடுதலாக நார்ச்சத்தும் உள்ளன. நாவற்பழத்தில் ஆரோக்கியமான, இதயத்திற்குத் தேவையான மேற்கண்ட இரு உப்புக்களுடன் கால்சியம், பாஸ்பரஸ், வைட்டமின் ஆகியவை உள்ளன. நரம்பு மண்டலமும், தசைகளும் பாதுகாப்பாக இருக்க நீல நிறமுள்ள உணவு வகைகள் உதவுகின்றன.

**சிவா** · **சிவா** Fri Sep 26, 2008 4:43 pm

சிவப்பு நிறப்பழங்கள் மற்றும் காய்கறிகளில் வைட்டமின் சி, காயத்தை வேகமாகக் குணப்படுத்தும் குணம் கொண்டது. நோய் எதிர்ப்புச் சக்தி உள்ளது. மலச்சிக்கல், பெருங்குடல் புற்றுநோய், கொலஸ்டிரால் முதலியவற்றைத் தடுக்கும் குணங்கள் இதற்கு உண்டு. குண்டு மிளகாய், ஆப்பிள், தக்காளி முதலியவற்றில் உள்ள சிவப்பு நிறம் உடலுக்கு மிக நல்லது.

**சிவா** · **சிவா** Fri Sep 26, 2008 4:43 pm

பச்சை காய் கனிகளில் கண்களுக்குத் தேவையான ஏ வைட்டமின் உண்டு. இதயம், புற்றுநோய்ப் பாதுகாப்பிற்குத் தேவையான வைட்டமின் சி, ஃபோலிக் அமிலம் போன்றவை உள்ளன. காய்ச்சல் எட்டிப் பாராமல் இருக்க முட்டைக் கோஸ், பச்சைக்கீரை, பச்சை திராட்சை, லெட் டூஸ், பச்சைப் பட்டாணி, பார்ஸ்லே, லீக்ஸ் முதலிய ஏதேனும் ஒன்றைச் சேர்த்துக் கொள்ள வேண்டும்.

**சிவா** · **சிவா** Fri Sep 26, 2008 4:43 pm

மஞ்சள் நிற காய்கறிகளில் புரதமும், கொழுப்பும் உடல் எளிதில் உறிஞ்சிக் கொள்ள உதவும் பி 6 வைட்டமின் உள்ளது. தொற்று நோயைத் தடுக்கும் சக்தியும் மஞ்சள் நிறத்திற்கு உண்டு. வாழைப்பழம், அன்னாசி, எலுமிச்சை, சாத்துக்குடி, உருளைக்கிழங்கு முதலியன நல்ல மஞ்சள் உணவுகள்.

**சிவா** · **சிவா** Fri Sep 26, 2008 4:44 pm

வெண்மை நிற உணவு வகைகள் இரத்த ஓட்டம் நன்றாக இருக்க உதவுகின்றன. இதனால் இதய அடைப்பு அபாயம் தடுக்கப்படும். வெள்ளை நிற வடிவில் வெங்காயம், வெள்ளைப் பூண்டு தினமும் சேரவேண்டும். காலிபிளவர், புற்று நோயைத்தடுக்கும். எலும்பு பாதுகாப்பிற்கான கால்சியம் இதில் உள்ளது.

**சிவா** · **சிவா** Fri Sep 26, 2008 4:44 pm

பழுப்பு நிற உணவு வகைகளில் தேவையான அளவு நாச்சத்தும், மாவுச்சத்தும் உள்ளன. கொலஸ் டிராலைக் கட்டுப்படுத்தும் திறனும் உள்ளது. கைக்குத்தல் அரிசி, உலர்ந்த அத்திப்பழம், காளான், கொட்டை வகைகள், தானிய வகைகள் என அனைத்தையும் பழுப்பு நிறத்தில் அடக்கி விடலாம். தேநீரில் இதயப் பாது காப்பிற்கு உதவும் ஃப்ளா வினாய்ட்ஸ் உள்ளது. தோல் நோய் தீர்க்கும் தன்மை பெருஞ்சுரப்பி ஆரோக்கியம் முதலிய வற்றிற்குத் தேவையான துத்தநாக உப்பு பழுப்பு நிறத்தில் உள்ளது.

**சிவா** · **சிவா** Fri Sep 26, 2008 4:45 pm

ஆரஞ்சு நிற உணவு வகைகளில் நஞ்சை முறிக்கும் ஏ, சி, ஈ போன்ற வைட்டமின்களும் உண்டு. பலவீனம், சோம்பல் முதலியவற்றை அகற்றும் குணம் ஆரஞ்சு நிறத்திற்கு இருக்கிறது. மூலநோயும், கண் நோயும் குணமாக ஆரஞ்சு நிறம் உதவும். எடையும் கட்டுப்பாட்டில் இருக்கும். காரட், ஆரஞ்சு, பரங்கிக்காய், முலாம்பழம், ஏப்ரிகாட், பீச் போன்றவற்றில் இரண்டையேனும் தினமும் உணவில் சேருங்கள். அரிசி, கோதுமை, ரொட்டி, பால், தயிர், வெங்காயம், வெள்ளைப் பூண்டு, காரட், தக்காளி, ஆப்பிள், ஒரு கீரை, வாழைப் பழம், கத்தரிக்காய் முதலியவற்றைச் சேர்த்தால் ஓரளவு ஏழு வண்ண உணவுகளும் தினமும் நமக்குக் கிடைத்து விடும்.