தலை வலியைத் தடுக்கும் தேங்காய் எண்ணெய்!

**சிவா** · **சிவா** Sun Jul 26, 2015 9:24 pm

மூளையைச் சுற்றிப் பின்னிப் பிணைந்திருக்கும் நரம்புகளில் ஏற்படும் அழுத்தமே தலைவலி ஏற்பட முக்கியக் காரணம். தலை, கழுத்தைச் சுற்றி உள்ள நரம்புகள், தசைகளில் வலி ஆகியவற்றின் தொகுப்புதான் தலைவலி.

மனப்பதற்றம் அதிகரிப்பதால் உடலின் வெப்பம் அதிகரிக்கும். அதுவே தலைக்குள் பரவி வலியை உண்டாக்குகிறது. வலி நிவாரண மாத்திரைகளைக் காட்டிலும் பதற்றமான மனநிலையைத் தவிர்ப்பதே தலைவலிக்கான தீர்வாகும்.

தலைவலி ஏற்பட்டால் மருத்துவரிடம் ஆலோசனை பெறுவது நல்லது. அடிக்கடி தலைவலியால் அவதிப்படுபவர்கள் தினமும் சரியான நேரத்தில் சாப்பிட வேண்டும்.

அதீத பசியும் தலைவலியைத் தூண்டும். சூடான உணவு வகைகளைத் தவிர்க்க வேண்டும். உடலின் நீர்ச்சத்து குறையாமல் இருக்குமாறு பார்த்துக்கொள்ள வேண்டும்.

கல் உப்பு, 2 கிராப்பை எடுத்துச் சிறிது பால் சேர்த்து அரைத்து உட்கொண்டால் தலைவலியின் கடுமை குறையும். ஒரு டம்ளர் வெந்நீருடன் சிறிது எலுமிச்சைப் பழச்சாறு சேர்த்துக் கலந்து குடிக்கலாம்.

சூடான பசும்பால் குடிக்க தலைவலி குறையும். மேலும் தலைவலியின் போது, உணவில் சிறிது நெய் சேர்த்துக் கொள்ளுதல் நல்லது. மசாலா பொருட்களுள் ஒன்றான பட்டையைச் சிறிது தண்ணீர் விட்டு அரைத்துப் பசை போலாக்கி, அதனை நெற்றியில் பற்றுப்போல் தடவலாம்.

சந்தனக்கட்டையைச் சிறிது தண்ணீர் விட்டுப் பசை போல் அரைத்து அதனை நெற்றியில் பற்று போட்டால் தலைவலி பறந்துவிடும்.

தேங்காய் எண்ணெய் குளிர்ச்சியைத் தரும் குணம் கொண்டது. ஆகவே, கோடைக்காலத்தில் தலைவலியால் அவதிப்பட்டால், இம்மருத்துவம் நல்ல பலனைத் தரும்.

**T.N.Balasubramanian** · **T.N.Balasubramanian** Sun Jul 26, 2015 9:49 pm

அந்தக் காலங்களில், நம்மூர்களில் தலைக்கு தேங்காய் எண்ணெய்தான் உபயோகப்படுத்துவார்கள் .
எண்ணெய் தேய்த்து குளிப்பது நல்லெண்ணெய் .
ஆனால் கேரளா மாநிலங்களில் , எல்லாவற்றிற்கும் தேங்காய் எண்ணெய்தான் .

ரமணியன்

**சிவா** · **சிவா** Sun Jul 26, 2015 9:53 pm

T.N.Balasubramanian wrote:அந்தக் காலங்களில், நம்மூர்களில் தலைக்கு தேங்காய் எண்ணெய்தான் உபயோகப்படுத்துவார்கள் .
எண்ணெய் தேய்த்து குளிப்பது நல்லெண்ணெய் .
ஆனால் கேரளா மாநிலங்களில் , எல்லாவற்றிற்கும் தேங்காய் எண்ணெய்தான் .

ரமணியன்

மேற்கோள் செய்த பதிவு: 1153498

இலங்கையிலும் தேங்காய் அதிகம் பயன்படுத்துவார்கள், குறிப்பாக தேங்காய் இல்லாமல் சமைக்கத் தெரியாதாம்!

**T.N.Balasubramanian** · **T.N.Balasubramanian** Sun Jul 26, 2015 9:56 pm

ஆம் கேள்வி பட்டுள்ளேன் ,சிவா !
யாழ்பாணத்தில் தென்னை மரம் அதிகம் .
யாழ்பாணம் தென்னம்கன்னு என்று திருச்சியில்
விற்பனை கொடிகட்டிப் பறக்கும்

ரமணியன்

Sponsored content · Sponsored content

தலை வலியைத் தடுக்கும் தேங்காய் எண்ணெய்!

தலை வலியைத் தடுக்கும் தேங்காய் எண்ணெய்!

Re: தலை வலியைத் தடுக்கும் தேங்காய் எண்ணெய்!

Re: தலை வலியைத் தடுக்கும் தேங்காய் எண்ணெய்!

Re: தலை வலியைத் தடுக்கும் தேங்காய் எண்ணெய்!

Re: தலை வலியைத் தடுக்கும் தேங்காய் எண்ணெய்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக