மூன்று நிமிடங்களுக்கு மேல் நதியில் நீராடக் கூடாது

by **ayyasamy ram** Sun Jul 26, 2015 6:15 am

திருப்பதி:
கோதாவரி நதியில் புனித குளியலை,
மூன்று நிமிடங்களில் முடித்து விட வேண்டும் என,
போலீசார் தெரிவித்துள்ளனர்.

ஆந்திர மாநிலம், கோதாவரி நதியில், 12 ஆண்டிற்கு
ஒருமுறை கொண்டாடப்படும் புஷ்கரத்தின் போது,
மக்கள் திரண்டு வந்து நதியில் புனித நீராடுவது வழக்கம்.
அதன்படி, கடந்த 14ம் தேதி துவங்கப்பட்ட கோதாவரி
புஷ்கரத்தில், லட்சக்கணக்கான பக்தர்கள் திரண்டு வந்து
புனித நீராடி வருகின்றனர்.

தினசரி ஒரு மணிநேரத்தில், 70 ஆயிரம் பக்தர்கள் வரை
கோதாவரியில் நீராடுவதால், நதி நீரில் பாக்டீரியாக்கள்
(ஈ.கோலி) பெருகி வருகின்றன.நீராடும் பக்தர்கள் விஷ காய்ச்சல்,
வாந்தி, பேதி போன்றவற்றால் பாதிக்கப்பட்டு வருகின்றனர்.

இந்நிலையில், ஆந்திர சுகாதாரத் துறை, குளோரினேட் செய்ய
முயன்றாலும், பாக்டீரியா பெருகுவதை கட்டுப்படுத்த
முடியவில்லை. மேலும், தினசரி புனித நீராட வரும் மக்களின்
எண்ணிக்கையும் அதிகரித்து வருகின்றன.

அதனால், மூன்று நிமிடங்களுக்கு மேல் நதியில் நீராடக் கூடாது
என, சுகாதாரத் துறை அதிகாரிகள் தெரிவித்தனர்.
-
தினமலர்

by shobana sahas Sun Jul 26, 2015 6:16 am

நல்லது தான் ... மூன்று நிமிடங்களுக்கு மேல் நதியில் நீராடக் கூடாது 103459460

மூன்று நிமிடங்களுக்கு மேல் நதியில் நீராடக் கூடாது 1571444738

by balakarthik Sun Jul 26, 2015 3:50 pm

ஓடுற நதியிலே எப்படி பாக்டிரியா இருக்கும்

by சங்கர்.ப Sun Jul 26, 2015 7:09 pm

balakarthik wrote:ஓடுற நதியிலே எப்படி பாக்டிரியா இருக்கும்

மேற்கோள் செய்த பதிவு: 1153439

தங்கி இருக்கும் போல....

by **சிவா** Sun Jul 26, 2015 9:10 pm

நாங்கல்லாம் வீட்டிலேயே மூன்று நிமிடத்திற்குள் குளித்துவிடுவோம்..!

ஆற்றுக்குப் போனால் அரை நிமிடம் தான்!

ஓடுகின்ற நீரில் பாக்டீரியா இருக்க வாய்ப்பில்லை! கூட்டம் அதிகமாக இருப்பதால் அனைவருக்கும் குளிக்க வாய்ப்பளிக்க வேண்டும் என்பதால் இவ்வாறு கூறியுள்ளார்கள்!

by **krishnaamma** Sun Jul 26, 2015 11:45 pm

ம்.....சீக்கிரம் குளித்து விட்டு வந்தால் அடுத்தவர் குளிக்க போகலாம் என்று சொல்லி இருப்பார்கள் புன்னகை

by **T.N.Balasubramanian** Mon Jul 27, 2015 8:05 am

ஓடுகின்ற நீரில் எப்பிடி க்ளோரின் கலக்கிறார்கள் எனத் தெரியவில்லை . நீரில் கரைந்த பெருங்காயம் என்று பழமொழி உண்டு , ஓடும் நதியில் கலக்கிய க்ளோரின் போல் என்ற புது மொழியும் உண்டாக்க வேண்டும்

lake ,pond இல் கலக்க ,பயன் தரும் .

ரமணியன்